رەسەي جاق رەسەي ارمياسى لۋگانسكي رايونىن بۇكىلدەي مەڭگەرۋگە العاندىعىن ايتتى

رەسەي قورعانىس مينيسترى شويگۋ 3-كۇنى رەسەي ارمياسى لۋگانسكي رايونىن بۇكىلدەي مەڭگەرۋگە العاندىعىن ايتتى. ال، ۋكراينا جاعى: رەسەي ارمياسى لۋگانسكي رايونىن تۇتاس باسىپ العان كۇندە دە، دونباسقا تالاسۋ شايقاسى مۇلدە اياقتامايدى،-دەدى.

رەسەي قورعانىس مينيسترلىگىنىڭ حابارىنا قاراعاندا، شويگۋ رەسەي زۇڭتۇڭى پۋتينگە بىلاي دەپ مالىمەت بەرگەن: رەسەي ارمياسى لۋگانسكي رايونىن «ازات» ەتتى، رەسەي ارمياسى مەن لۋگانسكي قارۋلى كۇشتەرى ليسيچانسكي قالاسىن جانە ونىڭ ماڭىنداعى تۇرعىندار مەكەنىن مەڭگەرۋىنە الدى.

رەسەي قورعانىس مينيسترلىگى 3-كۇنى بىلاي دەدى: ۋكراينا ارمياسى 3-كۇنى تاڭ سارىدە ماتاستىرىلمالى وق-ءدارىلى باسقارىلمالى بومبى «نوقات ـ U» جانە ۇشقىشسىز ۇشاق ارقىلى رەسەيدىڭ بەرگولود قالاسى مەن كۋرسكي قالاسىنداعى تۇرعىندار رايونىنا سوققى بەردى. باسقارىلمالى بومبى مەن ۇشقىشسىز ۇشاق تۇگەلدەي رەسەيدىڭ اۋە شابۋىلىنان قورعانۋ جۇيەسى جاعىنان كۇيرەدى، ءبىر باسقارىلمالى بومبىنىڭ سىنىقتارى بەرگولود قالاسىنداعى تۇرعىندار عيماراتىنا ءتۇستى. بەرگولود وبلىسىنىڭ باستىعى گلادكوۆ سول كۇنى حابارلاندىرۋ جاريالاپ، تۇتقيىل شابۋىلدان 4 ادام ءولىپ، 4 ادام جارالانىپ، 61 تۇرعىن ءۇي بۇلىنگەندىگىن ايتتى.

رەسەي قورعانىس مينيسترلىگى 3-كۇنى حابارلاندىرۋ جاريالاپ بىلاي دەدى: رەسەي ارمياسىنىڭ ۋكرايناداعى ەرەكشە اسكەري ارەكەتى ۇزدىكسىز ىلگەرىلەتىلەدى، ۋكراينا جاق ءار باعىتتاعى سوعىستا دەرلىك اۋىر زيانعا ۇشىراۋدا.

رەسەي زۇڭتۇڭى اقپارات حاتشىسى پەسكوۆ 3-كۇنى تىلشىلىك قابىلداعاندا بىلاي دەدى: ا ق ش باستاعان باتىس ەلدەرى ۋكراينانىڭ سوعىس توقتاتۋىنا مۇلدە جول بەرمەي وتىر، ءتىپتى ۋكراينانىڭ بەيبىتشىلىك ماسەلەسى تۋرالى ويلانۋىنا نەمەسە ءسوز قوزعاۋىنا دا جول بەرەتىن ەمەس.

ۋكراينا اقپارات اگەنتتىگى 3-كۇنى ۋكراينا قورعانىس مينيسترىنىڭ اقىلشىسى يۋري ساكتىڭ سوزىنەن سيتات كەلتىرىپ بىلاي دەدى: ليسيچانسكي قالاسى رەسەي ارمياسى جاعىنان بۇكىلدەي تىزگىندەلگەن جوق. يۋري ساك بىلاي دەگەن: رەسەي ارمياسى لۋگانسكي رايونىن تۇتاس باسىپ العان كۇندە دە، دونباسقا تالاسۋ شايقاسى مۇلدە اياقتامايدى، دونەتسكي رايونىندا ۋكراينا ارمياسى ءالى دە كەيبىر ءىرى قالالاردى مەڭگەرىپ وتىر، وتكەن بىرنەشە كۇندە بۇل قالالار رەسەي ارمياسىنىڭ زىمىران بومبىسى مەن زەڭبىرەكتەرىنىڭ شابۋىل نىساناسىنا اينالدى.

6-ايدىڭ 20-كۇنى، دونەتسكيدەگى جەرگىلىكتى تۇرعىندار بۇلىنگەن قۇرىلىستاردان شەگىنىپ شىقتى. شينحۋا اگەنتتىگى تاراتقان (ۆيكتور فوتوسى)

ۋكراينا اقپارات اگەنتتىگى 3-كۇنى ۋكراينانىڭ جەرگىلىكتى اسكەري ىستەر تاراۋلارىنىڭ حابارىنان سيتات كەلتىرىپ بىلاي دەدى: 3-كۇنى تۇستەن بۇرىنعا دەيىن، لۋگانسكي، دونەتسكي، حاركوۆ، سۋمەي، نيكولايەۆ، دنەپروپەتروۆسكي، ودەسسا قاتارلى رايوندار وتكەن ءبىر كۇندە رەسەي ارمياسىنىڭ شابۋىلىنا ۇشىرادى.

ۋكراينا اقپارات اگەنتتىگىنىڭ 3-كۇنگى حابارىنا قاراعاندا، ۋكراينانىڭ فرانسيادا تۇراتىن باس ەلشىسى ۋاديم ومەليچەنكو ءبىر تەلە باعدارلاماسىندا بىلاي دەگەن: فرانسيا كومەككە بەرگەن قارۋ-جاراق الداعى بىرنەشە اپتادا ۋكرايناعا جەتكىزىلەدى، مۇنىڭ ىشىندە «كايسا» اۆتوماتتى بومبى زەڭبىرەگى دە بار.

اۋدارعان: نۇرگۇل قۇمارقان قىزى 

来源：央视财经

翻译：努尔古丽

编辑、制作：阿依娜