ءوز حابارىمىز. «1-مامىر» حالىقارالىق ەڭبەكشىلەر مەرەكەسى قارساڭىندا، باس شۋجي شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ەڭبەكشى بۇقارانىڭ مەرەكەسىن قۇتتىقتادى جانە ولاردان شىنايى حال سۇرادى، قالىڭ ەڭبەكشى بۇقارانىڭ پارتيا مەن مەملەكەت ىستەرىنىڭ دامۋىنا قوسقان ماڭىزدى ۇلەسىن جوعارى باعالادى ءارى شىنايى ءۇمىت ارتتى.

 باس شۋجيدىڭ قامقورلىعى مەن شابىتتاندىرۋى جۇرت جۇرەگىن جىلىتىپ، العا باسۋعا شابىتتاندىرىپ، ءار سالا، ءار كاسىپتەگى ەڭبەكشىلەردى جاڭا جورىقتا ەرلىكپەن العا باسىپ، قاجىرلىلىقپەن ىستەپ، جۇڭگو ۇلگىسىندەگى وسىزامانداندىرۋ قۇرىلىسىنا بەلسەنە ات سالىسىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە ۇلەس قوسۋعا شابىتتاندىردى.

 شاڭحاي-چۇڭچيڭ-چىڭدۋ جوعارى قارقىندى تەمىر جولى--مەملەكەتتىڭ «سەگىز بويلىق، سەگىز ەندىك» جوعارى قارقىندى تەمىر جول تورابى چاڭجياڭ وزەنى جاعالاۋىنداعى جوعارى قارقىندى تەمىر جول ارناسىنىڭ ماڭىزدى قۇرامداس بولەگى. 1-مامىر كەزىندە شاڭحاي-چۇڭچيڭ-چىڭدۋ جوعارى قارقىندى تەمىر جولىنىڭ چۇڭميڭ-تايساڭ چاڭجياڭ تۋنەلىن سالۋشىلار جەدەل قۇرىلىس جۇرگىزۋدە، ەلىمىز دەربەس زەرتتەپ جاساعان، قازىر دۇنيە جۇزىندەگى ديامەترى ەڭ ۇلكەن «جول باستاۋشى» اتىنداعى ۇڭگۋ ماشيناسى سولتۇستىكتەن وڭتۇستىككە قاراي جۇمىس جۇرگىزۋدە. جۇڭگو تەمىر جول توبى تۋنەل مەكەمەسى چۇڭميڭ-تايساڭ چاڭجياڭ تۋنەلى نىسانى ۇڭگۋ ماشيناسىنىڭ باستىعى لو گاڭ بىلاي دەدى: باس شۋجي شي جينپيڭ قاراپايىم قىزمەت ورنىندا كەرەمەت حيكايانى ۇزدىكسىز جازۋ كەرەك،-دەدى. قازىر دۇنيە جۇزىندەگى ەڭ ۇلكەن جوعارى قارقىندى تەمىر جولدىڭ تۋنەلىن قازاتىن ۇڭگۋ ماشيناسىن ايداعانىما قۋانامىن، چاڭجياڭ وزەنىنىڭ استىنا ءتۇسىپ، ەڭ تەرەڭ تۋنەل سالعانىمىزدى ماقتانىش سەزىنەمىز، چۇڭميڭ-تايساڭ تۋنەلىنىڭ ويداعىداي سالىناتىندىعىنا سەنىمىمىز كامىل، قابىلەتىمىز دە جەتەدى. 

 بەيجيڭ-تيانجين-حىبەيدى تۇتاستىراتىن، تايحاڭشان تاۋىن كەسىپ وتەتىن، شيۇڭ-ان جاڭا رايونىنان سانشيدىڭ شينجوۋ قالاسىنا دەيىنگى جوعارى قارقىندى تەمىر جول قۇرىلىسىندا قازىر نەشە ءجۇز قۇرىلىسشى كۇندىز-ءتۇنى جۇمىس جۇرگىزۋدە. مەملەكەتتىك 1-مامىر جەلەكتىلەرىنىڭ ۇلگىسى، شيۇڭ-ان جوعارى قارقىندى تەمىر جولىنىڭ حىبەي بولىگىندەگى قۇرىلىسشىسى ۋ جيانشيا بىلاي دەدى: باس شۋجيدىڭ ىقىلاستى حال سۇراۋى ءبىزدى ەرەكشە مەيىرگە بولەدى ءارى ايرىقشا جەلپىندىردى. ءبىز، ءسوز جوق، باس شۋجيدىڭ تاپسىرماسىن ەستە بەرىك ساقتاپ، «ۋاقىتپەن جارىسۋ» ارىنىمەن جوعارى قارقىندى تەمىر جولدى جوعارى ولشەممەن، جوعارى ساپامەن ويداعىداي قۇرىپ، جۇڭگو ۇلگىسىندەگى وسىزامانداندىرۋدىڭ ۇلى جوباسىن بىرتىندەپ تاماشا رەالدىققا اينالدىرۋعا جاستىق كوكتەمىمىزدى ارنايمىز.

