2017-جىلى 12-ايدىڭ 21-كۇنى، امەريكالىق ازامات مايكەل روحانا فيلادەلفيا قالاسىندا كورمەگە قويىلعان جۇڭگونىڭ اتتى اسكەر ءمۇسىنىنىڭ باس بارماعىن سىندىرعان ءارى ۇرلاپ كەتكەن. ۇرلانعان بارماق كەيىن تاۋىپ الىنعانىمەن، بۇل ۋاقيعا جۇرت نازارىن اۋداردى ءارى جازعىرۋعا ۇشىرادى. ارادا التى جىل وتكەننەن كەيىن دەلو تۋدىرعان ازامات اقىرى جازاعا تارتىلدى.

ا ق ش اقپارات قۇرالدارىنىڭ بىرنەشە كۇننىڭ الدىنداعى حابارىنا قاراعاندا، فيلادەلفيانىڭ فەدەراتسيالىق سوت مەكەمەسى 9-ايدىڭ 6-كۇنى روحانانىڭ جازاسىن 5 جىل كەشىكتىرىپ اتقارىپ، 5000 امەريكا دوللارى ايىپ سالىپ، 100 ساعاتتىق الەۋمەتتىك اۋماق قىزمەت وتەۋىنە قاتىناسۋعا ۇكىم ەتكەن. روحانا تەرگەۋ بارىسىندا وتباسىنداعىلاردان جانە جۇڭگو ۇكىمەتىنەن كەشىرىم سۇرادى ءارى وسى ءىستى باستان كەشكەننەن كەيىن مادەني مۇرالاردى ايالاۋ كەرەكتىگىن، بۇلدىرۋگە بولمايتىندىعىن ءتۇسىندى. كومەكشى پروكۋرور نيۋتون: «روحانانىڭ ارەكەتى حالىقارالىق مادەنيەت اۋىس-كۇيىسىنە ‹ماڭگىلىك زيان› تۋدىردى» دەدى.

2017-جىلى 9-ايدان 2018-جىلى 3-ايعا دەيىن، شانشي ولكەلىك مادەني ەسكەرتكىش اۋىس-كۇيىس ورتالىعىنىڭ ا ق ش فيلادەلفيا قالاسى فرانكلين زەرتتەۋ ورنىنىڭ عىلىم مۇراجايىمەن سەلبەسىپ وتكىزگەن «اتتى اسكەر ءمۇسىنى: چين شىحۋاڭ پاتشانىڭ ماڭگىلىك قورعاۋشىسى» اتىنداعى كورمە ا ق ش-تا وتكىزىلدى. كورمە كەزىندە، ا ق ش تلاۆا شتاتىنىڭ ازاماتى مايكەل روحانا مۇراجايدا وتكىزىلگەن كەشكى توپتىق قيمىلعا قاتىناسقاندا، اتتى اسكەرلەر ءمۇسىنى كورمە زالىنا جاسىرىن كىرىپ، كورمەگە قويىلعان «اتتى اسكەر ءمۇسىنى» سول قولىنىڭ باس بارماعىن سىندىرىپ، ۇرلاپ اكەتەدى. مۇراجاي ىلە-شالا ساقشىعا مالىمدەيدى، ا ق ش فەدەراتسيالىق تەكسەرۋ مەكەمەسى قىلمىس كۇماندىسىن قولعا تۇسىرەدى ءارى ٴمۇسىننىڭ باس بارماعىن قايتارىپ الادى.

اۋدارعان: تۇيمەقان يساقان قىزى

来源：央视新闻

翻译：铁梅汉

审稿、制作：古丽美热