5-ايدىڭ 16-كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتىستى جاقتارمەن بىرگە «قىزمەت ءسىزدى كۇتىپ تۇر، كاسىپتەنۋ قاسىڭىزدان» اتىنداعى 100 كۇندىك كوپ توراپتا قىزمەتكەر قابىلداۋ ارناۋلى قيمىلىن باستاپ اتقارىپ، بۇكىل ەل بويىنشا ءبىر تۇتاس، كوپ جاق بىرلەسىپ ارەكەت جاسايتىن توراپتا قىزمەتكەر قابىلداۋ تۇعىرىن ورناتتى. قيمىل 8-ايدىڭ 25-كۇنىنە دەيىن جالعاسىپ، ەڭبەكشىلەردى 10 ميلليوننان استام جۇمىس ورنىمەن قامدايدى.

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتى ادامىنىڭ تانىستىرۋىنا قاراعاندا، بۇل رەتكى قيمىلدا قىزمەت ورنىن الا كەلىپ تىكەلەي تانىستىرىپ، كاسىپتىك جاقتان جەتەكشىلىك ەتەتىن بۇلتتىق ساباقحانا اشۋ، بۇلتتىق تاربيەلەۋ ارقىلى كاسىپتىك شەبەرلىككە باۋلۋ، جۇمىسقا ورنالاستىرۋ، كاسىپتەنۋ-شارۋاشىلىق قۇرۋ ساياساتىن ۇگىتتەۋ سياقتى قيمىلدار ۇيىمداستىرىلادى.

بۇل رەتكى قيمىلدا سۇرانىسى زور، تاپشى جانە ءوتىمدى، دامۋدىڭ الدىڭعى لەگىندە كەلە جاتقان كاسىپ سالالارى شوعىرلانعان، ءار اپتادا كوپتەگەن كاسىپ تۇرلەرى بويىنشا ارناۋلى قيمىل وتكىزىلىپ تۇرادى، العاشقى اپتادا ەمدەۋ، ءدارى-دارمەك، اۆتوموبيل، زەردەلى جاساۋ كاسىبى سياقتى 7 كاسىپ سالاسىنىڭ جۇمىس ورىندارى تانىستىرىلادى، جيىنى 8500 دەن استام ادام ىستەتۋشى ورىن 109 مىڭ قىزمەت ورنىمەن قامدايدى. ۇدايىلانعان 14 ارناۋلى قىزمەتكەر قابىلداۋ ءوڭىرى قۇرىلادى. وڭىرلىك ارناۋلى قيمىلداردا اۋىل-قىستاقتى كوركەيتۋ، وڭىرلەردىڭ سايكەستى دامۋى كوزدە ۇستالىپ، بەيجيڭ-تيانجين-حىبەي ءوڭىرى، گۋاڭدۇڭ-شياڭگاڭ-اۋمىن ۇلكەن شىعاناق رايونى، اۋىل-قىستاقتى گۇلدەندىرۋدە ءتۇيىندى سۇيەمەلدەنەتىن اۋداندار ارناۋلى قيمىلدارى وتكىزىلەدى. توپتىق ارناۋلى قيمىلدا جوعارى مەكتەپ بىتىرگەن وقۋشىلاردى، ديقان جۇمىسكەرلەردى، قالا-قالاشىقتارداعى جۇمىسسىز قالعانداردى، كەدەيلىكتەن  ارىلعان ەڭبەككۇشتەردى قىزمەتكە قابىلداۋ ارناۋلى قيمىلى ۇيىمداستىرىلادى.

جەلىدەن تىس قىزمەتكەر قابىلداۋ دا تارتىپپەن ۇيىمداستىرىلادى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى ءىشىنارا كاسىپتىك قوعامدارمەن جانە جەرگىلىكتى ورىندارمەن بىرگە وڭىرلىك سيپاتتى ەرەكشە كاسىپ سالالارى بويىنشا قىزمەتكەر قابىلداۋ قيمىلىن وتكىزەدى، مۇندا تىزبەكتى تيجارات، ءتۇستى مەتال، قامسىزداندىرۋ سياقتى كاسىپتەر قامتىلادى. جەر-جەر جەلىدەگى، جەلىدەن  سىرتقى قيمىل ورنالاستىرۋلارىن ءبىر تۇتاس جوسپارلاپ، كاسىپ سالالارى بويىنشا قىزمەتكەر قابىلداۋ، مەكتەپ اۋلاسىنا بارىپ قىزمەتكەر قابىلداۋ، كاسىپتەنۋگە قىزمەت وتەۋدى مەكتەپ اۋلاسىنا ەنگىزۋ سياقتى باعىتتامالى قىزمەت وتەۋ قيمىلدارىن وتكىزەدى.

وسى رەتكى ارناۋلى قيمىلدىڭ نەگىزگى جينالىس الاڭى جۇڭگو الەۋمەتتىك قىزمەتكەر قابىلداۋ تورابى، جۇڭگو مەملەكەتتىك دارىندىلار تورابى، سونداي-اق «جۇمىسقا ورنالاستىرۋ جەلىسى» بولادى، سونىمەن بىرگە، جۇمىسقا ورنالاستىرۋعا جەتەكشىلىك ەتۋ كارتاسى ازىرلەنىپ، ءار قايسى ولكەلەردىڭ بولىمشە جينالىس الاڭدارى مەن قاتىستى قوعامدىق قاتىناسۋشى جاقتاردى تۇتاستىرادى.

来源：央视新闻

翻译、视频制作：吾夏尔

微信制作：达吾力

تومەندەگى 阅读原文 جالعانىمىن باسىپ حاباردىڭ كەسكىنىن كورىڭىز