بو-اۋ ازيا تالقىسىنىڭ 2024-جىلعى جىلدىق ماجىلىسىندە جاريالانعان باياندامادا جۇڭگو دۇنيە ءجۇزى ەكونوميكاسىنىڭ ارتۋىنداعى باستى ۇلەس قوسۋشىعا اينالادى دەلىندى

ءوز حابارىمىز. بو-اۋ ازيا تالقىسىنىڭ 2024-جىلعى جىلدىق ءماجىلىسى 3-ايدىڭ 26-كۇنىنەن باستاپ وتكىزىلدى، تۇڭعىش رەتكى اقپارات جاريالاۋ ماجىلىسىندە ەكى  بايانداما  جاريالاندى. باياندامادا مىنالار اتاپ كورسەتىلدى: 2024-جىلى ازيا ەكونوميكالىق تۇلعالارىنىڭ ەكونوميكالىق كولەمىنىڭ بۇكىل جەر شارىنداعى سالىستىرماسى مەجەمەن %49 بولادى، جۇڭگو دۇنيە ءجۇزى ەكونوميكاسىنىڭ ارتۋىنا ۇزدىكسىز باستى ۇلەس قوسۋشىعا اينالادى.

قازىر دۇنيە ءجۇزى ءدوپ كەلىپ وتىرعان قيىن ماسەلەلەر قىم-قۋىت، كۇردەلى، 2024-جىل ءالى دە دۇنيە ءجۇزى ەكونوميكاسىنىڭ اۋمالى-توكپەلى جانە جىكتەلگەن ءبىر جىل بولماق. بو-اۋ ازيا تالقىسىنىڭ باس حاتشىسى لي باۋدۇڭ بىلاي دەدى: وسىنداي جاعدايدا جىلدىق ءماجىلىستىڭ كەڭەستىك تاقىرىبىن ورنالاستىرۋدا ازيا مەن دۇنيە ءجۇزى دامۋىنىڭ الدىڭعى لەگىندەگى ماسەلەلەرگە ۇزدىكسىز نازار اۋدارىلادى. «ازيا ەكونوميكاسىنىڭ بولاشاعى جانە ءبىر تۇلعالانۋ اياق الىسى 2024-جىلعى باياندامانىڭ» مەجەسىنە قاراعاندا، سالىستىرمالى كۇشتى تۇتىنۋ مەن بەلسەندى قازىنا ساياساتىنىڭ قولداۋىندا، ازيا ەكونوميكاسىنىڭ ارتۋ قارقىنى 2023-جىلدان جوعارى بولۋى ءارى %4.5 اينالاسىندا بولۋى مۇمكىن. 2024-جىلى ازيانىڭ GDP كولەمىنىڭ بۇكىل جەر شارىنداعى سالىستىرماسى مەجەمەن %49 بولادى.

لي باۋدۇڭ بىلاي دەدى: ازيا دۇنيە ءجۇزى ەكونوميكاسىنىڭ ارتۋىنا قوسقان ۇلەسى ەڭ زور رايونعا اينالادى. جۇڭگو ەكونوميكاسى قۇدىرەتتى سەرپىمدىلىككە جانە قۇدىرەتتى كومەسكى كۇشكە يە بولىپ، سوڭعى ىندەت داۋىرىندە دۇنيە ءجۇزى ەكونوميكاسىنىڭ باياندى دامۋىنداعى ماڭىزدى تىرەك سانالادى. كومىر قىشقىل گازىن مۇلدە پايدا قىلماۋ ەلەكتر جۇيەسىن قۇرۋدا ازيانىڭ دامۋ مىندەتى جاپالى، كومەسكى كۇشى زور. تەحنيكالىق قۋات بەرۋدەن سىرت، ازيا ەلدەرى ءار سالادا جاسىل ەلەكتر قۋاتى جونىندە ناقتى سەلبەستىك ورىستەتتى. جاڭا كوركەيتۋ بانكەسىنىڭ ورىنباسار باستىعى جوۋ چياڭ-ۋ بىلاي دەدى: تاياۋ جىلداردان بەرى ازيا-تىنىق مۇحيت وڭىرىندەگى ەلدەر  كوپ جاقتى، ەكى جاقتى جاسىل ەنەرگياعا قارجى قوسۋ قورىن قۇرۋدى باستادى. جاڭا ەنەرگيا سالاسىنداعى كاسىپ تىزبەگى سەلبەستىگى ۇزدىكسىز تەرەڭدەدى، ازياداعى ءار ەلدىڭ ەڭبەككۇش، بايلىق، تەحنيكا جانە بازار جاعىنداعى قابىلەتتەرى ءار ءتۇرلى، ەل ارالىق سەلبەستىكتىڭ كومەسكى كۇشى توتەنشە زور.