15جىل قوعامدىق قامسىزداندىرۋ اقىسىن تولەسە، زەينەتكەرلىككە شىعۋعا بولاما؟ 

«95-جىلى تۋىلدىم، 15 جىل قوعامدىق قامسىزداندىرۋ اقىسىن تاپسىردىم، جالعاستى تاپسىرا بەرۋىم كەرەك پە؟»

جاقىندا، جىجياڭ ولكەسى حاڭجوۋ قالاسىنداعى ءبىر جىگىتتىڭ الەۋمەتتىك جەلىدەگى ماقالاسى توراپتاستاردىڭ كۇشتى تالقىسىن قوزعادى.

جىگىت مىنانى ايتادى،ءوزى 6 جىل قىزمەت ىستەپ، 6 جىل قوعامدىق قامسىزداندىرۋ اقىسىن تاپسىرعان،ءۇيىن بۇزۋعا تولەم رەتىندە 10جىلدىق قوعامدىق قامسىزداندىرۋىن تولىقتاپ بەرگەن ەكەن. توراپتاستاردىڭ ءتانتى بولعانىن كورگەن بۇل جىگىت تۇرمىسىمدا وزگەرىس بولماعانىمەن، رۋحاني جاقتاعى قىسىم جەڭىلدەدى، قىزمەتتەن باس تارتىپ ءوزىم قىزىعاتىن جۇمىس ىستەسەم دەيمىن دەيدى.

15 جىل قوعامدىق قامسىزداندىرۋ تاپسىرسا، زەينەتكەرلىككە شىعۋعا بولاما؟

15جىل دەپ وتىرعانىمىز قوعامدىق قامسىزداندىرۋ اقىسىن تاپسىرۋ ارقىلى زەينەتكەرلىك اقىسىنان يگىلىكتەنۋدىڭ ەڭ تومەنگى جىل شەگى ەسەپتەلەدى. بىلايشا ايتقاندا، قوعامدىق قامسىزداندىرۋ اقىسىن 15 جىل تاپسىرعاننان كەيىن، زەينەتكەرلىككە شىعۋ جاسىنا تولعاننان كەيىن بارىپ زەينەتاقى الۋىنا بولادى-دا، تۇرمىسى نەگىزدىك قامتاماسىزداندىرۋعا يە بولعان بولادى.

كەيبىر توراپتاستارعا مىناداي وي تۇسكەن: «15جىل قىزمەت ىستەگەننەن كەيىن، مەكەمەمەن مىناداي كەلىسىمگە كەلسەم، مەكەمە مەن ءۇشىن قوعامدىق قامسىزداندىرۋ اقىسىن تاپسىرماي-اق قويسا،ءوزىم جەكەلىك تاپسىرۋعا ءتيىستى بولەگىن اقشالاي قولىما بەرسە بولارما ەدى؟»

وكىنىشكە وراي، بۇلاي ىستەۋگە بولمايدى ەكەن. قوعامدىق قامسىزداندىرۋ دەگەنىمىز مەملەكەت زاڭ شىعارۋ ارقىلى زورلىقتى تۇردە جاساعان قوعامدىق قامتاماسىزداندىرۋ ءتۇزىمى بولىپ، ادام ىستەتەتىن ورىن مەن ەڭبەكشىلەر ءسوزسىز زاڭ بويىنشا قوعامدىق قامسىزداندىرۋعا قاتناسۋى كەرەك.

ءۇيىن بۇزعاندا 10 جىلدىق قوعامدىق قامسىزداندىرۋ اقىسىن تولىقتاپ تولەپ بەرۋ ەرەجەگە سياما؟

ەرەجەگە سيادى، زاڭدا بىلاي دەپ بەلگىلەنگەن: اۋىل-قىستاقتىڭ كوللەكتيۆ جەرىن العاندا، ءادىل، لايىقتى تولەم بەرىپ، جەرى الىنعان ەگىنشىنىڭ تۇرمىس ورەسىنىڭ تومەندەمەۋىنە، الداعى تۇرمىسىنىڭ قامتاماسىز بولۋىنا كەپىلدىك ەتۋ ءتيىس. شىنتۋايتىندا،ءۇيىن بۇزعاندا تولەم رەتىندە قوعامدىق قامسىزداندىرۋ اقىسىن تولەپ بەرۋ وسى رەت قانا تۋىلىپ وتىرعان ءىس ەمەس.

