ٴوز حابارىمىز. باس شۋجي شي جينپيڭ بىلاي دەپ اتاپ كورسەتتى: شيزاڭنىڭ جوعارى ساپالى دامۋىن ىلگەرىلەتۋدە دامۋدىڭ تۇتاس بارىسىندا ۇلتتار ىنتىماعى العاباسارلىعىنا ٴمان بەرۋگە؛ حالىق تۇرمىسىن جاقسارتىپ، جۇرت تىلەگىن ۇيىستىرۋعا ٴمان بەرۋگە تاباندى بولۋ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋعا ٴتيىمدى بولۋ كەرەك.

 

 شيزاڭداعى ٴار ۇلت كادرلارى مەن بۇقاراسى جاڭا داۋىردەگى پارتيانىڭ شيزاڭدى باسقارۋ جالپى جوباسىن جاپپاي دايەكتىلەندىرىپ، ورنىقتىلىق، دامۋ، ەكولوگيا، شەكارانى كۇشەيتۋ سىندى 4 ٴىرى ٴىستى ويداعىداي يگەرىپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋعا قۇلشىنىپ، حالىقتى اناعۇرلىم باقىتتى، تاماشا تۇرمىسقا كەنەلتتى.

 

 3-ايدا شيزاڭدا گۇلدەر قۇلپىرا اشىلدى. لينجى قالاسى با-يي رايونى لينجى قالاشىعىنىڭ گالا قىستاعىندا نەشە مىڭ ٴتۇپ جابايى شاپتول گۇلى ۋاعىندا اشىلىپ، ساياحاتشىلاردى باۋرادى، سونىمەن بىرگە ساۋدا ورايىن دا الا كەلدى. گالا قىستاعىنىڭ ەندى عانا اياقتاعان 2024-جىلعى ساياحات-ساۋداگەر شاقىرۋ جينالىسىندا قىستاق كوللەكتيۆى ماڭدايشالىق اسقان سۋرەتكە الۋ، ٴدامدى تاعامدار دۇكەنى باسەكەلەستىرە ساتىلىپ، قىستاق كوللەكتيۆىنە 300 مىڭ يۋانعا جۋىق كىرىس كىرگىزدى. سۋرەتكە الۋ دۇكەنىنىڭ تيجاراتشىسى ۋ شۋاي بىلاي دەدى: گالا قىستاعىنىڭ شاپتول گۇلى تابيعي وسەتىندىكتەن، وتە ادەمى، تاماشالاۋشىلاردىڭ دا قاتارى مول.

 

 گالا قىستاعى تاياۋ جىلداردان بەرى "شاپتۋل باقشاسى" كورىنىس وڭىرىن تياناق ەتىپ، باقشانى تاماشالاۋدى، شاپتۋل تەرۋدى زور كۇشپەن دامىتىپ، قىستاق كوللەكتيۆ شارۋاشىلىعىن ۇزدىكسىز زورايتىپ، جىلدىق كىرىستى 13 ميلليون يۋاننان اسىردى، بۇكىل قىستاقتاعى 33 وتباسى اۋىل-قىستاق ساياحاتىن دامىتۋدىڭ پايداسىنان يگىلىكتەندى. گالا قىستاعى پارتيا ياچەيكاسىنىڭ شۋجيى بيانبا بىلاي دەدى: قىستاعىمىز ساياحاتقا، ەكولوگيالىق ورتاعا سۇيەنىپ كىرىس كىرگىزدى، بۇل پارتيا ورتالىق كوميتەتىنىڭ ٴابزال ساياساتىنىڭ ارقاسى. شاپتول گۇلى مەرەكەسى تاياپ قالدى، ٴبىز ساۋداگەر شاقىرۋ ارقىلى قىستاق كوللەكتيۆ شارۋاشىلىعىن ونان ارى زورايتىپ، بۇقارانىڭ تابىس ٴبولىسىن بارعان سايىن جوعارىلاتپاقپىز.

