ينفورماتسيا اشكەرەلەۋ: mzjubao@cnr.cn

وزەكتى ماقالالار

ءبىر رەت 30 مىڭ يۋان تولىقتاسا، ايىنا 700 يۋان الاتىنى راس پا

来源:央广网     |责编:达吾力别克|     发布日期: 2022-07-06 10:50

 

ءبىر رەتتە 30 مىڭ يۋان تولىقتاپ تاپسىرسا، ايىنا 700 يۋان زەينەتاقى الادى دەگەن ءسوز، راس پا؟ جالعان با؟ 

تاياۋدا، بىرەۋلەر الەۋمەتتىك جەلىدە، قىسقا كەسكىن تەكشەسىندە كوپ نۇسقاداعى «تۇرعىنداردىڭ زەينەتكەرلىك قامسىزداندىرۋىنا قاتىناسقاندار ءبىر رەتتە 30 مىڭ يۋان تولىقتاپ تاپسىرسا، ءار ايدا 700 يۋان زەينەتاقى الادى» دەپ سوققان «قوعامدىق قامسىزداندىرۋ» جونىندەگى قىسقا كەسكىندى تاراتىپ، قىرۋار ادامنىڭ جالعاپ تاراتۋ جانە اقىل-كەڭەس سۇراۋىن تۋدىردى. تاياۋدا، شاندۇڭ ولكەسى جينان قالاسىنىڭ تۇرعىنى جوۋ حانىم قىسقا كەسكىن تەكشەسىندە وسى قوعامدىق قامسىزداندىرۋدى تولىقتاپ تاپسىرۋ حابارىن كورىپ، جينان قالالىق قوعامدىق قامسىزداندىرۋ ىستەرى ورتالىعىنان اقىل-كەڭەس سۇراعان ەدى، العان جاۋابى مىناداي بولدى: بۇل ينفورماتسيا بۇكىلدەي وسەك-اياڭ. 

 

ءىس جۇزىندە، قوعامدىق قامتاماسىزداندىرۋدى تولىقتاپ تاپسىرۋ جونىندەگى حابار وتكەن جىلداردا دا تارالعان بولاتىن. ايتالىق، شاندۇڭ ولكەسى رۇڭچىڭ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى «ءبىر رەتتە 30 مىڭ يۋان زەينەتكەرلىك قامسىزداندىرۋىن تولىقتاپ تاپسىرسا، ايىنا 750 يۋان زەينەتاقى الادى» دەگەن حابار جونىندە بۇل بۇكىلدەي وسەك-اياڭ دەپ تويتارىس بەردى. وسىدان بۇرىن «قالا، اۋىل تۇرعىندارى ءبىر رەتتە 75 مىڭ يۋان تولىقتاپ تاپسىرسا، اي سايىن 1000 يۋاننان استام زەينەتاقى الادى» دەگەن سياقتى حابارلار دا كەڭىنەن تارالعان ەدى. ولاي بولسا، شىندىق، ءسىرا، قانداي؟  

جينان قالالىق قوعامدىق قامسىزداندىرۋ ىستەرى ورتالىعى كاسىپورىن جۇمىسشى-قىزمەتكەرلەرى مەن تۇرعىنداردىڭ زەينەتكەرلىك قامسىزداندىرۋ مامىلەسى باسقارماسىنىڭ باستىعى ليۋ جىڭنىڭ تانىستىرۋىنا قاراعاندا، قازىر، جينان قالاسىنىڭ ساياساتى تۇرعىنداردىڭ زەينەتكەرلىك قامسىزداندىرۋىنا قاتىناسۋشىلاردىڭ جاسى 60 قا تولىپ، اقى تاپسىرعان جىل شەگى مامىلە جاساۋ شارتىنا تولماسا تولىقتاپ تاپسىرۋىنا بولادى، ءبىراق تولىقتاپ تاپسىرۋدىڭ دا شارتى بار. 

 

ناقتىلاپ ايتقاندا، جاڭاشا اۋىل-قىستاق زەينەتكەرلىك قامسىزداندىرۋى نەمەسە قالا-قالاشىق تۇرعىندارىنىڭ قوعامدىق زەينەتكەرلىك قامسىزداندىرۋ ءتۇزىمى اتقارىلعان كەزدە، جاسى 45 تەن جوعارى (قامتىلمايدى) بولسا، جىل بويىنشا اقى تاپسىرۋى كەرەك، اقى تاپسىرعان جىل شەگى ءىس جۇزىندىك جاسىنان 60 جاسقا دەيىنگى قالعان جىل سانىنان كەم بولماسا، تولىقتاپ تاپسىرۋىنا رۇقسات ەتىلەدى، ءبىراق تولىقتاپ تاپسىرعاننان كەيىن اقى تاپسىرعان جىل شەگى 15 جىلدان اسىپ كەتپەۋى كەرەك؛ 45 جاستان تومەن (قامتىلادى) بولسا، جىل بويىنشا اقى تاپسىرادى، اقى تاپسىرعان جىل شەگى 15 جىلدان كەم بولماۋى كەرەك. قانشا اقشا تولىقتاپ تاپسىرۋ اقى تاپسىرۋ دارەجەسى مەن تولىقتاپ تاپسىرۋعا رۇقسات ەتىلگەن جىل سانى بويىنشا بەلگىلەنەدى، ونى قامسىزداندىرۋعا قاتىناسۋشىنىڭ ءىس جۇزىندىك جاعدايىنا قاراي بەلگىلەۋ كەرەك. 

