ينفورماتسيا اشكەرەلەۋ: mzjubao@cnr.cn

وزەكتى ماقالالار

ەندى 12 جىلدان كەيىن ادامداردىڭ جارتىسى وسىلاي بولادى ەكەن

来源:央广网     |责编:古丽美热·霍孜汗|     发布日期: 2023-03-23 10:20


ەندى 12 جىلدان كەيىن جەر شارىنداعى ادامداردىڭ جارتىسى وسىلاي بولادى ەكەن

 

 

دۇنيە جۇزىلىك سەمىزدەر بىرلەستىگىنىڭ تاياۋدا جاريالاعان ەڭ جاڭا دوكلاتىنا قاراعاندا، قازىرگى بەتالىس بويىنشا مولشەرمەن 2035-جىلعا بارعاندا، بۇكىل جەر شارىنداعى %51 ادام ياعىني 4 ميللياردتان ارتىق ادام سەمىزدەر قاتارىنا قوسىلادى نەمەسە سالماعى ولشەمنەن اسادى. 

دۇنيە جۇزىلىك سەمىزدەر بىرلەستىگى بىلاي دەيدى، كەزەكتە سالماعى ولشەمنەن اسقانداردىڭ نەمەسە سەمىز ادامداردىڭ سانى ارتىپ كەلەدى، ال بۇل ماسەلەنى شەشۋ ءالى دە ۇلكەن سايىسقا ٴدوپ كەلۋدە. اتالعان بىرلەستىك جاريالاعان «2023-جىلعى دۇنيە جۇزىلىك سەمىزدەر اتلاسىنان» قاراعاندا، ەگەر الدىن الۋدى، ەمدەۋدى سونداي-اق قاتىستى شارالاردى ەرتەرەك ويلاسپاعان جاعدايدا، الداعى 12 جىلدا، جەر شارى بويىنشا %51 ادام سەمىز بولادى نەمەسە سالماعى ولشەمنەن اسادى. 

دۇنيە جۇزىلىك سەمىزدەر بىرلەستىگى تاعى بىلاي دەيدى، سەمىزدىك دەنساۋلىققا قاتىستى ماسەلەلەردى الا كەلەتىندىكتەن، وسىعان بولا قوعام ۇلكەن بوداۋ بەرەتىن بولادى، مەجەمەن 2035-جىلعا جەتكەندە، جەر شارى بويىنشا سەمىزدىك ماسەلەسى ءۇشىن كەتەتىن شىعىن 4 تريلليون 320 ميلليارد دوللارعا جەتەدى (حالىق اقشاسىنا سىندىرعاندا 30 تريلليون يۋانعا تايايدى). 

حاباردا بىلاي دەلىنگەن، بالالاردىڭ سەمىزدىك سالىستىرماسى مەن ورتاشا، تومەن كىرىستەگى ەلدەردىڭ سەمىزدىك سالىستىرماسى وتە تەز جوعارىلاپ كەلەدى، 2035-جىلعا بارعاندا، سەمىز بالالاردىڭ سانى 2020-جىلعىدان ءبىر ەسەدەن ارتىق ارتۋى مۇمكىن، ۇل بالالار 208 ميلليونعا، قىز بالالار 175 ميلليونعا جەتەدى. دۇنيە جۇزىلىك سەمىزدەر بىرلەستىگى ءار قايسى ەل ۇكىمەتىن ارەكەت جوسپارىن ءتۇزىپ، سەمىزدىكتەن ساقتانۋ قىزمەتىن ويداعىداي ىستەۋگە ۇندەيدى. 

اۋدارعان: جەڭىس جىكباس ۇلى 

来源:央视财经

 

译:金额斯

审稿、制作:古丽美热

  

中央广播电视总台 央广网 版权所有

ەندى 12 جىلدان كەيىن ادامداردىڭ جارتىسى وسىلاي بولادى ەكەن

سەمىزدىكتەن ساقتانۋ قىزمەتىن ويداعىداي ىستەۋگە ۇندەيدى.