ينفورماتسيا اشكەرەلەۋ: mzjubao@cnr.cn

وزەكتى ماقالالار

​ ٴتىس ەگۋ باعاسى جاريالاندى

来源:央广网     |责编:古丽美热·霍孜汗|     发布日期: 2022-09-24 17:55

​ ٴتىس ەگۋ باعاسى جاريالاندى

مەملەكەتتىك ەمدەۋ قامسىزداندىرۋ مەكەمەسى ٴتىس ەگۋ باعاسىن جاريالادى

مەملەكەتتىك ەمدەۋ قامسىزداندىرۋ مەكەمەسىنىڭ ۋيچات الەۋمەتتىك تۇعىرىنىڭ 9-ايدىڭ 8-كۇنگى حابارىنا قاراعاندا، جۋىردا مەملەكەتتىك ەمدەۋ قامسىزداندىرۋ مەكەمەسى «مەملەكەتتىك ەمدەۋ قامتاماسىزداندىرۋ مەكەمەسىنىڭ اۋىز قۋىسى ٴتىس ەكپەشىلىگىنە قىزمەت وتەۋ اقىسى مەن ماتەريال سارىپ ەتۋ باعاسىن ارناۋلى جونگە سالۋ جونىندەگى ۇقتىرۋىن» (تومەندە قىسقاشا «ۇقتىرۋ» دەلىنەدى) باسىپ تاراتقان، «ۇقتىرۋدا» 3-دارەجەلى ۇكىمەت باسقارۋىنداعى شيپاحانالاردىڭ ٴتىس شيپاگەرلىگى ەمدەۋ قىزمەت وتەۋ ءبولىمىنىڭ باعا رەتتەۋ-مەڭگەرۋ نىساناسى 4500 يۋان دەپ تۇراقتاندىرىلعان. 

مەملەكەتتىك ەمدەۋ قامسىزداندىرۋ مەكەمەسىنىڭ تۇسىندىرۋىنە قاراعاندا، ٴتىس ەگۋگە جۇمسالاتىن قاراجات نەگىزىنەن ەگۋ تۇلعاسى، ٴتىس ساۋىتى جانە ەمدەۋ جونىنەن قىزمەت وتەۋ سىندى ٴۇش بولەككە بولىنەدى ەكەن. ەگۋ تۇلعاسى، ٴتىس ساۋىتى سىندى ەكى بولەكتىڭ باعاسىن شوعىرلى ساتىپ الۋ جانە باسەكە باعامەن توراپقا ٴىلىپ قويۋ ارقىلى شىعارۋعا تۋرا كەلەدى، سوندىقتان، «ۇقتىرۋدا» ناقتى ولشەم نىساناسى بەلگىلەنبەگەن. قازىر ۇكىمەت باسقارۋىنداعى ەمدەۋ قۇرىلىمدارى ساتىپ العان جوعارى دەڭگەيلى ايگىلى ماركالاردىڭ ٴتۇرى 6000-4000 يۋان، باسقا ەگۋ تۇلعاسى 3500-2000 يۋان بولادى، اينالىم بارىسىندا باعاسى قىمبات بولىپ، شوعىرلى ساتىپ العاننان كەيىن باعاسى تۇرلىشە دارەجەدە تومەندەيدى. ۇكىمەت باسقارۋىنداعى ەمدەۋ قۇرىلىمدارىنىڭ ٴۇشىنشى جاق بولعان مانەرلەۋ زاۆودىنان ساتىپ العان ٴتىس ساۋىتىنىڭ كوبى 1000 يۋاننان اسادى، ٴوزى جاساعان ٴتىس ساۋىتىنىڭ باعاسى ٴتىپتى دە جوعارى بولادى،  توراپقا شىعارىپ باسەكەلەستىرگەننەن كەيىن باعاسى بەلگىلى دارەجەدە تومەندەيدى. 

