قوعام حاۋىپسىزدىگى مينيسترلىگى جۇڭچيۋ مەرەكەسىندەگى جول قاتىناس حاۋىپسىزدىگى ساقتىق سيگنالىن جاريالادى

جۇڭچيۋ مەرەكەسى قارساڭىندا، قوعام حاۋىپسىزدىگى مينيسترلىگى جۋىقتاعى 3 جىلدان بەرگى جۇڭچيۋ مەرەكەسى كەزىندەگى جول قاتىناس شىرعالاڭىنا تالداۋ جاسادى ءارى بۇقاراعا جول قاتىناس حاۋىپسىزدىگى جونىندە ساقتىق سيگنالىن جاريالادى. سوڭعى 3 جىلدان بەرى جۇڭچيۋ مەرەكەسىندەگى جول قاتىناس شىرعالاڭى جاعدايىنان قاراعاندا، باستىسى مىناداي ەرەكشەلىكتەر ساقتالعان:

ءبىرىنشى، دەمالىستان ەكى كۇن بۇرىن شىرعالاڭ شوعىرلى تۋىلعان. جۇڭچيۋ مەرەكەسى دەمالىسىنان ەكى كۇن بۇرىنعى شىرعالاڭ %68.2 تى ۇستاپ، شىرعالاڭ تۋىلۋ مولشەرى دەمالىس ۋاقىتىنىڭ ورتاشا دەڭگەيىنەن جوعارى بولعان. دەمالىس كەزىندەگى ءبىرشاما ءىرى قاتىناس شىرعالاڭداردىڭ %80 كە جۋىعى ساعات 1 دەن 6 عا دەيىن جانە ساعات 10 نان 15 كە دەيىنگى ۋاقىت كەزەڭدەرىندە بولعان.

ەكىنشى، قالا جولدارىندا اراق ءىشىپ اۆتوكولىك جۇرگىزۋ، ماس بولىپ وقيعا تۋدىرۋ كورنەكتى بولعان. قالا جولى قاتىناس شىرعالاڭىندا اراق ءىشىپ اۆتوكولىك جۇرگىزۋ، ماس بولىپ وقيعا تۋدىرۋ سالىستىرماسى %8.8 كە جەتكەن، ونىڭ ۇستىنە، شوعىرلى تۇردە تۇندە كوپ تۋىلىپ، ساعات 0 دەن 3 كە دەيىن جانە ساعات 20 دان 22 گە دەيىنگى تۋىلعان قاتىناس شىرعالاڭدارى تەڭ جارىمىن ۇستاعان. بۇدان سىرت، موتورلى كولىكتىڭ جۇرگىنشىلەرگە جول بەرمەۋى، كۋالىكسىز اۆتوكولىك جۇرگىزىپ وقيعا تۋدىرۋى جەكە-جەكە %7.6 تى ۇستاعان.

ءۇشىنشى، اۋىل-قىستاق تاس جولدارىندا اۆتوكولىكتەردەگى جەكە جاق قاتىناس شىرعالاڭى كوپ تۋىلعان. اۋىل-قىستاق تاس جول قاتىناس شىرعالاڭىندا جەكە جاق شىرعالاڭى %20 تى ۇستاپ، سالىستىرماسى باسقا تۇردەگى جولداردان كورنەكتى جوعارى بولىپ، كوبىندە اۆتوكولىك قىرىنان اۋدارىلۋ، جول جيەگىنە قۇلاۋ شىرعالاڭى تۋىلعان.

ءتورتىنشى، ادەتتەگى مەملەكەت، ولكە تاس جولدارىنداعى اۆتوكولىكتەردىڭ جۇرگىنشىلەردى سوعۋ شىرعالاڭى كورنەكتى بولعان. ادەتتەگى مەملەكەت، ولكە تاس جولى قاتىناس شىرعالاڭىندا، اۆتوكولىكتەردىڭ ادام سوعۋىنان تۋىلعان ءولىم-جىتىم شىرعالاڭى %23.6 تى ۇستاپ، مۇنىڭ ۇشتەن ءبىرى ساعات 18 دەن 20 عا دەيىنگى مەزگىلدە تۋىلعان. 

