ينفورماتسيا اشكەرەلەۋ: mzjubao@cnr.cn

وزەكتى ماقالالار

ءوزىڭدى شارشاتپا، جاي ۇيىقتاما

来源:央广网     |责编:达吾力别克|     发布日期: 2022-06-23 09:59

 

 

ءوزىڭدى شارشاتپا، جاي ۇيىقتاما

 

وزىڭە كوپ قىسىم تۇسىرمە

1

وقىعان كىتابىمدا ءبىر اۋىز ءسوز بىلاي ايتىلۋشى ەدى: بالا كەزىمدە كۇندىزدى جاقسى، كەشتى جەك كورەتىنمىن، ويتكەنى، كۇندىز اسىر سالىپ ويناپ كەتەمىن، كەشتە ەرتە ۇيىقتاعىم كەلمەيتىن؛ ەسەيگەننەن كەيىن، كۇندىزدى جەك كورىپ كەتتىم، كەشتەن قورقاتىن بولدىم، ويتكەنى، كۇندىزگى قىزمەت ادامدى قاتتى شارشاتادى، تۇندە كوزىم ىلىنبەي باقىرايىپ جاتامىن.  

 

قاي كەزدەن باستالعانى جادىمدا جوق، قازىر ەرەسەك ادامنىڭ تۇرمىسى مىناداي بولىپ وزگەردى: قولىمىزدا قاشان دا ىستەپ جاتساڭ تۇگەپ بەرمەيتىن جۇمىس بولادى، شارشاعانىمىزدان كەيدە ءتىپتى كوزىمىز اشىلماي قالادى، ۇيىقتاي المايمىز؛ ءبىر كۇن حابار توسساق تا، ۇيقىعا باس قويعانعا دەيىن ءالى حابار كەلمەيدى، ۇيالى تەلەفونعا قادالا قاراپ وتىرامىز، ۇيىقتاۋعا تاعى باتىنا المايمىز. 

 

تۇرمىستىڭ قىسىمى وتە اۋىر، الداعى جولىمىز شەكسىز دە شەتسىز سەزىلەدى.

 

ءىس جۇزىندە، كوپتەگەن ادامنىڭ تۇرمىسى ۇقساس، ۇلىعاۋسار پارىق تا شامالى، ەشكىم دە جىرعاپ جۇرگەن جوق. 

 

بىرەۋلەر: تۇرمىس دەگەنىمىز باياۋ ۇرىلعان بالعا سەكىلدى،-دەيدى. 

 

ءاربىر پەندە ومىردە ىستىق پەن سۋىقتى، جاقسى مەن جاماندى، زەينەت پەن بەينەتتى جانە اشتى مەن تۇشتىنى؛ دۇنيەگە كەلۋدى، بىرتىندەپ قارتايۋدى، اۋرۋعا شالدىعۋدى جانە ومىردەن وزۋدى ەرتە مە، كەش پە  باسىنان كەشىرەدى. 

 

ەندەشە، نە ءۇشىن باياۋىراق بولمايمىز، نەگە اسىعىپ ابدىراپ كەتەمىز؟  

 

بۇگىنگى ءىسىمىز بىتپەسە، ەرتەڭ ىستەۋگە بولادى؛ بۇگىنگى مىندەتتى ءىسىن قاتىستى ادام كورە الماسا، ەرتەڭىندە ۋادەلەسىپ ىستەۋىنە بولادى عوي؛ بۇگىنگى كوزدەگەن ارمانىڭ ىسكە اسپاسا، ەرتەڭ جالعاستى قۇلشىنساڭ بولدى ەمەس پە؟! 

 

گۇلدەر شەشەك اتقاندا شەشىمى بولماعان ءىستى، گۇل سولعاندا  بىتىرسەك بولدى عوي.

 

شارشاساق دەم الايىق، قينالساق ەرتەرەك ۇيقىعا باس قويايىق، ءوزىمىزدى تىعىرىققا تىرەپ نەگە زورلانامىز؟ 

 

بىزگە مىناداي ءبىر ءتۇرلى كوڭىل كۇي اۋاداي قاجەت: ءومىر بويى بار كۇشىمىزدى سارقا جۇمساپ قۇلشىنساقتا، ءبارى سول قاراپايىم جانداردىڭ ءبىرىمىز، ءوزىمىزدى جاي ادام رەتىندە قاراپ  كەشىرە سالۋدى ۇيرەنىپ الايىق.

 

اسىعىپ باسقان قادامىڭدى باياۋلاتىپ، جەلكەڭنەن جەتى باتپان بوپ باسىپ تۇرعان سان قيلى قيال-ويلارىڭنان ارىل، ءوزىڭدى مۇجي بەرمە، مىجي بەرمە.

2

 

مىناداي ءبىر ءسوز بار: دۇنيە بەينە اينا سياقتى، قاباعىڭدى ءتۇيىپ قاراساڭ، ول دا ساعان قاباعىن ءتۇيىپ قارايدى؛ وعان كۇلسە قاراساڭ، ول دا ساعان كۇلىپ قارايدى. 

 

كەيدە تۇرمىس تىنىسىڭدى تارىلتقانداي سەزىنۋىڭنىڭ سەبەبى، كوڭىلسىزدىكتى، تۇرمىستىڭ تاقسىرەتىن، بولاشاقتان الاڭداۋشىلىقتى جۇرەك تۇكپىرىڭە ۇيالاتىپ العاندىعىندا. 