 

باس شۋجي شي جينپيڭ ٴبىر ميلليون 200 مىڭ شارشى كيلومەتردەن استام جەرى، 4000 كيلومەتردەن استام شەكارا جەلىسى، 50 ۇلت بار شيزاڭ سىندى قارلى ۇستىرتتى، سونداي-اق وسى ارادا جاساپ جاتقان ٴار ۇلت پەرزەنتتەرىن ەسىنەن شىعارمادى. 2021-جىلى 7-ايدا باس شۋجي شي جينپيڭ شيزاڭدا قىزمەت تەكسەرگەن كەزدە، لينجى جاڭا-كونە قالا رايونىنىڭ شەكارالاسقان جەرىندەگى گۇڭبۋ باقشاسىنا بارىپ، باقشا الاڭىندا ٴبي بيلەگەن جەرگىلىكتى بۇقارا مەن ساياحاتشىلارعا تىلەك جولداپ: مەن ٴار ۇلت بۇقاراسىنىڭ تۇرمىسىنىڭ بارعان سايىن جاقسارا بەرۋىن شىن جۇرەكتەن ٴۇمىت ەتەمىن،-دەدى.

 

 نازاردى حالىق تۇرمىسىنا شوعىرلاندىرىپ، حالىق تۇرمىسىن كۇش سالا قامتاماسىزداندىردى جانە جاقسارتتى. سوڭعى جىلداردان بەرى، شيزاڭ نەگىزگى الەۋمەتتىك قىزمەت وتەۋ دەڭگەيىن كۇش سالا جوعارىلاتتى، اسىرەسە، وقۋ-اعارتۋ جاعىندا، وقۋعا تۇسۋدەن بۇرىنعى تاربيە، نەگىزدىك وقۋ-اعارتۋ، كاسىپتىك وقۋ-اعارتۋ، جوعارى دارەجەلى وقۋ-اعارتۋ سياقتىلاردى قامتىعان ٴبىرشاما كەمەلدى وسىزامانعى وقۋ-اعارتۋ جۇيەسى بىرتىندەپ قالىپتاستى. تەڭىز دەڭگەيىنەن ورتاشا بيىكتىگى 4700 مەتر كەلەتىن ناچۇي قالاسىنىڭ نيەرۇڭ اۋدانىنداعى مەملەكەتتىك ەنەرگيا توبىنىڭ ٴۇمىت باستاۋىش مەكتەبىندە شيزاڭعا كومەكتەسۋ قارجىسىنىڭ كومەگىندە، بيىل كوكتەمدە شيزاڭنىڭ سولتۇستىگىندەگى تۇڭعىش قىسىم ارقىلى وتتەگىمەن قامدايتىن گاز جارعاقتى باسكەتبول سارايى سالىندى. 6-جىلدىقتىڭ وقۋشىسى سۋجيە بىلاي دەدى: باسكەتبول الاڭىنداعى قۇرىلعىلارىمىز وتە كاسىبي سالىنعان، ورتاسى جايلى، حاۋىپسىز، كۇندەردىڭ بىرىندە ساحارادان اتتانىپ، ٴتىپتى دە ۇلكەن جارىس الاڭىنا بارىپ دوپ ويناسام دەيمىن.

 

 سونىمەن بىرگە، شيزاڭ ٴتۇيىندى كورنەكتىلەندىرۋگە، توپقا ٴبولىپ قامال الۋعا ۇمتىلىپ، ٴبىر توپ كەلەلى كاسىپ نىساندارىن كۇش سالا جوسپارلاپ جانە ىلگەرىلەتىپ، حالىق تۇرمىسىمەن تىعىز قاتىستى جەڭىل ونەركاسىپ كاسىبىن دامىتىپ، ستراتەگيالىق جاڭادان گۇلدەنگەن كاسىپتەردى جەتىلدىرىپ، شيزاڭ ەرەكشەلىگىنە جانە باسىمدىلىعىنا يە وسىزاماندانعان كاسىپ جۇيەسىن جەدەل قۇردى. جۇڭگو-نەپال شەكاراسىنداعى رىكازى قالاسىنىڭ جيلۇڭ قالاشىعىندا شيزاڭ بۇكىل رايونداعى تۇڭعىش شەكارا ەكونوميكالىق سەلبەستىك رايونىن قۇردى، مۇندا العاشقى مەزگىلدە 43 نىسانعا شامامەن 3 ميلليارد 900 ميلليون يۋان قارجى قوسىلدى، سونىمەن بىرگە جاڭا ەنەرگيالى موتوتسيكل ٴوندىرىس جەلىسى سياقتىلاردى ەنگىزىپ، شەكارا ساۋداسىنداعى مانەرلەۋ كاسىبىن جەتىلدىردى جانە دامىتتى. جيلۇڭ حالىقارالىق شەكارا ساۋدا بازارىنداعى ساۋداگەر بازا بىلاي دەدى: بۇل اراداعى دۇكەندەردەن زات السا، ٴبىر ادامعا 8 مىڭ يۋاندىق زاتتىڭ شەكارا باجىسىن كەشىرىم ەتۋ ساياساتى اتقارىلۋدا، مەن تاعى ٴبىر زات اينالىم سەرىكتىگىن اشتىم، ٴبارى دە قولايلى، وتە جاقسى.