قوعامدىق قامسىزداندىرۋ ازاماتتار كارتەيگەندە، اۋىرىپ-سىرقاعاندا، جۇمىسسىز قالعاندا، بالالى بولعاندا، جۇمىس ۇستىندە جارالانعاندا كەپىلدىككە يە ەتەدى. كوپ ءبولىم قالا-قالاشىق قىزمەتكەرلەرىنىڭ قوعامدىق قامسىزداندىرۋ اقسى قىزمەت ستاجىنا قاراي، اي سايىن تاپسىرىلادى.

الايدا ەگەر جۇمىسسىز قالۋ، يكەمدى جۇمىستانۋ نەمەسە مەكەمەسى تاپسىرماي قويۋ سياقتى جاعدايلاردا، قوعامدىق قامسىزداندىرۋ اقسى ماسەلەسىن قالاي شەشۋ كەرەك؟

قوعامدىق قامسىزداندىرۋ اقىسىن تاپسىرۋدان وزدىگىنەن باس تارتسا، زاردابىن كىم كوتەرەدى؟

1. ەڭبەكشى قوعامدىق قامسىزداندىرۋدى تاپسىرمايمىن دەپ جازباشا ۋادە بەرگەن سوڭ، سەرىكتەستىكتىڭ تولىقتاپ تاپسىرۋىن تالاپ ەتۋگە بولادى.

2. ەڭبەكشى قوعامدىق قامسىزداندىرۋدى تاپسىرمايمىن دەپ كەلىسىمگە قول قويعان سوڭ جۇمىس ۇستىندە جارالانىپ قالاتىن بولسا، ەمدەلۋ اقىسىن سەرىكتەستىك كوتەرەدى.

سەرىكتەستىكتىڭ اتىن جامىلىپ قوعامدىق قامسىزداندىرۋدان يگىلىكتەنۋدىڭ قانداي قاتەرى بار؟

كەيبىر قىزمەت ورنى جوق ادامدار قوعامدىق قامسىزداندىرۋدان يگىلىكتەنۋ ءۇشىن،ءۇي، اۆتوكولىك ساتىپ الۋ تولىمدىلىعىنا يە بولۋ ءۇشىن، قوعامدىق قامسىزداندىرۋ اقىسىن تاپسىرۋ ورتادا ءۇزىلىپ قالماۋ ءۇشىن، سەرىكتەستىكتەردىڭ اتىن جامىلىپ اقى تاپسىرادى، الايدا بۇل زاڭسىز ەسەپتەلەدى.

2022-جىلى 3-ايدىڭ 18-كۇنىنەن باستاپ، «قوعامدىق قامسىزداندىرۋ قورىن اكىمشىلىك باقىلاۋ ءادىسى»رەسمي اتقارىلدى. كوپ جەرلەردىڭ ادام كۇش بايلىعى جانە قوعامدىق قامسىزداندىرۋ تاراۋلارى حابارلاندىرۋ شىعارىپ، اتىن جامىلىپ قامسىزداندىرۋعا قاتىناسۋ، قامسىزداندىرۋ شارتىن ويدان جاساپ قامسىزداندىرۋلاردىڭ زاڭ-ەرەجەگە قايشى ەكەنىن ايقىندادى.

يكەمدى كاسىپتەنۋشىلەر شوعىرى قوعامدىق قامسىزداندىرۋ اقىسىن قالاي تاپسىرادى؟

جەكە مەديامەن شۇعىلدانۋشىلار، سىرتتان جەتكىزىپ بەرۋشىلەر، اقىسىز ادام الاتىن شوفەرلەر…قازىر ەلىمىزدە يكەمدى كاسىپتەنۋشىلەر شوعىرى 200 ميلليون اينالاسىندا بولدى، ولار قوعامدىق قامسىزداندىرۋ اقىسىن قانداي تاسىلمەن تاپسىرادى؟

شىنتۋايتىندا، جەرلىك قوعامدىق قامسىزداندىرۋ مەكەمەلەرىندە يكەمدى كاسىپتەنۋشىلەرگە ارنالعان جەكەلىك اقى تاپسىرۋ ادىستەرى بار، جەكەلەردىڭ ءۇشىنشى ءبىر جاقتىڭ اتىندا تاپسىرۋى قاجەتسىز، ءوزى توتەلەي تاپسىرا بەرۋىنە بولادى، ونىڭ ۇستىنە تاپسىراتىن اقىسى تومەندەۋ بولادى. يكەمدى كاسىپتەنۋشىلەردىڭ تاپسىراتىن اقىسى مەكەمە قىزمەتكەرلەرىنىڭ تاپسىراتىن اقىسىنان تومەن بولادى، باسى ارتىق راسميات اقىسىندا تولەمەيدى.

اۋدارعان: جەڭىس جىكباس ۇلى

来源： 央视网

微信制作：阿依娜