ازىقتىق مايىن عىلمي تۇتىنۋدى ەسكەرىڭىز!

تۇرمىستا ۇن، ماي، كۇرىش، تۇز سياقتىلار كەم بولسا بولمايتىن حورەكتىك زاتتار. ەرەن بازارلارداعى ازىقتىق ماي سورەسىندە تىزىلگەن وسىمدىك مايىنىڭ سان ءتۇرىن كورۋگە بولادى، مۇنىڭ ىشىندە تەڭشەلگەن ماي تۇرلەرى دە از ەمەس. مايدىڭ ەڭ ۇلكەن ەرەكشەلىگى ونداعى قورەكتىكتىڭ جالپى بەتتىك بولۋىنان، ال ەندى وسىنداي مايدان ءبىر قۇمىرا ساتىپ الۋ ءبىر ۋاقىتتا بىرنەشە ءتۇرلى مايدى تۇتىنعانمەن بارابار بولىپ،  ۇزاق ۋاقىت تۇتىنۋ دەنساۋلىققا ءتيىمدى. بۇل راس پا؟ ونداي بولسا مايدى قالاي تاڭداۋ كەرەك ؟

وسىمدىك مايى جونىنەن ايتقاندا، ءاربىر سورتتىڭ وزىندىك ەرەكشە قورەكتىك قۇنى بولادى. وسى ۇقساماعان وسىمدىك مايلارىن بىرىكتىرىپ، دارەجەسى جوعارىلاتىلعاننان كەيىن ونىڭ جالپى قورەكتىك قۇنى جاي تۇردەگى قورەكتىك قۇنىنان جوعارىراق بولادى دا، ادامداردىڭ ماي قىشقىلىن بىركەلكى قابىلداۋ قاجەتىنە ءتىپتى دە ۇيلەسەدى. ءبىراق، ءبىر ءتۇرلى تەڭشەلگەن مايدى ۇنەمى وسىلاي تۇتىنعاندا، ونىڭ ءونىمى ويداعىداي بولمايدى. سوندىقتان مايلاردى تۇتىنعاندا ونىڭ ءتۇرىن اۋىستىرىپ، ۇقساماعان سورتتاعى مايلاردى ارالاستىرىپ تۇتىنۋ، ادام دەنەسىنىڭ ءار ءتۇرلى قورەكتىك زاتتاردى بىركەلكى سىمىرۋىنە پايدالى.

بۇل ءۇشىن ءبىز ەڭ اۋەلى ءىس جۇزىندىك جاعدايىمىزعا نەگىزدەلىپ شاعىن مولشەردە قوراپتالعان، قوراپ قابىرعاسىنا شاپتالعان قۇرام كەستەسى بار، ۆيتامين E قۇرامى انىق بولعان مايلاردى الىپ تۇتىنعانىمىز ءجون.

ادەتتە ازىقتىق مايلار اۋىزى اشىلعاننا ءۇش ايدان اسقان ازىقتىق مايدىڭ ساقتالۋ مەرزىمى وتپەسە دە، اۋىزى ۇزاق ۋاقىت اشىق تۇرعاندىقتان ماي اۋاداعى وتتەگىمەن جاناسىپ، توتىقتانعاننان كەيىن، توتىعۋدان پايدا بولعان زاتتار ازىقتىق ماي ارقىلى دەنساۋلىققا ىقپال جاسايدى. بۇدان باسقا قايتا-قايتا شىجعىرىلعان مايدى ىستەتۋگە بولمايدى، ازىقتىق ماي قايتا-قايتا قىزدىرىلعان جاعدايدا، ول كوپ تۇردە، زور مولشەردەگى ماي قىشقىلىن پايدا قىلادى، قىشقىلدىعى ارتقان ماي ادامدى سەمىرتىپ قانا قالماستان، جۇرەك قان تامىر اۋرۋلارى، الجۋدىڭ تۋىلۋ مۇمكىندىگىن دە ارتتىرادى.

ادام دەنەسىنىڭ كۇندىك ماي قابىلداۋ مولشەرى 25 ~ 30 گرامنان اسپاۋ كەرەك؛ ال ەندى تاماق ىستەۋ بارىسىندا ماي تەمپەراتۋراسىن مەڭگەرۋ، ادەتتە ℃180-150 اسىپ كەتپەۋ كەرەك. كوپتەگەن وتباسىلارى مايدى قازاندا جالىنىن شىعارىپ كوكتاتتاردى قۇرۋعا ادەتتەنگەن، بۇل كەزدە مايدىڭ تەمپەراتۋراسى ℃200 تان اسىپ، اكريل قىشقىلى، بەنزول قاتارلى ۋلى زاتتاردى قالىپتاستىرۋى مۇمكىن، بۇل دەنساۋلىققا اسا زياندى؛

ال ەندى ماي قۇيىلعان ىدىسقا توقتالار بولساق، ماي قۇيىلعان ىدىس جارىقتى توساتىن اينەك نەمەسە شىنى ىدىستار بولۋ كەرەك، ول ۋلترا كۇلگىن ساۋلەنىڭ تۇسۋىنەن ءونىمدى ساقتايدى. ماي قۇيىلعان ىدىس، ىدىس-اياق شكابى سياقتى كۇن تۇسپەيتىن سالقىن ورىنداردا ساقتالۋى ءتيىس، ونى ءار رەت ىستەتىپ بولعان سوڭ قاقپاعىن مىقتى جابۋ كەرەك. بۇدان سىرت، ماي قۇيىلعان ىدىستاعى ماي تاۋسىلعاننان كەيىن، جاڭا ماي قۇيۋدان بۇرىن جۋىپ تازالاۋدى ەستە ساقتاۋ كەرەك، ويتكەنى كونە ماي مەن جاڭا ماي ارالاسىپ كەتسە، جاڭا مايدىڭ توتىعۋىن تەزدەتەدى.

ماي ساپاسىنا قاراي اۋىستىرىپ تۇتىنۋدا باستىسى ماي قىشقىلىنىڭ تەپە-تەڭدىگىن ويلاستىرۋ كەرەك. ەگەر الماستىرعان ماي كورسەتكىشىندەگى ماي قىشقىلى ۇقساس بولسا، ازىقتانۋ مەن اۋىستىرماۋدىڭ پارقى ونشا زور بولمايدى. سوندىقتان ماي قىشقىلىنىڭ قۇرامىنا قاراي ءار ءتۇرلى مايلاردى الماستىرۋعا ابدەن بولادى. مىسالى، شەكىلدەۋىك مايى مەن جەر جاڭعاعى مايىن الماستىرىپ تۇتىنۋعا بولادى.

来源：中新网

微信制作：古丽美热