چىن دالين حۋبەي بانكەسى قۇرىلعاننان كەيىن تاعايىندالعان تۇڭعىش رەتكى باس جورا. حابارلاندىرۋدا مىنالار اتاپ كورسەتىلدى: ول قارىز اقشانى تەكسەرىپ بەكىتۋ ۇقىعىن ءوز مۇددەسىنە پايدا تۇسىرەتىن قۇرال رەتىندە قاراپ، «بانكەگە يەك سۇيەپ، بانكەنى ءىشپ-جەپ»، مەملەكەتتىڭ بەلگىلەمەسىنە قايشى سانى وتە قوماقتى قارىز اقشا تاراتقان. 

ماتەريالدىق سۋرت: چىن دالين

اشىق ماتەريالدا كورسەتىلۋىنشە، چىن دالين 1956-جىلى 9-ايدا تۋىلعان، حۋبەي ولكەسى جياڭليڭ قالاسىنىڭ ادامى. فينانس سالاسىندا كوپ جىل قىزمەت ىستەگەن، بۇرىن سانشيا باس سەرىكتەستىگى سانشيا قازىنا شەكتى سەرىكتەستىگىنىڭ ورىنباسار باس جوراسى، جۇڭگو بانكەسى حۋبەي ولكەلىك بولىمشە بانكەسىنىڭ ورىنباسار باستىعى، پارتكوم مۇشەسى، حۋبەي ولكەلىك ۇكىمەت فينانس كەڭسەسىنىڭ مەڭگەرۋشىسى قاتارلى مىندەتتەردە بولعان. 

2010-جىلى، حۋبەي ولكەسى جوسپارلاۋ ارقىلى حۋاڭشى بانكەسى، يچاڭ قالالىق ساۋدا بانكەسى، شياڭفان قالالىق ساۋدا بانكەسى، جيڭجوۋ قالالىق ساۋدا بانكەسى، شياۋگان قالالىق ساۋدا بانكەسى قاتارلى 5 ساۋدا بانكەسىن قوسىپ، حۋبەي بانكەسىن قۇرىپ، وسى جىلى 12-ايدا بانكەنى باقىلاپ باسقارۋ كوميتەتى بەكىتۋدەن وتكىزەدى. 

2011-جىلى 2-ايدا، حۋبەي بانكەسى رەسمي جۇمىس باستاپ، چىن دالين تۇڭعىش رەتكى باس جوراسى، پارتكوم شۋجيى بولىپ تاعايىندالادى. 2017-جىلى ول وسى مىندەتتەگى ءمانساپتان بوساپ، ستاجى تولىپ زەينەتكە شىعادى. 

بيىل 5-ايدا، ۇكىمەت جاق چىن داليننىڭ تەكسەرۋگە الىنعاندىعىن جاريالايدى. وسىندا ايتا كەتەتىن ءجايت، چىن داليننىڭ قول استىندا ۇزاق جىل بىرگە ىستەگەن، بۇرىن حۋبەي بانكەسى باستىعىنىڭ كومەكشىسى، پارتكوم مۇشەسى، ورىنباسار بانكە باستىعى مىندەتىندە بولعان ۋىن ياۋچيڭ 2020-جىلى 11-ايدا قولعا ءتۇستى. 

تەكسەرۋ بارىسىندا، چىن داليننىڭ مۇرات سەنىمنەن جۇرداي بولىپ، العاشقى ماقسات پەن بورىشتان بەزىپ، پارتياعا ادال بولماعاندىعى، ءتىل بىرىكتىرىپ قاسارىسىپ، سپاتتى جالعاننان جاساپ، ۇيىمنىڭ تەكسەرۋىنە قارسى تۇرعاندىعى انىقتالعان.

