ماقالادا بىلاي دەلىنگەن، دۇنيە كوزەسى فۋتبول جارىسى كەزىندە دوپقا باستەسىپ الدامشىلىق ىستەۋ كوپ تۋىلادى. قازىر، كاتار دۇنيە كوزەسى فۋتبول جارىسى قىزىپ تۇرعان كەز، كوپ جەرلەردە قوعام قاۋىپسىزدىك ورگاندارى ەسكەرتپە ينفورماتسيالار جاريالاپ، توراپتاستاردى توراپتا دوپقا باستەسۋدەن اۋلاق بولۋعا ۇندەدى، كەيبىر كەسكىندىك توراپ بەكەتتەرى قۇمار ويناۋعا ساياتىن ەسەپ نومەرلەرىن پەشەتتەۋ شارالارىن قولداندى.

جۋىقتاعى جىلداردان بەرى، دوپقا باستەسىپ سەنىمنەن اداسقان، قياناتشىلىقتىڭ قۇيىنا باتقان پارتيالى كادرلار از ەمەس:

چىن كى، گۋاڭشي جۋاڭزۋ اۆتونوميالى رايونى ناننيڭ قالالىق قوعام قاۋىپسىزدىك مەكەمەسى قاتىناس ساقشى تارماق اترەتى جەتىنشى ۇلكەن اترەتىنىڭ ءتورتىنشى دارەجەلى اعا ساقشىسى بولاتىن. ۇستەگى جىلى 2-ايدا، 80-جىلداردىڭ تۇلەگى بولعان ول پارا الۋ قىلمىسىمەن ەكى جىل ءتورت ايلىق مەرزىمدى قاماۋ جازاسىنا كەسىلدى،  ءارى 150 مىڭ يۋان ايىپ سالىندى.  

چىن كىنىڭ ازعىنداۋى 2014-جىلعى برازيليا دۇنيە كوزەسى فۋتبول جارىسىنان باستالدى. دوستارىمەن بىرگە دوپ جارىسىن كورىپ جۇرگەن ول، «ويناپ كورەيىن» دەگەن ويمەن لاتاريا ۇتىس توراپ بەكەتىندە ەسەپ نومەرىنە تىركەلەدى، ەلۋ يۋان، ءجۇز يۋاننان باستاعان ول، ۇتىسقا تىگەتىن اقشانىڭ سانىن ارتتىرا تۇسەدى، ۇتىلاتىن كەزدەرى دە كوبەيە بەرەدى، جيعان-تەرگەنىن، باسىنداعى ءۇيىن ۇتتىرۋمەن بىرگە، قارىزعا بەلشەدەن باتادى.

قارىزىن قايتارۋ ءۇشىن، چىن كى قىزمەت بارىسىندا قاتىناس زاڭىنا قايشىلىق جاساعاندارمەن ىرىقتى تۇردە ارالاسىپ، شوپەرلىك كۋالىكتى كۇشىنەن قالدىرماۋعا كومەكتەسەمىن دەگەن اتپەن «سىرىڭكەلىك» الا باستايدى.ء تارتىپ تەكسەرۋ باقىلاۋ ورگاندارىنىڭ تەكسەرۋىنە قاراعاندا، 2019-جىلى 1-ايدان 2020-جىلى 11-ايعا دەيىن، چىن كى جەتىنشى ۇلكەن اترەتتە ىستەپ جۇرگەن كەزىندە، قىزمەت قولايلىعىنان پايدالانىپ، قاتىناس زاڭىنا قيعاشتىق جاساعان 20 نەشە ادامنىڭ مۇددەسى ءۇشىن، 600 مىڭ يۋاننان استام اقشانى  زاڭسىز قابىلداعان.

چىن كىمەن سالىستىرعاندا، 90-جىلداردىڭ تۇلەگى بولعان كادر جۇڭ ياۋجىننىڭ دوپقا باستەسۋ ساپارى تىپتى دە قۇتىرىنعان دارەجەگە جەتتى دەۋگە بولادى. داشۋەدە وقىپ جۇرگەن كەزىندە-اق دوپقا باستەسۋگە دانىككەن ول، جىجياڭ ولكەسى جياشيڭ قالالىق تۇراقتى مۇلىكتى تىزىمگە الۋ ورتالىعىنىڭ ەكونوميكالىق-تەحنيكالىق اشۋ رايونىنداعى بولىمشە ورتالىعىنا قىزمەتكە تۇرعان سوڭ، توراپتا دوپقا باستەسۋ ويىنىنا ونان ارى قۇمارتىپ الدى، ءتىپتى قىزمەت ۇستىندە ءبىر جاعىنان قولفوندا باسكە اقشا تىگىپ، ءبىر جاعىنان بۇقارانىڭ جۇمىسىن ءبىتىرىپ وتىراتىن.

