ينفورماتسيا اشكەرەلەۋ: mzjubao@cnr.cn

وزەكتى ماقالالار

ا ق ش «ۇشپا تالەڭكە» جونىندە ىسپات تىڭداۋ جيىنىن اشادى

来源:央广网     |责编:达吾力别克|     发布日期: 2022-05-13 22:06

 

جارتى عاسىردان بەرى، ا ق ش پارلامەنتى تۇڭعىش رەت UFO ماسەلەسى جونىندە ىسپات تىڭداۋ جيىنىن اشادى

ا ق ش پارلامەنتى قاۋىم پالاتاسىنىڭ اقپار كوميتەتى كەلەسى اپتادا بەلگىسىز ۇشپا زاتقا (UFO) قاتىستى ماسەلەلەر جونىندە ىسپات تىڭداۋ جيىنىن وتكىزەدى. بۇل ا ق ش پارلامەنتىنىڭ 50 نەشە جىلدان بەرى، وسى ماسەلە جونىندە تۇڭعىش رەت ىسپات تىڭداۋى بولماق. 

 

ىسپات تىڭداۋ جيىنى ا ق ش قورعانىس مينيسترلىگى بىلتىر قۇرعان «اۋە نىساناسىن پارىقتاۋ جانە باسقارۋ قادامداس شاعىن گرۋپپاسىنا» باسا نازار اۋدارادى. بۇل شاعىن گرۋپپا اقپار تاراۋلارىندا 2004-جىلدان بەرى ا ق ش-نىڭ قىزمەتكەرلەرى بايقاعان 144 رەتكى «بەلگىسىز اۆياتسيا قۇبىلىسى» جونىندە العاشقى ادىمدا باعالاۋ جۇرگىزگەننەن كەيىن قۇرىلدى. 

 

ا ق ش سىمدى تەلەۆيزيا اقپارات تورابىنىڭ 5-ايدىڭ 10-كۇنى تاراتقان حابارىنا نەگىزدەلگەندە، قاۋىم پالاتاسى اقپار كوميتەتىنىڭ لاڭكەستىككە قارسى تۇرۋ، اقپارعا قارسى تۇرۋ جانە تاراتۋعا قارسى تۇرۋ شاعىن گرۋپپا كوميتەتى  وسى ايدىڭ 17-كۇنى تۇستەن بۇرىن اشىق ىسپات تىڭداۋ جيىنىن وتكىزەدى ءارى وسىدان كەيىن «كەڭىستىكتەگى نىسانانى پارىقتاۋ جانە باسقارۋ قادامداس شاعىن گرۋپپاسى» جونىندە جابىق ىسپات تىڭداۋ جيىنىن وتكىزەدى ەكەن. 

سۋرەتتە: بۇل 2021-جىلى 11-ايدىڭ 19-كۇنى تۇسىرىلگەن ا ق ش-نىڭ ۆاشينگتون قالاسىنداعى پارلامەنت سارايى. (شينحۋا اگەنتتىگىنىڭ ءتىلشىسى شىن تيڭ فوتوسى) 

 

مەملەكەت قورعانىس مينيسترلىگىنىڭ اقپار جانە حاۋىپسىزدىك ىستەرىنە جاۋاپتى ورىنباسار مينيسترى رونارد مۋتەري، تەڭىز ارمياسى اقپار مەكەمەسىنىڭ ورىنباسار باستىعى سكۋت بلەي كۋا بولادى. 

 

بىلتىر 6-ايدا، ا ق ش مەملەكەتتىك اقپار باس باقىلاۋشى كەڭسەسى پارلامەنتكە وسى كەڭسە مەن ا ق ش قورعانىس مينيسترلىگى قۇرعان، تەڭىز ارمياسى جەتەكشىلىك ەتكەن ەرەكشە قىزمەت گرۋپپاسى جازعان باياندامانى تاپسىرىپ، 2004-جىلدان بەرى، ا ق ش جاقتىڭ قىزمەتكەرلەرى «بەلگىسىز اۆياتسيا قۇبىلىسىن» 144 رەت بايقادى دەپ اتاپ كورسەتتى. 

 

باياندامادا مىنالار اتاپ كورسەتىلدى: بۇل قۇبىلىستىڭ كوبى ارميا جاق ۇشقىشتارىنىڭ جاتتىعۋىنان بايقالعان احۋالدان كەلگەن، مۇنىڭ 80 رەتكىسى  سەزدىرگى اسپاپتا بايقالعان. بۇدان سىرت، باقىلاۋشىنىڭ ايتۋىنا قاراعاندا، 18 رەتكى ۇشۋ ۇلگىسىندە نەمەسە ەرەكشەلىگىندە قالىپسىز جاعداي كورىلگەن. ايتالىق، تەڭىز دەڭگەيىنەن بيىك، سۇراپىل بوراندى كەڭىستىكتە تىنىش تۇرعان نەمەسە يتەرۋ قۋاتىن پارىقتاۋ مۇمكىن بولماعان جاعدايدا وتە تەز قارقىنمەن جىلجىعان. 