مەملەكەتتىك ەمدەۋ قامسىزداندىرۋ مەكەمەسى بىلاي دەدى: ەمدەۋ قىزمەت وتەۋ  قاراجاتىنىڭ ٴتىس ەگۋ جالپى قاراجاتىنداعى سالىستىرماسى ءبىرشاما جوعارى، تاياۋ مەزگىلدەگى بۇكىل ەل كولەمىندە تىزىمدەۋ، تەكسەرۋدىڭ باستاپقى ناتيجەسىنە نەگىزدەلگەندە، ءارقايسى ولكەنىڭ ۇكىمەت باسقارۋىنداعى ەمدەۋ قۇرىلىمدارىنىڭ جالاڭ داعدىلى ەگۋىن مىسالعا الساق، ەمدەۋ قىزمەت وتەۋ ورتاشا قاراجاتى 6000 يۋاننان اسقان، كەيبىر ولكە، قالالاردىڭ قاراجاتى 9000 يۋاننان اسىپ، ٴتىس ەگۋ باعاسىنىڭ قىمبات بولۋىنداعى ماڭىزدى سەبەپتەردىڭ بىرىنە اينالعان. 

ىشكەرىلەي تەكسەرۋ ناتيجەسىنە قاراعاندا، ەمدەۋ قىزمەت وتەۋ قاراجاتىنىڭ جوعارىلاۋ سەبەبى الۋان ٴتۇرلى، نىسان ورنالاسۋى ۇيلەسىمسىز، باعاسى تىم جوعارى بولىپ،  الباتى اقى العان. الدىڭعى مەرزىمدىك پىكىر الۋدان قاراعاندا، كوپ ساندى پىكىردە اقى الۋدى ارناعا تۇسىرگەندە تۇتاس بارىستىق قاراجاتتىڭ ۇيلەسىمدى ارالىقتى قايتا قايتۋىنا جەتەكشىلىك ەتۋ كەرەك دەپ قارالدى، ٴىشىنارا پىكىردە تەحنيكالىق ەڭبەك قۇنى، تەحنيكالىق ورەسى، حاۋىپ-قاتەر دارەجەسى، سونداي-اق بايلىق تاپشىلىعىن ويلاستىرۋ كەرەك دەپ قارالدى. بۇقارا، ەمدەۋ قۇرىلىمدارى، كاسىپتىك قايراتكەرلەر سياقتى ٴار جاقتىڭ پىكىرىن جيناقتاپ، ەڭ سوڭىندا 3-دارەجەلى ۇكىمەت باسقارۋىنداعى شيپاحانالاردىڭ ٴتىس شيپاگەرلىگى ەمدەۋ قىزمەت وتەۋ ٴبولىمى باعانى تىزگىندەۋ نىساناسىن 4500 يۋان ەتىپ بەلگىلەدى. ەرەكشە شارتقا ۇيلەسەتىن رايوندار نەمەسە ەمدەۋ قۇرىلىمدارى جونىندە دە «ۇقتىرۋدا» لايىقتى كەڭشىلىك ەتۋگە بولاتىن شارتتار ايقىندالدى. 

مەملەكەتتىك ەمدەۋ قامسىزداندىرۋ مەكەمەسى مىنانى باسا دارىپتەدى: «ۇقتىرۋدىڭ» تالابىنا ساي، ولكە دارەجەلى ەمدەۋ قامتاماسىزداندىرۋ تاراۋلارى ەگۋ تۇلعاسىن جيناۋ، ٴتىس ساۋىتى باعاسىن باسەكەلەستىرۋ ناتيجەسى جارىققا شىققاننان كەيىن، ٴوز رايونىنىڭ ٴتىس ەگۋ جالپى بارىستىق باعاسىن تىزگىندەۋ نىساناسىن (ەگۋ تۇلعاسىن، ٴتىس ساۋىتىن، ەمدەۋ قىزمەت وتەۋىن قامتيدى) ىشكەرىلەي بىرىكتىرىپ جاسايدى جانە جاريالايدى. ٴتىس ەگۋ قاراجاتىنىڭ 3 بولەگىن قۇرايتىن جالپىلىق شارا ارقىلى بۇقارانىڭ ٴتىس ەگۋ قاراجاتىنىڭ اۋىرتپالىعى ٴونىمدى تۇردە تومەندەيدى. 

اۋدارعان: مۇقامادي ٴشارىپ ۇلى 

来源: 中国新闻网

 

译:木哈买提

审稿、制作:古丽美热

 

中央广播电视总台 央广网 版权所有

​ ٴتىس ەگۋ باعاسى جاريالاندى

ٴتىس ەگۋ قاراجاتىنىڭ 3 بولەگىن قۇرايتىن جالپىلىق شارا ارقىلى بۇقارانىڭ ٴتىس ەگۋ قاراجاتىنىڭ اۋىرتپالىعى ٴونىمدى تۇردە تومەندەيدى.