 

ليۋ جىڭ مىناداي ءبىر مىسال كەلتىردى، قىستاق تۇرعىنى جاڭ X نوپوسى تۇرعان جەردەگى جاڭاشا اۋىل-قىستاق قامسىزداندىرۋ ءتۇزىمى باستالعان كەزدە 50 جاسقا تولعان ەدى، 50 جاستان 60 جاسقا دەيىنگى اقى تاپسىرۋ جىل شەگىندە، ءسوز جوق، تولىق تاپسىرۋى كەرەك، ەگەر تولىق تاپسىرىلماسا، مامىلە جاساۋدان بۇرىن، ءسوز جوق، تولىقتاپ بەرۋى كەرەك، ياعني جاڭ X الپىس جاسقا تولىپ، اقى تاپسىرۋى جيىنى 10 جىلعا تولعان كەزدە يگىلىك الۋىنا بولادى. بۇدان سىرت، ەگەر جاڭ X تولىقتاپ تاپسىرعىسى كەلسە دە تولىقتاپ تاپسىرۋىنا رۇقسات ەتىلەدى، ءبىراق تولىقتاپ تاپسىرعاننان كەيىن اقى تاپسىرعان جىل شەگىن 15 جىلدان اسىرۋعا بولمايدى. 

 

ەگەر تولىقتاپ تاپسىرسا، ءبىر رەتتە قانشا اقشا تاپسىرادى، ايىنا قانشا زەينەتاقى الۋىنا بولادى؟ 

تانىستىرۋعا قاراعاندا، قازىر اتقارىلىپ وتىرعان تۇرعىنداردىڭ نەگىزدىك زەينەتكەرلىك قامسىزداندىرۋ زەينەتاقىسى نەگىزدىك زەينەتاقى جانە جەكەلەر ەسەبىندەگى زەينەتاقى سىندى 2 بولەكتەن قۇرالادى. تۇرلىشە رايون تۇرلىشە نەگىزدىك زەينەتاقى ولشەمىن اتقارادى. جينان قالاسىن مىسالعا الساق، قازىرگى كەزەڭدە جينان قالاسى تۇرعىندارىنىڭ زەينەتكەرلىك قامسىزداندىرۋىنىڭ نەگىزدىك زەينەتاقى ولشەمى ءار ادامعا ايىنا 160 يۋان. جەكەلەردىڭ ەسەبىندەگى زەينەتاقىسى جەكەلەر ەسەبىندەگى بارلىق قور سوماسىن 139 عا ءبولىپ ەسەپتەيدى.  جيناندا ءبىر جولدا 30 مىڭ يۋان تاپسىرعان بولسا، 60 جاسقا تولعاننان كەيىن ايىنا شامامەن 380 يۋان زەينەتاقى الۋىنا بولادى. 

 

كوڭىل بولۋگە ءتيىستىسى، زەينەتكەرلىك مامىلەسىن ۇزاق ۋاقىت تاپسىرسا كوپ الۋ، كوپ تاپسىرسا كوپ الۋ، تولىقتاپ تاپسىراتىن بولسا، ۇكىمەتتىڭ قوسىمشا قاراجاتى بولمايدى، سونداي-اق جىل شەگى بويىنشا زەينەتاقى ەسەپتەلمەيدى، سول ءۇشىن ەڭ جاقسىسى جىل بويىنشا اقى تاپسىرۋ، تولىقتاپ تاپسىرۋ احۋالىنىڭ تۋىلۋىنان ساقتانۋ كەرەك. 

 

ليۋ جىڭ مىنانى ەسكەرتتى: تۇرعىنداردىڭ زەينەتكەرلىك قامسىزداندىرۋى — قالا مەن اۋىلداعى كاسىپپەن شۇعىلدانبايتىن ادامداردى قامتىعان زەينەتكەرلىك قامسىزداندىرۋ ءتۇزىمى، باستى ماقساتى — قىزمەتى جوق تۇرعىنداردىڭ قارتايعاننان كەيىنگى نەگىزگى تۇرمىسىن قامتاماسىز ەتۋ. زەينەتكەرلىك قامسىزداندىرۋىنا قاتىستى ماسەلەلەر جونىندە، الىپ قاشپا ءسوز ايتپاۋ كەرەك، بارلىق كۇدىك-كۇماننان ارىلۋ ءۇشىن، جەرگىلىكتى قوعامدىق قامتاماسىزداندىرۋ تاراۋلارىنان اقىل-كەڭەس سۇراۋ قاجەت. توراپتاعى ءتۇرلى ينفورماتسيانى، ءسوز جوق، مۇقيات سارالاپ، كوپشىلىكتىڭ «وسەك-اياڭعا قۇلاق اسپاۋىن، وسەك-اياڭعا سەنبەۋىن، وسەك-اياڭ تاراتپاۋىن»، ۇكىمەت ارناسىنداعى بەدەلدى ينفورماتسيانى ولشەم ەتۋىن ءۇمىت ەتەمىز.

 

اۋدارعان: ساعىنبەك رابات ۇلى

 

 

中央广播电视总台 央广网 版权所有

ءبىر رەت 30 مىڭ يۋان تولىقتاسا، ايىنا 700 يۋان الاتىنى راس پا

ءبىر رەتتە 30 مىڭ يۋان تولىقتاپ تاپسىرسا، ايىنا 700 يۋان زەينەتاقى الادى دەگەن ءسوز، راس پا؟ جالعان با؟