بەسىنشى، جەكە اۆتوكولىكتەردەگى قاتىناس شىرعالاڭدارى كوپ تۋىلعان. دەمالىس كەزىندە جەكە اۆتوكولىكتەردىڭ وقيعا تۋدىرۋى %39  تى ۇستاعان، ونىڭ ۇستىنە سالىستىرماسى جىل سايىن جوعارىلاعان، ءبىرشاما ءىرى قاتىناس شىرعالاڭدارىندا جەكەلىك اۆتوكولىكتەردىڭ وقيعا تۋدىرۋى %57.1  كە جەتكەن. بۇدان سىرت، موتوتسيكل، جۇك اۆتوكولىكتەرىنىڭ وقيعا تۋدىرۋى جەكە-جەكە %20.4،  %15.3 تى ۇستاعان. 

التىنشى، دۋلىعا مەن حاۋىپسىزدىك بەلبەۋىنەن پايدالانىلۋ مولشەرى تومەن بولعان. قاتىناس شىرعالاڭىن تەكسەرۋگە نەگىزدەلگەندە، اۆتوكولىك جۇرگىزىپ جارالانعانداردىڭ، قازا بولعانداردىڭ %28.5 ى حاۋىپسىزدىك بەلبەۋىن ىستەتپەگەن، مۇندا قازا بولعانداردىڭ سالىستىرماسى %32.6 كە جەتكەن. موتوتسيكلگە ءمىنىپ جارالانعانداردىڭ، قازا بولعانداردىڭ %61.9 ى حاۋىپسىزدىك دۋلىعاسىن كيمەگەن، مۇنىڭ ىشىندە قازا بولعانداردىڭ سالىستىرماسى %73.6 كە جەتكەن. 

قوعام حاۋىپسىزدىگى مينيسترلىگى قالىڭ شوفەرلەرگە جانە مەرەكە كەزىندە ساپارعا شىققان بۇقاراعا، دەمالىس كەزىندە ساپارعا شىققان، اۆتوكولىكتەر مەن ادامنىڭ كوپ ەكەنىن ەسكەرىپ، الدىن الا جوبا جاساپ، جول جاعدايى ينفورماتسياسى مەن حاۋىپسىزدىك ەسكەرتۋىن دەر كەزىندە ۇعىسىپ، ءجۇرىس-تۇرىس ۋاقىتى مەن ءتاسىلىن ۇيلەسىمدى ورنالاستىرىپ، قاتىناستىڭ قاۋىرت مەزگىلىندە حاۋىپسىزدىككە كوڭىل ءبولىپ، قاتىناس زاڭ-ەرەجەلەرىنە بويسۇنىپ، حاۋىپسىز، ىركىلىسسىز جول جۇرۋگە كەپىلدىك ەتۋدى ەسكەرتەدى.

اۆتوكولىكپەن ساپارعا شىققاندا، حاۋىپسىزدىكتى ءبىرىنشى ورىنعا قويۋدى ەستە بەرىك ساقتاپ، قالجىراپ اۆتوكولىك جۇرگىزۋ، قارقىننان اسىرىپ اۆتوكولىك جۇرگىزۋ، كۋالىكسىز اۆتوكولىك جۇرگىزۋ سياقتى زاڭعا قايشى ارەكەتتەردەن ساقتانىپ، جۇرگىنشىلەرگە جول بەرۋ كەرەك؛ دەمالىس كەزىندە باس قوسۋ كوپ بولسا، «اۆتوكولىك جۇرگىزگەندە اراق ىشپەۋ، اراق ىشسە اۆتوكولىك جۇرگىزۋبەۋ كەرەكتىگىن» ەستە بەرىك ساقتاۋ، اراق ءىشىپ اۆتوكولىك جۇرگىزۋدەن قاتاڭ ساقتانۋ كەرەك؛ اۆتوكولىك جۇرگىزگەندە،ءسوز جوق، تۇتاس بارىستا حاۋىپسىزدىك بەلبەۋىن بايلاپ، موتوتسيكلگە، ەلەكترلى ۆەلوسيپەدكە مىنگەندە حاۋىپسىزدىك دۋلىعاسىن كيۋ كەرەك؛ جاڭبىرلى، تۇماندى اۋا رايىنا جولىققاندا اۆتوكولىك قارقىنىن باياۋلاتىپ، اۆتوكولىكتىڭ قىرىنان سىرعاناۋىنان، ارتىنان بارىپ سوعىلاۋىنان ويلاماعان شىرعالاڭنىڭ تۋىلىۋىنان ساقتانۋ كەرەك. 