 

انىعىندا، تۇرمىسىڭىز جاپا مەن ماشاقاتقا تولىپ، ۇنەمى ارقا ەتىڭىز ارشا بولىپ قيىن كۇن كەشىپ جۇرگەن جوقسىز،   بۇل ومىردە ءسىزدىڭ دە قۇشاعىڭىز قۋانىشقا تولىپ، جۇزىڭىزدەن كۇلكى ەسىپ جۇرگەن شاقتارىڭىزدا تىم سيرەك ەمەس.

 

كوڭىلىڭدى كەڭگە سالىپ، مۇڭ-نالا، ۋايىمنان ارىلىپ، كۇلىمسىرەگەندە عانا، تىرشىلىكتىڭ اۋەلگى ءدامىن تاتا الاسىڭ. 

 

مىناداي ءبىر اڭگىمە كورگەن ەدىم. 

 

ءبىر جاس جىگىت ەتىكشىگە ءبىر پار كونە اياق كيىم اكەلىپ جاماتپاق بولادى، ەتىكشى الگى اياق كيىمدى قولىمەن بىرەسە اۋدارىپ، بىرەسە توڭكەرىپ كورىپ، ونىڭ وندىرىلگەن جەرىن ايتا قويادى.

 

جاس جىگىت بۇعان قايران قالادى، سوندا ەتىكشى ءتۇسىندىرىپ بىلاي دەيدى: مەن بۇرىن اياق كيىم زاۆودىندا تەحنيك جۇمىسشى بولىپ ىستەگەنمىن، كەيىن تەرى بۇيىمدار زاۆودىن اشتىم، ودان كەيىن كەلە داعدارىسقا تاپ بولىپ، تەرى بۇيىمدار زاۆودىم جابىلىپ قالدى، سونىمەن وسى اراعا كەلىپ اياق كيىم جامايتىن بولدىم.

 

ادام ءومىرىنىڭ باستالۋى مەن قۇلدىراۋى ەتىكشىنىڭ سوزىمەن ايتقاندا بەينە بۇلىڭعىر ەلەس سىڭايلى. ول انە اياق كيىم جاماۋعا بارىن سالىپ كىرىستى، جۇزىنەن ەشبىر نامىستانۋدىڭ نىسپى بايقالمايدى.

 

تەرەڭ وي جۇگىرتسەڭ، ادام ءومىرى ۇدەرە العا تارتىپ بارا جاتقان پويەزعا وتىرعانىڭ سياقتى، مەيلى ول سەنى قانداي كۇيگە تۇسىرسە دە، تەك سول ارادا ءبىراز ۋاقىت ايالداپ، ونان سوڭ دۇرىلدەتىپ كەتە باراسىڭ. 

 

وسى كەزدە، ىستەۋگە ءتيىستى ءىسىمىز پويەزدا تىم-تىرس وتىرىپ، ونىڭ كەلەسى ايالداماعا جەتكىزۋىن كۇتۋ بولماق. 

 

3

عۇمىر كەرۋەنىندە كەلەر كۇننىڭ جاقسىلىعىن كەزى بولعاندا كورەتىنىڭىز انىق. ءومىر ساپارىڭىزدا العا باسقان قادامىڭىزدى تىنىقتىرىپ، دەمالدىرىپ وتىرىڭىز.

 

بۇل تىرلىكتە اتاق-ابىروي مەن پايدانىڭ تۇك قاجەتى جوق دەگەندىك ەمەس، قايتا قول جەتكىزگەنىڭ كوپ، الدە از بولسىن، بارىنە، بارىنا قاناعات قىلعان ابزال.  

 

جاساعان ورتاڭىزدا كىسىمەن، كىسىنىڭ ىسىمەن ارالاسپاڭىز دەپ تۇرعانىمىز جوق، دەسەدە كەلىمدى-كەتىمدى ىستەردىڭ ءبارىن كوڭىلىگە الا بەرمەگەن ءجون. 

 

 

قاراڭىز، بۇل دۇنيە جامان ەمەس، ونى ماڭگى قىزۋ سۇيۋىمىزگە، ماڭگى ءۇمىت ارتۋىمىزعا ابدەن تاتيدى.

 

ادام ومىرىندە ۇستامدى كوڭىل كۇيدە بولۋى، ءبىر ءىستى قولعا الۋى، قويا سالۋى، كورە ءبىلۋى، ورنىقتى بولۋى كەرەك، سوندا عانا  ەمىن-ەركىن جاساي الادى. 

 

ومىردە كوڭىلىڭىزدى كەڭگە سالىپ، از ۋايىمداپ، كوپ كۇلىمسىرەپ ءجۇرۋىڭىزدى تىلەيمىن.

 

اۋدارعان: ساعىنبەك رابات ۇلى

 

中央广播电视总台 央广网 版权所有

ءوزىڭدى شارشاتپا، جاي ۇيىقتاما

وقىعان كىتابىمدا ءبىر اۋىز ءسوز بىلاي ايتىلۋشى ەدى: بالا كەزىمدە كۇندىزدى جاقسى، كەشتى جەك كورەتىنمىن، ويتكەنى، كۇندىز اسىر سالىپ ويناپ كەتەمىن، كەشتە ەرتە ۇيىقتاعىم كەلمەيتىن؛ ەسەيگەننەن كەيىن، كۇندىزدى جەك كورىپ كەتتىم، كەشتەن قورقاتىن بولدىم، ويتكەنى، كۇندىزگى قىزمەت ادامدى قاتتى شارشاتادى، تۇندە كوزىم ىلىنبەي باقىرايىپ جاتامىن.