ينفورماتسيا اشكەرەلەۋ: mzjubao@cnr.cn

وزەكتى ماقالالار

كوپتەگەن ەلدەر قازاقستاندىقتاردىڭ ۆيزاسىز كىرۋ ساياساتىن اتقاردى

来源:央广网     |责编:阿依娜|     发布日期: 2022-08-16 09:02

كوپتەگەن ەلدەر قازاقستاندىقتاردىڭ ۆيزاسىز كىرۋ ساياساتىن اتقاردى

كوپتەگەن ەلدەر قازاقستاندىقتاردىڭ ۆيزاسىز كىرۋ ساياساتىن اتقاردى

جۇڭگو اقپارات اگەنتتىگىنىڭ 8-ايدىڭ 12-كۇنى نۇرسولتان قالاسىنان بەرگەن حابارى (تىلشى جاڭ شۋو). قازاقستان حالىقارالىق اقپارات اگەنتتىگىنىڭ وسى ايدىڭ 12-كۇنگى حابارىنا قاراعاندا، دومينيكان، پاراگۋاي جانە بوليۆيا قاتارلى ەلدەر كۇشكە يە كۋلىگى بار قازاقستان ازاماتتارىن ۆيزاسىز شەكارادان كىرگىزۋ ساياساتىن اتقارعان. 

 

قازاقستان سىرتقى ىستەر مينيسترلىگى مىنانى ءبىلدىردى: «قازاقستان مەن دومينيكاننىڭ قاتىستى كەلىسىمىنە ساي، دومينيكان كۇشكە يە كۋالىگى بار قازاقستان ازاماتتارىنا قاراتا، 60 كۇن ىشىندە ۆيزاسىز شەكارادان كىرگىزۋ ساياساتىن رەسىمي اتقاردى». قازاقستان سىرتقى ىستەر مينيسترلىگى بىلاي دەدى: قازاقستان ازاماتتارى كۇشكە يە مەرزىم ىشىندە ءبىر رەت نەمەسە كوپ رەت دومينيكانعا كىرۋىنە، سونداي-اق شەكارادان وتۋىنە نەمەسە شەكارا ىشىندە قىسقا ۋاقىت قونىستانۋىنا بولادى. 

 

قازاقستان سىرتقى ىستەر مينيسترلىگى تاعى مىنانى ءبىلدىردى: ەگەر قازاقستان ازاماتتارى دومينيكان ەلىندە ابايسىزدا كۇشكە يە كۋالىكتەرىن جوعالتىپ السا، قازاقستاننىڭ دومينيكاندا تۇراتىن كونسۋلحاناسىنان ۋاقىتتىق جول كۋالىگىن وتىنىشپەن باسقارتۋىنا بولادى.

 

بۇدان سىرت، قازاقستان حالىقارالىق اقپارات اگەنتتىگىنىڭ وسى ايدىڭ 12-كۇنگى حابارىنا قاراعاندا، وڭتۇستىك امەريكا قۇرلىعىنداعى پاراگۋاي مەن بوليۆيا سىرتقى ىستەرى نەمەسە ۇكىمەت ءىسى پاسپورتى بار قازاقستان ازاماتتارىن 3 ايلىق ۆيزاسىز كىرگىزۋ ساياساتىن جۇرگىزەدى ەكەن. 

 

قازاقستان سىرتقى ىستەر مينيسترلىگىنىڭ حابارىنا قاراعاندا، قازاقستان وسى ەكى ەل ۇكىمەتىمەن، سىرتقى ىستەرى جانە ۇكىمەت ءىسى پاسپورتى بارلاردىڭ شەكارادان ۆيزاسىز كىرۋ تالابى جونىندە كەلىسىمگە كەلگەن. حاباردا بۇل كەلىسىمنىڭ كۇشكە يە مەرزىمى 5 جىل دەلىنگەن. 

 

وسىدان بۇرىن، وڭتۇستىك امەريكا قۇرلىعىنداعى ۆەنەسۋەلا قازاقستانعا قاراتا، ۇكىمەت ءىسى جانە سىرتقى ىستەرى پاسپورتى بارلاردى ۆيزاسىز كىرگىزۋ ساياساتىن اتقارعان ەدى. 

 

قازاقستان مەديالارىنىڭ وسىدان بۇرىنعى حابارىنا قاراعاندا، ەۆروپاداعى البانيا جاقىندا قازاقستان ازاماتتارىن 90 كۇندىك ۆيزاسىز شەكارادان كىرگىزۋ ساياساتىن اتقارعان. 

 

حاباردا بىلاي دەلىنگەن: كۇشكە يە كۋالىگى بار قازاقستان ازاماتتارى 90 كۇن ىشىندەگى كۇشكە يە مەرزىمدە ءبىر رەت نەمەسە كوپ رەت البانياعا كىرۋىنە بولادى. ەگەر قازاقستان ازاماتتارى البانيا ەلىندە كۋالىكتەرىن جوعالتىپ السا، قازاقستاننىڭ البانيادا تۇراتىن كونسۋلحاناسىنان ۋاقىتتىق جول كۋالىگىن وتىنىشپەن باسقارتۋىنا بولادى. بۇدان سىرت، ەگەر قازاقستان ازاماتتارى شۇعىل جانە كۇتپەگەن جەردەن تۋىلعان جاعداي قاتارلى سەبەپتەردەن البانيا شەكاراسىنان شىعۋعا امالسىز قالسا، زاڭ اتقارۋ تاراۋلارىنا ءوتىنىش تاپسىرۋ سياقتى تاسىلدەر ارقىلى سول ەل ىشىندە قونىستانۋ ۋاقىت شەگىن ۇزارتۋىنا بولادى. 

 

اۋدارعان: مارالبەك ابدىكارىم ۇلى 

来源:央视网

 

 

微信制作:阿依娜

       

中央广播电视总台 央广网 版权所有

كوپتەگەن ەلدەر قازاقستاندىقتاردىڭ ۆيزاسىز كىرۋ ساياساتىن اتقاردى

دومينيكان، پاراگۋاي جانە بوليۆيا قاتارلى ەلدەر كۇشكە يە كۋلىگى بار قازاقستان ازاماتتارىن ۆيزاسىز شەكارادان كىرگىزۋ ساياساتىن اتقارعان.