11-ايدىڭ 25-كۇنى، ادام كۇش بايلىعى جانە قوعامدىق قامسىزداندىرۋ مينيسترلىگى جەكەلەردىڭ زەينەت اقى ءتۇزىمى اتقارىلادى دەپ جاريالادى.

بەيجيڭ، شاڭحاي، گۋاڭجوۋ، شي-ان، چىڭدۋ قاتارلى 36 الدىمەن جولعا قوياتىن قالا نەمەسە رايون مەملەكەتتىك قوعامدىق ساقتاندىرۋ جالپىلىق قىزمەت وتەۋ تەكشەسى، مەملەكەتتىك ادام كۇشى جانە قوعامدىق قامسىزداندىرۋ اكىمشىلىك قىزمەت وتەۋ تەكشەسى،ەلەكتروندىق قوعامدىق قامسىزداندىرۋ كارتاسى «قولفون 12333APP» قاتارلى مەمەلەكەت بويىنشا بىرلىككە كەلگەن جەلىدە قىزمەت وتەۋ ەسىكتەرى نەمەسە ساۋدا بانكەلەرى قاتارلى ارنالار ارقىلى جەكەلەردىڭ زەينەت اقى ەسەبىن اشادى، ساۋدا بانكەلەرى ارقىلى جەكەلەردىڭ زەينەت اقى قور ەسەبىن اشادى. ەكى ەسەپتى اشقان سوڭ، قور ەسەبىندە اقى تاپسىرۋعا، جەكەلەردىڭ زەينەت اقى ونىمدەرىن ساتىپ الۋىنا بولادى.

جىلدىق اقىنىڭ جوعارعى شەگى 12000 يۋان بولىپ، باجى اقىسىنا جاسالاتىن تيىمدىلىكتەن يگىلىكتەنە الادى. 

امانات اقشا قويۋ، اقشا قۇراۋ ونىمدەرى، ساۋدا سيپاتىندىق زەينەتكەرلىك قامسىزداندىرۋ جانە اشىق الىناتىن قور سياقتىلاردى ساتىپ الۋعا بولادى. 

ناقتىلى فينانس ونىمدەرىن فينانس باقىلاپ باسقارۋ تاراۋلارى بەلگىلەيدى ءارى ونىمدەردىڭ تىزىمدىگىن جاريالايدى.

جەكەلەردىڭ زەينەت اقىسى نەگىزدىك زەينەتكەرلىكتى قامسىزداندىرۋعا ۇقسامايدى، ول ۇكىمەت قولدايتىن، جەكەلەر ءوز ەركىمەن قاتىناساتىن، بازارلانعان اينالىمعا تۇسەتىن تولىقتىرمالى زەينەتكەرلىك قامسىزداندىرۋ ءتۇزىمى.

جەكەلەردىڭ زەينەت اقى كاسىبىن بىتىرەتىن العاشقى توپتاعى فينانس ورگاندارى مىنالار:

مەملەكەت يەلىگىندەگى 6 ءىرى ساۋدا بانكەسى، جارنا تۇزىمىندەگى 12 بانكە.

قالادا تۇراتىن 5 ساۋدا بانكەسى، 11 قازىنا باسقارۋ سەرىكتەستىگى.

14 اكتسيا سەرىكتەستىگى، 7 دەربەس قور ساتۋ ورگانى مەن 6 ساقتاندىرۋ سەرىكتەستىگى قاتارلىلار.

قاتىناسۋشى ادام نەگىزدىك زەينەت اقى الۋ جاسىنا تولسا نەمەسە ەڭبەك قابىلەتىنەن بۇكىلدەي ايىرىلسا، شەتەلگە (شەكارا سىرتىنا) قونىس اۋدارسا سونداي-اق مەملەكەت بەلگىلەگەن باسقادا شارتتارعا لايىق كەلسە عانا جەكەلىك زەينەت اقىسىن الۋىنا بولادى.

قاتىناسۋشى ادام دۇنيە سالعاننان كەيىن، ونىڭ جەكەلىك زەينەت اقى ەسەبىندەگى مال-مۇلكىنە مۇراگەرلىك ەتۋگە بولادى.

اۋدارعان: جەڭىس جىكباس ۇلى 

来源：央视新闻

翻译：金额斯

审稿、制作：古丽美热