28-كەزەكتى جۇڭگو جاستارىنىڭ 4-مامىر وردەنىن باعالاۋ ناتيجەسى جاريالاندى 

ءوز حابارىمىز. 4-مامىر جاستار مەرەكەسى قارساڭىندا، 28-كەزەكتى جۇڭگو جاستارىنىڭ 4-مامىر وردەنىن باعالاۋ ناتيجەسى جاريالاندى.

كوممۋنيستىك جاستار وداعى ورتالىق كوميتەتى مەن مەملەكەتتىك جاستار بىرلەستىگى ۋاڭ چۋانچاۋ، ۋاڭ جۇنياڭ، ۋاڭ سىبو قاتارلى 30 جولداسقا 28-كەزەكتى جۇڭگو جاستار 4-مامىر وردەنىن بەرۋدى ۇيعاردى. جۇڭگو تەمىر جول 4-مەكەمەسى جاكارتا-باندۇڭ جوعارى قارقىندى تەمىر جول نىسانى ءبولىمىنىڭ جاس ەكپىندىلەر اترەتى، 31622-اسكەري ءبولىمنىڭ 43-بولىمشە اترەتى، جۇڭگو تەمىر جول عىلمي زەرتتەۋ ورنى توبى شەكتى سەرىكتىگى CR450 عىلىم-تەحنيكادا جاڭالىق اشۋ ينجەنەرياسىنىڭ شەشۋشى جۇيەسىن زەرتتەۋ-اشۋ جانە سىناق ەتۋ جاستار توبى قاتارلى 20 جاستار كوللەكتيۆى جۇڭگو جاستارىنىڭ 4-مامىر وردەنىن العان كوللەكتيۆ ورىندار بولدى. 

ولار اۋەلگى ماقساتتى ۇمىتپاي، بورىشتى ەستە بەرىك ساقتاپ، «مەملەكەتتىڭ زور ءىسىن» ەستەن شىعارماي، عىلىم-تەحنيكادا جاڭالىق اشۋ، اۋىل-قىستاقتاردى كوركەيتۋ، جاسىل دامۋ، قوعامدىق قىزمەت وتەۋ، وتاندى-شەكارانى قورعاۋ سياقتى ءار سالاداعى، ءار جاقتاعى قىزمەتتەردە مۇراتتان جازباي، ىسكە شىنايى كىرىسىپ، وزدەرىن قالتقىسىز ارناپ، ىنتا-پەيىلمەن ۇلەس قوسىپ، ەرلىكپەن العا ۇمتىلىپ، جۇڭگو ۇلگىسىندەگى وسىزامانداندىرۋ ءۇشىن جاۋاپكەرشىلىك ارقالايتىن جالىندى جىگەرلەرىن تولىق ايگىلەدى.