جوعارى قارقىندى تاس جولدا جۇرگەندە حاۋىپسىز ارالىقتى ساقتاۋ، بەلگىلەنگەن اۆتوكولىك قارقىنىنا بويسۇنۋ، قاتىناس كەپتەلىسىنە نەمەسە قاتارعا تۇرىپ تەكسەرىلگەندە، شۇعىل جاعدايعا ارنالعان كولىك جولىن بەتالدى يەمدەنىپ الۋعا استە بولمايدى. قاتىناس شىرعالاڭى تۋىلعاندا، « كولىكتى جول شەتىنە توقتاتۋ، ادامداردى كولىكتەن شىعارۋ، ساقشىعا مالىمدەۋدى» ەستە بەرىك ساقتاپ، ەكىنشى رەتكى شىرعالاڭنىڭ تۋىلۋىنان ساقتانۋ كەرەك. 

اۋىل-قىستاق رايوندارىنان اۆتوكولىكپەن وتكەندە، جولدىڭ ەكى جاعىنداعى جاعدايدى، اسىرەسە، تارماق جولدارداعى اۆتوكولكتەر مەن جاياۋ ادامداردى باقىلاۋعا نازار اۋدارىپ، جول بەرۋ دايىندىعىن الدىن الا ويداعىداي ىستەۋ؛ شۇعىل بۇرىلما، قايقاڭ، الىس ارالىقتى ەڭكەيىس، سۋ جينالعان جول بولەگى، تاۋ جولدارىن باسىپ وتۋگە تۋرا كەلگەندە ابايلاپ، قارقىندى اسىرىپ، جول وزگەرتىپ جۇرگىزۋدەن ساقتانۋ كەرەك.

الەۋمەتتىك قاتىناس كولىگىنە وتىرىپ ساپارعا شىققاندا، تۇراقتى جولاۋشى تاسىمال الاڭى بەكەتىنە بارۋ كەرەك، جەكەلىك جولاۋشى قاينارى، تيجارات تولىمدىلىعى جوق سياقتى زاڭسىز جولاۋشىلار اۆتوكولىكتەرى مەن ارتىق جولاۋشى وتىرعىزعان اۆتوكولىكتەرگە وتىرۋعا استە بولمايدى، جەڭىل تۇرپاتتى جۇك اۆتوكولكتەرى، ءۇش دوڭگەلەكتى اۆتوكولىكتەر جانە تراكتور سياقتى جولاۋشى وتىرعىزۋعا بولمايتىن اۆتوكولىكتەرگە وتىرۋعا ءتىپتى دە بولمايدى. وتە-موتە قالىڭ اتا-انالارعا،  وقۋشىلارعا دەمالىس كەزىندە ۇيىنە قايتىپ،  مەرەكەدەن كەيىن مەكتەپكە قايتقاندا جۇيەلى جولاۋشىلار اۆتوكولىكتەرىنە وتىرۋدى، زاڭسىز تۇردە وقۋشى تاسىمالدايتىن اۆتوكولىكتەرگە جانە جولاۋشى وتىرعىزۋعا بولمايتىن اۆتوكولىكتەرگە وتىرماۋدى ەرەكشە ەسكەرتەمىز.

اۋدارعان: تۇيمەقان يساقان قىزى

来源： 工人日报

翻译：铁梅汉

审稿、制作：古丽美热