جۇڭگو ازاماتىنان ءبىر ادام قازا بولىپ، ءبىر ادام جارالاندى
اۆستراليانىڭ سيدنەي قالاسىندا تۋىلعان ادام جارالاۋ ۋاقيعاسىندا جۇڭگو ازاماتىنان ءبىر ادام قازا بولىپ، ءبىر ادام جارالاندى
جۇڭگونىڭ اۆستراليادا تۇراتىن باس ەلشىحاناسىنىڭ راستاۋىنشا، 4-ايدىڭ 13-كۇنى اۆستراليانىڭ سيدنەي قالاسىنداعى ءبىر ساۋدا-ساتتىق ورتالىعىندا تۋىلعان پىشاق العان بىرەۋدىڭ ادام جارالاۋ وقيعاسىندا جۇڭگو ازاماتىنان ءبىر ادام قازا بولىپ، ءبىر ادام جارالانعان. 4-ايدىڭ 13-كۇنى 40 جاستاعى ەر ادام چول كوش سيدنەيدەگى ءبىر ساۋدا سارايىندا قولىنا پىشاق الىپ ادامدارعا شابۋىل جاساعان، سونىمەن ناق مايدانعا جەتىپ بارعان ايەل ساقشى جاعىنان اتىپ ولتىرىلگەن، وسى رەتكى شابۋىلدا 6 ادام قازا بولىپ، 12 ادام جارالاندى، قازا بولعاندار مەن جارالانعانداردىڭ باسىم كوبى ايەلدەر، جاڭا وڭتۇستىك ۋالس ىشتاتى ساقشىلارىنىڭ 4-ايدىڭ 14-كۇنگى حابارىنا قاراعاندا، قاندىقول مولشەرمەن ءبىر ايدىڭ الدىندا كونسلاند ىشتاتىنان سيدنەي قالاسىنا كەلگەن، وسى رەتكى شابۋىلدىڭ تەررورلىقپەن قاتىسى بار-جوقتىعىن ايقىندايتىن قازىرشە ەشقانداي دالەل-ىسپات جوق.