ءتارتىپ تەكسەرۋ باقىلاۋ ورگانىنىڭ دەلو ىستەۋشى قىزمەتكەرلەرىنىڭ ايتۋىنشا، جۇڭ ياۋجىن توراپتا دوپقا باستەسۋ بارىسىندا، 20 ميلليون يۋانعا تاياۋ قارىز ارقالاپ قالعان، بۇرىن-سوڭدى ەسەپتەرىن باسىپ شىعۋعا ەكى بۋداA 4 قاعازى جۇمسالعان. قارىزىن قايتارۋ ءۇشىن، جۇڭ ياۋجىن قىزمەتتەستەرىمەن بىرگە قىزمەت قولايلىعىنان پايدالانىپ، «ءۇيى جوق ەكەنىن سپاتتاۋ قاعازىن» ەرەجەگە قايشى تۇردە جازىپ بەرۋ سەكىلدى تاسىلدەر ارقىلى، قورا-جاي دەلدالدارى مەن قاريدارلاردان «سىرىڭكەلىك»الىپ، مەملەكەتتىڭ باجى كىرىسىنە اۋىر زيان جەتكىزەدى. قازىر، جۇڭ ياۋجىننىڭ قىزمەتتىك قىلمىس دەلوسى جياشيڭ قالاسى شيۋجوۋ رايوندىق حالىق سوت مەكەمەسىندە تەرگەلدى.

ورتالىق ءتارتىپ تەكسەرۋ كوميتەتىنىڭ توراپ بەكەتىندە بىلاي دەلىنگەن: قۇمار ويىنىنا سالىنۋ كەشىرمەسىنەن قاراعاندا، بۇل جاس كادرلەردىڭ قوعامدىق كەشىرمەسى تاياز، وزىنە ارتىقشا سەنەدى، اسىرەسە توراپتا دوپقا باستەسۋدىڭ زيانىن بىلمەيدى، كوبىندە «ويىن» دەپ «قۇماردىڭ» قاقپاسىنا كىرىپ كەتەدى. دوپقا باستەسۋ سەكىلدى ناشار ادەتتەردىڭ تامىرىنا بالتا شاۋىپ، جاس كادرلەرگە بولعان تاربيەنى باسقارۋدى باقىلاۋدى كۇشەيتۋدە مىندەت الىدە اۋىر بولىپ وتىر.  

دوپقا باستەسۋدەن اۋلاق بولايىق! كوپ جەرلەردە قوعام قاۋىپسىزدىك ورگاندارى ەسكەرتپەلەر جاريالادى.  

ءتىلشىنىڭ ۇعىسۋىنا قاراعاندا، دۇنيە كوزەسى فۋتبول جارىسى باستالعاننان بەرى، كوپ جەرلەردە قوعام قاۋىپسىزدىك ورگاندارى ەسكەرتپەلىك ينفورماتسيالار جاريالاپ، توراپتاستاردى توراپتا دوپقا باستەسپەۋگە ۇندەگەن.

11-ايدىڭ 23-كۇنى، دۇنيە كوزەسى فۋتبول جارىسى كەزىندە، مەيجوۋ قالاسى مەيشي قالاشىعى مەيشي ساقشى بولىمشەسى دوپ شولپانى مەسسيمەن اتتاس بولعاندىعى ءۇشىن جۇرت نازارىن اۋداردى. ساقشى بولىمشە باستىعى لياۋ جۇڭشيڭ بىلاي دەيدى، ساقشى بولىمشەمىز مەيشيان رايونىنىڭ باتىس تەرىستىگىندەگى مەيشي قالاشىعىندا بولعاندىقتان، مەيشي ساقشى بولىمشەسى دەپ اتالعان، مەيجوۋ بولسا فۋتبول مەكەنى، بولمشەدەگىلەردە مەسسيدى ۇناتادى، اندا-ساندا فۋتبول ويناپ كوڭىل سەرگىتەدى. ول تاعى دوپقۇمارلارعا دوپقا باستەسپەۋدى اراق ءىشىپ كولىك ايداماۋدى ەسكەرتتى.

ساقشى جاق تاعى مىنانى ەسكەرتتى، كەيبىر زاڭسىز قىلمىستىق ەلەمەنتتەر دە ورايدى قامتىپ قالۋ ءۇشىن، دۇنيە كوزەسى فۋتبول جارىسىن جەلەۋ ەتىپ، توراپتىق الدامكوستىكپەن شۇعىلدانباقشى بولۋدا.

جاقىندا مىناداي الدامشىلىق شىقتى:

تەلەۆيزوردا 22 ادام زىر جۇگىرىپ جۇرگەندە،

قالتالارىڭداعى اقشا دا قاعىلدى…كوپشىلىك ساق بولعايسىڭدار. 

اۋدارعان: جەڭىس جىكباس ۇلى  

来源：中国青年报

翻译：金额斯

审稿、制作：古丽美热