 

 رىكازى قالالىق پارتكومنىڭ ورىنباسار شۋجيى، شاڭحاي قالاسىنىڭ شيزاڭعا كومەككە بارعان كادرلار بايلانىس گرۋپپاسىنىڭ باستىعى پىڭ يحاۋ بىلاي دەدى: وڭتۇستىك ازياعا ەسىك اشۋدىڭ ماڭىزدى ارناسى رەتىندە، رىكازى بيىل حالىقارالىق قۇرلىقتىق پورت قۇرىلىسىن بار كۇشپەن ىلگەرىلەتىپ، وسى زامانعى زات اينالىم كاسىبى، ساۋدا كاسىبى، يمپورت-ەكسپورت مانەرلەۋ كاسىبى سياقتىلاردى كۇش سالا دامىتۋدا. ارنا، زات اينالىمى، ادام اينالىمى، قارجى اينالىمى، ساۋدا، كاسىپ سالاسى سياقتى فاكتورلاردىڭ ىقپالداسىپ دامۋىن جەبەپ، رىكازىنىڭ جوعارى ساپالى دامۋىن جاڭا ساپالى وندىرگىش كۇشپەن قامدادى.

 

 شيزاڭدا دەموكراتيالىق رەفورما جۇرگىزىلگەن 65 جىلدان بەرى، اسىرەسە، پارتيانىڭ 18-قۇرىلتايىنان بەرى، شيزاڭنىڭ ەكونوميكالىق، قوعامدىق دامۋىندا وراسان زور تابىستارعا قول جەتتى، "14-بەسجىلدىق" جوبا نىسانىنا 600 ميلليارد يۋاننان استام قارجى قوسىلدى. 2023-جىلى تۇتاس رايوننىڭ ىشكى ٴوندىرىس جالپى ٴونىم قۇنى 239 ميلليارد 267 ميلليون يۋانعا جەتىپ، 1965-جىلداعىدان 730 ەسە ارتتى. شيزاڭ اۆتونوميالى رايوندىق دامۋ جانە رەفورمالاۋ كوميتەتىنىڭ ورىنباسار مەڭگەرۋشىسى ۋاڭ جيڭساي بىلاي دەدى: شيزاڭ ٴۇستىرت ەكونوميكاسىن جوعارى ساپالى دامىتۋدا الدىمەن اتقارىلاتىن رايون قۇرىپ، 7 ۇلكەن ٴتۇر بويىنشا 89 ٴتۇرلى جوسپار كورسەتكىشىن العا قويىپ، ٴۇستىرت ەكونوميكاسىنىڭ جوعارى ساپالى دامۋىن قۇلشىنا جۇزەگە اسىرىپ، وڭىرلىك دامۋ پارقىن كۇش سالا ازايتىپ، جەرگىلىكتى جاعدايعا قاراي جاڭا ساپالى وندىرگىش كۇشتەردى دامىتىپ، جۇڭگو ۇلگىسىندەگى وسىزاماندانعان شيزاڭ تاراۋىن ويداعىداي جازادى.

 

اۋدارعان:گۇلنۇر قابىلقاق قىزى