اراب بىرىككەن امىرلىگىنىڭ پرەزيدەنتى قايتىس بولدى

جەرگىلىكتى ۋاقىت 5-ايدىڭ 13-كۇنى اراب بىرىككەن امىرلىگىنىڭ پرەزيدەنتى حاليفا بين زايد الناحايان قايتىس بولدى.

اراب بىرىككەن امىرلىگىنىڭ پرەزيدەنت ىستەرى مينيسترلىگى پرەزيدەنت حاليفانىڭ قازاسىنا بۇكىل مەملەكەت كولەمىندە تۋ جارتىلاي ءتۇسىرىلىپ، 40 كۇن ازا بىلدىرىلەتىندىگىن جاريالادى.

اراب بىرىككەن امىرلىگىنىڭ ۇكىمەت ورگانى، فەدراتسياسى مەن جەرگىلىكتى قۇرىلىمدار، جەكە تيجارات ورىندارى 3 كۇن جۇمىس توقتاتاتىن بولدى.

حاليفا بين زايد الناحايان 1948-جىلى تۋىلعان. 1969-جىلى ابۋزابيدىڭ حانزاداسى بولىپ بەلگىلەنگەن؛ 2004-جىلى اراب بىرىككەن امىرلىگىنىڭ ەل ىرگەسىن قالاۋشى پرەزيدەنتى زايد قايتىس بولعاننان كەيىن، وسى ەلدىڭ جاڭا كەزەكتى پرەزيدەنتى بولىپ تاعايىندالعان.

حاليفا مىندەت وتەگەن كەزىندە اراب بىرىككەن امىرلىگىنىڭ ەكونوميكاسى مەن قوعامىنىڭ دامۋىنا وراسان زور ۇلەس قوسقان، كەزىندە دۋباي قالاسىنىڭ 2008-جىلعى فينانس داعدارىسى قيىنشىلىعىنان وتۋىنە قارجىلاي كومەكتەسكەن. دۋباي قالاسىندا ورناتىلعان دۇنيە جۇزىندەگى ەڭ ءزاۋلىم عيمارات-حاليفا مۇناراسى ءدال وسى پرەزيدەنتتىڭ اتىمەن اتالعان بولاتىن.

اۋدارعان: جارقىن تۇسەن ۇلى

来源：央视新闻

编辑，制作：阿依娜