 «1-مامىر» دەمالىسىندا لياۋنيڭ ولكەسىنىڭ شىنياڭ قالاسىنداعى شىنگۋ توبى شەكتى جارنا سەرىكتىگى بار كۇشىن سالىپ، ۋاقىتتى ۇتتى، ەڭبەكشىلەر قىزمەت ورىندارىنان تاپجىلماي، تاپسىرىس مىندەتىنىڭ ۋاعىندا ورىندالۋىنا كەپىلدىك ەتتى. مەملەكەتتىك 1-مامىر ەڭبەك وردەنىنىڭ يەگەرى، شىنگۋ توبى شەكتى جارنا سەرىكتىگىنىڭ اعا تەحنيگى ما چاڭحاۋ بىلاي دەدى: باس شۋجي شي جينپيڭنىڭ قۇتتىقتاۋى مەن حال سۇراۋى بىزگە كۇش-قۋات بەرىپ، العا باسۋعا جىگەرلەندىردى. تەحنيك جۇمىسشى رەتىندە، ەڭبەك وزاتى رۋحىن، ەڭبەك رۋحىن، شەبەرلەر رۋحىن بارىنشا ساۋلەلەندىرىپ، اناعۇرلىم كوپ مانەرلەۋ تەحنيكاسىنداعى قيىن وتكەلدەردەن قۇلشىنا قامال الىپ، اناعۇرلىم كوپ سالاداعى «ءىرى ەلدىڭ ماڭىزدى جابدىقتارىن» ارماننان رەالدىققا اينالدىرىپ، اناعۇرلىم كوپ وزەكتى جابدىقتاردىڭ ەلىمىزدە وندىرىلۋىنە ءوز ۇلەسىمدى قوسامىن.

 شينجياڭ الاتاۋ قالاسى بەلگىلى توقىماشىلىق سەرىكتىگىنىڭ گرۋپپا باستىعى ليۋ يۇيشين ەلەكتر رەمونتشىسى رەتىندە، 8 جىلدان بەرى قاجىرلىلىقپەن زەرتتەۋ جۇرگىزىپ، ءورىس اشا جاڭالىق اشىپ، ادەتتەگى توكشىدەن تەحنيك تىرەكتىگە اينالدى. بيىل ول مەملەكەتتىك 1-مامىر ەڭبەك وردەنىنە يە بولدى.

 ليۋ يۇيشين بىلاي دەدى: باس شۋجي شي جينپيڭنىڭ مەرەكەلىك قۇتتىقتاۋى مەن شىنايى حال سۇراۋى ءبىزدى ەرەكشە مەيىرگە بولەدى، سونداي-اق جىگەرىمىزدى تاسقىنداتتى. بيىل 36 جاستامىن، كۇرەس جاسايتىن جالىندى شاعىم. مەن«ۇزدىك بولۋعا تالپىنۋ» سىندى شەبەرلەر رۋحىن امالياتتا ايگىلەپ، قاراپايىم قىزمەت ورنىندا كەرەمەت ناتيجە جاراتۋعا قۇلشىنامىن.

 انحۇي تۇڭليڭ ءتۇستى مەتال دۇڭگۋاشان مىس كەنى داتۋانشان جۇمىس رايونىنداعى 2-گرۋپپا « مەملەكەتتىك جۇمىسشىلار اۆانگاردى» داڭقتى اتاعىنا يە بولدى. باس شۋجيدىڭ حال سۇراۋى كەن جۇمىسشىلارىن ايرىقشا شابىتتاندىردى. كەن ونىمدەرىن شىعارۋ 2-گرۋپپاسىنىڭ ورىنباسار باستىعى شيە حاۋ بىلاي دەدى: باس شۋجي شي جينپيڭ: ءداۋىردىڭ تاماشا داستانىن ەڭبەكپەن جازىپ، كوركەم بولاشاقتى كۇرەسكەرلىكپەن جاراتۋ كەرەك،-دەپ باسا دارىپتەدى. «1-مامىر» دەمالىسىندا مەن ساپتاستارىممەن بىرگە بۇرىنعىداي قىزمەت ورىنىمىزدان تاپجىلماي، قاراپايىم قىزمەت ورنىندا كەرەمەت ناتيجە جاراتىپ، كاسىپورىننىڭ جوعارى ساپالى دامۋى ءۇشىن قاجىماي-تالماي كۇرەس جۇرگىزدىك.

 4-ايدىڭ 30-كۇنى جياڭشي ولكەسىندەگى جاڭا كاسىپتەنۋ فورماتسياسىنداعى ەڭبەكشىلەردىڭ ءادىليالىق ۇقىق-مۇددەسىن قورعايتىن تۇڭعىش بازا قۇرىلدى، ول بۇدان كەيىن جاڭا كاسىپتەنۋ فورماتسياسىنداعى ەڭبەكشىلەرگە ەڭبەك داۋ-شارىن شەشۋ جاعىندا ءبىر تۇتاس قىزمەت وتەيدى. بازانىڭ جاۋاپتىسى، نانچاڭ قالاسى چيڭشانحۋ رايوندىق حالىق سوتى مەكەمەسى دەلو تۇرعىزۋ كوللەگياسىنىڭ باستىعى ۋاڭ لۋ بىلاي دەدى: باس شۋجي شي جينپيڭ قالىڭ ەڭبەكشى بۇقاراعا كوڭىل ءبولىپ، ولاردى ايالاپ، ەڭبەكشىلەردىڭ زاڭدى ۇقىق-مۇددەسىن شىنايى ويداعىداي جۇزەگە اسىرۋدى، قورعاۋدى، دامىتۋدى باسا دارىپتەدى. ءبىز جاڭا فورماتسياداعى ەڭبەكشىلەر ءۇشىن بەدەلدى، قولايلى ۇقىق قورعاۋ ورىندارىن قۇرىپ، جاڭا فورماتسياداعى كاسىپتەردىڭ جۇيەلى جۇمىس جۇرگىزۋىنە مۇمكىندىك جاساپ، تەكشە ەكونوميكاسىنىڭ اقاۋسىز دامۋىن جەبەپ، ەڭبەكشىلەردى اناعۇرلىم تىكەلەي، اناعۇرلىم شىنايى تابىس سەزىمىنە، باقىت سەزىمىنە، حاۋىپسىزدىك سەزىمىنە يە ەتۋىمىز كەرەك.