FBI حايحۋ ساياجايىن شۇعىل ءتىنتتى، ترامپ باس پروكۋرور كەڭسەسىنىڭ سۇراققا تارتۋىن قابىلدادى، نەندەي ءىس تۋىلدى

جەرگىلىكتى ۋاقىت بويىنشا 8-ايدىڭ 10-كۇنى، ا ق ش-تىڭ بۇرىنعى زۇڭتۇڭى ترامپ نيۋ-يورك شتاتى باس پروكۋرورى كەڭسەسىنىڭ ازاماتتىق ىستەر جونىندە تەكسەرىپ دالەل-سىپات الۋىنا قاتىناستى، ءبىراق ترامپ كۋالىك بەرۋدەن باس تارتتى. ۇعىسۋعا قاراعاندا، نيۋ-يورك شتاتى باس پروكۋرورى كەڭسەسى ترامپ توبىنىڭ قارىز اقشا الۋ جانە باجىدان جەڭىلدىك جاساۋ ساياساتىنا قول جەتكىزۋ ءۇشىن، قازىنا مالىمەت كەستەسىندەگى مال-مۇلىك قۇنىن اسىرەلەپ كورسەتكەن، كورسەتپەگەنىن تەكسەرۋ ۇستىندە ەكەن.

8-ايدىڭ 10-كۇنى تۇستەن بۇرىن، ترامپ نيۋ-يورك شتاتىنىڭ باس پروكۋرورى ليتيحيا جامستىڭ كەڭسەسىنە بارىپ، نيۋ-يورك پروكۋراتۋرا جاعىنىڭ ترامپ توبىنىڭ ساۋدا ارەكەتى جونىندەگى ازاماتتىق ىستەر تەكسەرۋىن قابىلدادى. ءبىر ساعاتتان استام ۋاقىتتان كەيىن، ترامپ مالىمدەمە جاريالاپ بىلاي دەدى: ادۆوكاتتىڭ پىكىرى قاتارلى سەبەپتەن مەن دالەل-ىسپات الۋ بارىسىندا سۇراققا جاۋاپ بەرۋدەن باس تارتتىم. ترامپ ا ق ش نەگىزگى زاڭىنىڭ 5-رەت وزگەرىس ەنگىزىلگەن جوباسىنان سيتات كەلتىرىپ، وسى وزگەرىس ەنگىزىلگەن جوبادا ا ق ش ازاماتتارى ازاماتتىق ىستەر نەمەسە قىلمىستىق ىستەر ءتارتىبى الدىندا ۇنسىزدىكتى ساقتاپ نەمەسە ەش اۋىز اشپاي، ءوزىنىڭ قىلمىس وتكىزۋىنە مۇمكىندىك جاراتۋ ۇقىعىن بەرمەگەن. سونىمەن بىرگە، ترامپ نيۋ-يورك شتاتىنىڭ باس پروكۋرورىن وزىنە «ساياسي شابۋىل» جاسادى دەپ جازعىرعان. 

مولشەرمەن 6 ساعاتتان كەيىن، ترامپ نيۋ-يورك شتاتى باس پروكۋرورىنىڭ كەڭسەسىنەن شىعىپ، اقپارات قۇرالدارىنىڭ سۇحباتىن قابىلداماي، كولىگىمەن توتە كەتىپ قالعان. ا ق ش اقپارات قۇرالدارى بىلاي دەدى: ترامپتىڭ سۇراققا جاۋاپ بەرمەۋىندەگى سەبەپ، نيۋ-يورك شتاتىنىڭ باس پروكۋرورى وعان ازاماتتىق ىستەر جونىندە تەكسەرۋ جۇرگىزۋمەن بىرگە، مانحاتتان رايونىنداعى پروكۋرورلار دا وعان قىلمىستىق ىستەر جونىندە پاراللەل تەكسەرۋ جۇرگىزگەن، ترامپتىڭ كۋالىك سوزىندەگى ءاربىر اۋىز ءسوزى وسى رەتكى قىلمىستىق ىستەردى تەكسەرۋگە قولدانىلادى.

كەزەكتە، نيۋ-يورك شتاتىنىڭ باس پروكۋرورى كەڭسەسى ترامپ توبىنىڭ قارىز اقشا الۋ جانە باجىدان جەڭىلدىك جاساۋ ساياساتىنا قول جەتكىزۋ ءۇشىن، قازىنا مالىمەت كەستەسىندەگى مال-مۇلىك قۇنىن اسىرەلەپ كورسەتكەن، كورسەتپەگەنىن تەكسەرۋ ۇستىندە. ترامپ ورىنسىز ارەكەتتەردى جوققا شىعاردى. ۇعىسۋعا قاراعاندا، ترامپ ۇلكەن ۇلى كىشى ترامپ جانە قىزى يۆانكا، وسىنىڭ الدىندا نيۋ-يورك شتاتى باس پروكۋرورى كەڭسەسىنىڭ تەكسەرىپ دالەل-سىپات الۋىنا قاتىناسقان.

بۇدان سىرت، 8-ايدىڭ 8-كۇنى، ا ق ش فەدراتسيالىق تەكسەرۋ مەكەمەسىنىڭ (FBI) قىزمەتكەرلەرى ترامپتىڭ فلوريدا شتاتى پالما قايراڭىنداعى تۇراعى حايحۋ ساياجايىن شۇعىل تىنتكەن. ا ق ش اقپارات قۇرالدارىنىڭ حابارىنا قاراعاندا، بۇل ءتىنتۋ 2021-جىلدىڭ باسىندا ترامپ ا ق ش پرەزيدەنتى مىندەتىنەن بوساعان كەزدە، كەيبىر قۇپيا قۇجاتتاردى حايحۋ ساياجايىنا الا كەتكەن دەگەن كۇمانمەن تىعىز قاتىستى ەكەن.

اۋدارعان: ساعىنبەك رابات ۇلى

来源： 央视财经

微信制作：阿依娜