ەردوعان سول كۇنى بىلاي دەدى: وتكەن بىرنەشە كۇننىڭ ىشىندە، تۇركيا ۇشاق جانە ۇشقىشسىز ۇشاق ارقىلى «تەررورشىل ەلەمەنتتەردى» توقتاۋسىز سوققىلادى، مىنە بۇل، ستانبولدا تۋىلعان شابىلداۋ ارەكەتىنىڭ قارىمجىسى. ول مىنانى باسا دارىپتەدى: تۇركيا جاقىن ارادا، تانكى، زەڭبىرەك جانە اسكەر شىعارىپ، «تەررورشىل ەلەمەنتتەردى»ٴبىرجولاتا جويادى. ول تاعى بىلاي دەدى: تۇركيانىڭ اسكەري شابۋىل قوزعاۋداعى ماقساتى مەملەكەت پەن حالىق بۇقاراسىنىڭ حاۋىپسىزدىگىن قورعاۋ، بۇل تۇركيانىڭ زاڭدى ۇقىعى. 

تۇركيا 11-ايدىڭ 20-كۇنى، يراق جانە سيريانىڭ سولتۇستىگىندەگى كۇرت جۇمىسشىلار پارتياسى مەن «حالىق قورعانىس قوسىنى» بازاسىنا «الماس سەمسەر» اتىندا اۋەدەن شابۋىل جاساعان بولاتىن. بۇل رەتكى اۋەدەن جاسالعان شابۋىل، وسى ايدىڭ 13-كۇنى تۇركيانىڭ ەڭ ۇلكەن قالاسى ستانبولدا تۋىلعان قوپارىلىس شابۋىلى ۋاقيعاسىنان كەك الۋ قيمىلى دەپ قارالدى. ال، ەردوعاننىڭ بۇل رەت بىلدىرگەن سىڭايىنا قاراعاندا، تۇركيانىڭ وسى وڭىردەگى قارۋلىلارعا سوققى بەرۋى، تەك اۋەدەن شابۋىلداۋمەن عانا شەكتەلىپ قالماي، جەردەن اسكەري شابۋىل جاساۋعا قاراي ويىساتىندىعىن ٴتۇسىندىرىپ بەرەدى.

كۇرت جۇمىسشىلار پارتياسى 1979-جىلى قۇرىلعان، تۇركيا، ا ق ش جانە ەۆروپا وداعى ونى تەررورشىل ۇيىم قاتارىنا ەنگىزگەن. كۇرت جۇمىسشىلار پارتياسىنىڭ كوزدەگەن ماقساتى، قارۋلى كۇش ارقىلى تۇركيا-يراق، يران-سيريا شەكاراسىنداعى كۇرتتار ورنالاسقان وڭىردە دەربەس ەل قۇرۋ. سيريادا ىشكى قاقتىعىس تۋىلعاننان كەيىن، «حالىق قورعانىس ٴبولىمىنىڭ» كۇرتتار ورنالاسقان سيريانىڭ سولتۇستىك وڭىرىندەگى قيمىلى جاندانىپ، قازىر، سيريانىڭ سولتۇستىگىندەگى قىرۋار جەردى مەڭگەرۋىنە الىپ وتىر. ستانبول قالاسىنىڭ ورتالىعى تاكسيم الاڭىنىڭ جاعالاۋىنداعى دەربەستىك داڭعىلىندا 11-ايدىڭ 13-كۇنى تۇستەن كەيىن، قوپارىلىس تۋىلىپ، 6 ادام جانىنان جۇدا بولىپ، 81 ادام جارالاندى. تۇركيا شابۋىلدى كۇرت جۇمىسشىلار ۇيىمى سونداي-اق سيريا كۇرت قارۋلىلارىنىڭ «حالىق قورعانىس قوسىنى» ىستەگەن دەپ قاراپ وتىر.

اۋدارعان: اناربەك ٴابىلماجىن ۇلى

来源：央视网

翻译：阿那尔别克

审稿、制作：古丽美热