 

باياندامادا تاعى بىلاي دەلىنگەن: مۇنداي قۇبىلىستاردى تابيعي نەمەسە جاساندى دەنەلەردىڭ ۇشۋى دەپ تۇسىندىرۋگە بولادى. ايتالىق، ۇشاتىن قۇس نەمەسە ۇشقىشسىز ۇشاقتىڭ ۇشۋ قۇبىلىسى نەمەسە اتموسفەرالىق قۇبىلىس نەمەسە باسقا ەلدەر سىناق ەتىپ جاتقان وزىق قورعانىس تەحنيكاسى بولۋى مۇمكىن. 

 

سۋرەتتە: 3-ايدىڭ 29-كۇنى، ادامدار جاياۋلاي ا ق ش-نىڭ استاناسى ۆاشينگتوننىڭ مەملەكەتتىك الاڭىندا كەتىپ بارادى. (شينحۋا اگەنتتىگىنىڭ ءتىلشىسى ليۋ جيە فوتوسى) 

 

وتكەن جىلى 11-ايدا، مەملەكەت قورعانىس مينيسترلىگىنىڭ اقپار جانە حاۋىپسىزدىك مينيسترىنىڭ ورىنباسارى كەڭسەسىنە قاراستى «اۋە نىساناسىن پارىقتاۋ جانە باسقارۋ قادامداس شاعىن گرۋپپاسى» قۇرىلدى. بۇل شاعىن گرۋپپا مەملەكەت قورعانىس مينيسترلىگى مەن قاتىستى تاراۋلاردىڭ قىزمەتىن سايكەستىرۋگە ءارى بارلاۋ، پارىقتاۋ جانە تۇراقتاندىرۋ ارقىلى ەرەكشە پايدالانىلاتىن اۋە كەڭىستىگىندە جارىققا شىققان نىسانانى بارلاۋعا، پارىقتاۋعا جانە تۇراقتاندىرۋعا جاۋاپتى بولىپ، ونىڭ ۇشۋ حاۋىپسىزدىگىن، مەملەكەت حاۋىپسىزدىگىنە توندىرەتىن حاۋىپ، قاتەرىن باعالايدى ءارى تومەندەتەدى. 

 

ا ق ش بۇقاراسىنىڭ بەلگىسىز ۇشپا زاتقا نازار اۋدارۋى ەڭ العاش 1947-جىلى باستالعان. سول جىلى، ءبىر شاعىن تۇرپاتتى ۇشاقتىڭ ۇشقىشى ۆاشينگتون شتاتىنىڭ رەنير تاۋىنىڭ اۋە كەڭىستىگىنەن  «تالەڭكەگە ۇقسايتىن» 9 زاتتى بايقاپ، دىبىستان تەز ۇشادى دەپ مالىمدەدى. ونىڭ سۋرەتتەۋى بويىنشا، بەلگىسىز ۇشپا زات «ۇشپا تالەڭكە» دەپ اتالعان. 

 

ا ق ش پارلامەنتى قاۋىم پالاتاسى اقپار كوميتەتىنىڭ ءتوراعاسى، دەموكراتياشىلدار پارتياسىنىڭ مۇشەسى ادام شيف بىلاي دەدى: اشىلۋ الدىندا تۇرعان ىسپات تىڭداۋ جيىنىن قاتىستى سالاداعى ماماندار مەن اقپار سالاسى جاۋاپتىلارىنىڭ «ءبىزدىڭ وسى زامانىمىزداعى ەڭ ۇلكەن جۇمباق سىر» جونىندەگى كوزقاراسىن تىكەلەي تىڭداۋىنا وراي جاراتىپ بەرەدى ءارى «جاندى فاكت جانە جاريالىلىق ارقىلى شەكتەن تىس قۇپيالىق ساقتاۋ مەن جورامال اراسىنداعى اينالىمدى بۇزىپ تاستايدى». 

 

اۋدارعان: ساعىنبەك رابات ۇلى  

 

中央广播电视总台 央广网 版权所有

ا ق ش «ۇشپا تالەڭكە» جونىندە ىسپات تىڭداۋ جيىنىن اشادى

جارتى عاسىردان بەرى، ا ق ش پارلامەنتى تۇڭعىش رەت UFO ماسەلەسى جونىندە ىسپات تىڭداۋ جيىنىن اشادى