شينجياڭدا تۇڭعىش سىرعىما تاس جارىس جولى سالىندى

كەلۋ قاينارى: تيانشان سايتىنىڭ ۋنيۆەرسال شينحۋا تورابى، بەيجيڭ قىسقى وليمپياداسىن ۇيىمداستىرۋ كوميتەتىنىڭ رەسمي سايتى، قۇلجا قالالىق توعىسپالى مەديا ورتالىعى 

1-ايدىڭ 14-كۇنى، بۇكىل شينجياڭ بويىنشا تۇڭعىش رەت جۇرتشىلىققا اشىق ۇستالعان كاسىپتىك سىرعىما تاس سپورت ويىنىنىڭ جارىس جولى ىلە قازاق اۆتونوميالى وبلىسىنىڭ قۇلجا قالاسىندا رەسمي ىسكە قوسىلدى. 

سۋرەتتە: قالا تۇرعىندارى سىرعىما تاس سپورت ويىنىن ۇيرەنۋدە 

سول كۇنى تۇستەن كەيىن، ءتىلشى قۇلجا قالالىق دەنە تاربيە سارايىنان كوپتەگەن قالا تۇرعىندارىنىڭ وسى قۋانىشتى حاباردى ەستىسىمەن-اق دەرەۋ جەتىپ، سىرعىما تاس سپورت ويىنىنان ءلاززات الىپ، ۇيرەنىپ ويناپ جاتقاندارىن ءوز كوزىمەن كوردى.

سۋرەتتە: قالا تۇرعىندارى قىزمەتكەرلەردىڭ جەتەكشىلىگىندە سىرعىما تاس سپورت ويىنىن ۇيرەنۋدە. 

ۇعىسۋعا قاراعاندا، بۇل ەكى جارىس جولىنىڭ ۇزىندىعى 22 مەتر، كەڭدىگى 3 مەتر بولىپ، بۇكىل مەملەكەتتىك سپورت جارىسىنىڭ سىرعىما تاس سپورتىنداعى ولشەمدى جارىس جولى ەكەن. بۇل جارىس جولى قالا تۇرعىندارىنىڭ اقىسىز ۇيرەنۋىنە جانە سىرعىما تاس نىسانىن جالپىلاستىرۋعا ارناۋلى ىستەتىلەدى. 

سۋرەتتە: قالا تۇرعىندارى قىزمەتكەرلەردىڭ جەتەكشىلىگىندە سىرعىما تاس سپورتىن ۇيرەنۋدە. 

قالا تۇرعىنى گاۋيا بىلاي دەدى: بەيجيڭ قىسقى وليمپياداسى تاياپ قالدى، قىزمەتكەرلەردىڭ جەتەكشىلىگىندە مەن سىرعىما تاس سپورت ويىنىن ۇيرەنىپ كوردىم، وتە جاقسى ەكەن، ۇنەمى وسىندا كەلىپ ارەكەت جاساۋ ويىم بار. 

سۋرەتتە: قالا تۇرعىنى سىرعىما تاس سپورت ويىنىن ۇيرەنۋدە 

سىرعىما تاس سپورت نىسانىن جالپىلاستىرۋ ءۇشىن، قۇلجا قالالىق دەنە تاربيە سارايى مۇزداتۋ اگرەگاتى، ناسوس جولدارى مەن سۋ ساندىق جۇيەسىن كىرگىزىپ، جارىس جولىندا جىل بويى مۇز قاتىرىپ تۇرۋدى جۇزەگە اسىردى. قۇلجا قالالىق مادەنيەت-ساياحات مەكەمەسى دەنە تاربيە ءبولىمىنىڭ باستىعى يىن چۋانلي بىلاي دەدى: ەكى سىرعىما تاس جارىس جولى قالا تۇرعىندارىنا اقىسىز اشىلدى، مەن كاسىپتىك جارىس جولىنان پايدالانىپ، قۇلجا قالاسىندا جەرگىلىكتى سىرعىما تاس سپورتشىلارىن، تورەشىلەرىن جانە جاتتىقتىرۋشىلاردى جەتىلدىرىپ، قاز-مۇز سپورت نىساندارىنىڭ ىلەدە گۇلدەنىپ، ناتيجە شىعارۋىن ءۇمىت ەتەمىن. 

بيىل، قۇلجا قالاسى دەنە تاربيە سارايىنىڭ 1-قاباتىنداعى باسكەتبول الاڭىن تەحنيكا ارقىلى باسكەتبول جانە مۇز الاڭىنا اينالۋ يقۋاتىنداعى دوپ الاڭىنا وزگەرتىپ، بۇرىنعى يقۋاتتارىن وزگەرتپەۋ شارتى استىندا، ءبىر ولشەمدى مۇز الاڭىن جاڭادان كوبەيتىپ، مۇز ءۇستى جاتتىعۋى مەن مۇز ۇستىندەگى كوركەمونەر قيمىلدارىن جۇرگىزۋدى جوسپارلادى. دەنە تاربيە سارايىنىڭ جەر استىنداعى قاباتىندا تاعى 5 تارماق سىرعىما تاس ولشەمدى جارىس جولىن جاڭالاپ قوسۋدى جوسپارلاۋدا. 

سۋرەتتە: سىرعىما تاس سپورتى 

قىسقى وليمپيادا جارىس الاڭىندا ءبىر ءتۇرلى جارىس بارىسى وتە قىزىقتى بولادى، ول بولسا «سىرعىما تاس» سپورت ءتۇرى. 

سىرعىما تاس «تاس سىرعىتۋ» دەپ تە اتالادى، مۇز ۇستىندە تاس سىرعىتۋ «مۇز ۇستىندەگى حالىقارالىق شاحمات» دەلىنەدى دە، تىنىشتىق پەن قوزعالىستىڭ اسەمدىگىن جانە تاستى الۋ، سىرعىتۋداعى زەيىندى اڭعارتادى. 

سىرعىما تاس سپورت ويىنى قاراماققا ىڭ-جىڭسىز ويىن كورىنگەنىمەن، جۇيتكىپ سىرعىعاندا بارىپ، ىڭعىلىنا ىلەسىپ، قىزىعا تۇسەسىز. 

اۋدارعان: مارالبەك ابدىكارىم ۇلى 

来源： 天山网 

编辑、制作：阿依娜