ول ورتالىقتىڭ سەگىز ءتۇرلى بەلگىلەمەسىنىڭ رۋحىن كاپەرىنە الماي، بەلگىلەمەگە قايشى تارتۋ-تارالعى قابىلداعان؛ زەرتتەۋ جۇرگىزۋدى سىلتاۋ ەتىپ، ۇكىمەت اقشاسىمەن شەتەلگە شىعىپ ساياحاتتاپ، ۇكىمەت ءىسىن ءادىل اتقارۋعا ىقپال جاساۋ مۇمكىندىگى بار دەنە شىنىقتىرۋ جۇمىسىن ۇزاق ۋاقىت قابىلداعان؛ 

ۇيىمدىق پرينسيپكە قايشى كەلىپ، «ءۇش ءىرى ىستە ۇيعارىم جاساۋدى، قوماقتى قارجىنى توپتىق تالقىلاۋ» ىستەرىندەگى تالقىلاۋ قاعيداسىنا قايشىلىق جاساپ، جۇمىسشى-قىزمەتكەرلەردى قابىلداۋ سياقتى قىزمەتتەردە باسقالارعا پايدا كەلتىرگەن ءارى دۇنيە-مۇلىك قابىلداعان؛ 

ۇقىقتان پايدالانىپ، تۋىس-تۋعاندارى جاۋاپتى بولعان قارجى اينالدىرۋ كاسىبىنە پايدا تۇسىرگەن؛

بەلگىلەمەگە قايشى ينجەنەريا نىساندارىن كوتەرتىپ بەرۋ قيمىلدارىنا كيلىككەن؛

 ۇيىم جۇكتەگەن قارىز اقشانى تەكسەرىپ بەكىتۋ ۇقىعىن ءوز مۇددەسىنە پايدا تۇسىرەتىن قۇرال رەتىندە قاراپ، «بانكەگە يەك سۇيەپ، بانكەنى ءىشپ-جەپ»، ءمانساپ قولايلىعىنان پايدالانىپ، قارىز اقشانى تەكسەرىپ بەكىتۋ، ينجەنەريانى كوتەرىپ الۋ قاتارلى جاقتاردا باسقالارعا پايدا تۇسىرگەن ءارى زاڭسىز تۇردە قىرۋار قازىنا-مۇلىك قابىلداعان؛

ءوزى ويلاعانىن ىستەپ، مەملەكەتتىڭ بەلگىلەمەسىنە قايشى سانى وتە قوماقتى قارىز اقشا تاراتقان.

چىن دالين پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت ءتارتىبى مەن تۇرمىس تارتىبىنە اۋىر قايشىلىق جاساپ، قىزمەت مىندەتى جاعىندا زاڭعا اۋىر قايشىلىق جاسادى ءارى پارا الۋ، زاڭعا قايشى قارىز اقشا تاراتۋ قىلمىسىن قالىپتاستىردى، سونداي-اق، پارتيانىڭ 18-قۇرىلتايىنان كەيىن تىزگىنىن تارتپادى، سيپاتى اۋىر، ىقپالى ناشار بولعاندىقتان، قاتاڭ ءبىر جاقتىلى ەتىلدى. «جۇڭگو كوممۋنيستىك پارتياسىنىڭ ءتارتىپ جازا ەرەجەسى»، «جۇڭحۋا حالىق رەسپۋبليكاسىنىڭ باقىلاۋ-تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىن اكىمشىلىك جاقتان جازالاۋ زاڭى» قاتارلى قاتىستى بەلگىلەمەلەرگە نەگىزدەلىپ، حۋبەي ولكەلىك ءتارتىپ تەكسەرۋ كوميتەتىنىڭ تۇراقتى كوميتەت ماجىلىسىندە زەرتتەۋ جانە حۋبەي ولكەلىك پارتكومنىڭ بەكىتۋى ارقىلى، چىن دالينعا پارتيادان ايداۋ جازاسىن بەرۋدى ۇيعاردى. قازىر يگىلىكتەنگەن مامىلەسىن بەلگىلەمە بويىنشا وزگەرتۋدى؛ تارتىپكە، زاڭعا قايشى تابىسىن وتكىزىپ الۋدى؛ قىلمىس كۇمانى تاعىلعان ماسەلەلەرىن پروكۋراتۋرا تاراۋلارىنىڭ زاڭ بويىنشا تەكسەرىپ ايىپتاۋىنا وتكىزىپ، دەلوعا ساياتىن قازىنا-مۇلىكتەرىن بىرلىكتە وتكىزىپ بەرۋدى بەكىتتى. 

اۋدارعان: مارالبەك ابدىكارىم ۇلى 

来源：长安街知事

翻译：马然力

审稿、制作：古丽美热