كوپ ءتۇرلى فينانس ساياساتى العا قويىلىپ، بىرىككەن كۇش قالىپتاستىرىلىپ، ەكونوميكانىڭ جوعارى ساپالى دامۋىنا قولداۋ كورسەتىلدى

ءوز حابارىمىز. مەملەكەتتىك كەڭەستىڭ اقپارات كەڭسەسى 9-ايدىڭ 24-كۇنى اقپارات جاريالاۋ ءماجىلىسىن اشتى، جۇڭگو حالىق بانكەسى، فينانستى باقىلاپ-باسقارۋ باس مەكەمەسى، جۇڭگو اكتسيانى باقىلاپ-باسقارۋ كوميتەتىنىڭ نەگىزگى جاۋاپتىلارى فينانستىڭ ەكونوميكانىڭ جوعارى ساپالى دامۋىن قولداۋعا قاتىستى جاعدايلاردى تانىستىردى. كوپتەگەن ءتيىمدى ساياساتتار تەڭ ۋاقىتتا جاريالاندى، اقشا ساياساتىن تەڭشەۋ كۇشەمەلىلىگى ارتتىرىلىپ، ەكونوميكانىڭ جوعارى ساپالى دامۋىن اناعۇرلىم قولداۋ العا قويىلدى. 

جۇڭگو حالىق بانكەسىنىڭ باستىعى پان گۇڭشىڭ بىلاي دەپ تانىستىردى: تومەن مولشەردەگى امانات دايىندىق اقشا مولشەرى مەن ساياساتتىق ءوسىم مولشەرى تومەندەتىلەدى ءارى بازاردىڭ نەگىزدىك ءوسىم مولشەرى جەبەلەدى. بۇدان سىرت، ورتالىق بانكە فينانستى باقىلاۋ-باسقارۋ باس مەكەمەسىمەن بىرگە 5 ءتۇرلى قورا-جاي فينانس ساياساتىن شىعاردى. بۇل بانكەلەردى ىركىندى ءۇي قارىزىنىڭ ءوسىم مولشەرىن تومەندەتۋگە جەتەكتەۋدى ءارى ءۇي قارىزىنىڭ ەڭ تومەنگى العاشقى تولەۋ سالىستىرماسىن بىرلىككە كەلتىرۋدى قامتيدى. مۇندا ىركىندى ءۇي قارىزى دەپ تاراتىلعان، ءبىراق ءالى قايتارىلماعان جەكەلەردىڭ تۇرعىن ءۇي قارىز اقشاسى ايتىلىپ وتىر. وسى ارقىلى مەجەمەن 50 ميلليون وتباسى، 150 ميلليون ادام يگىلىككە كەنەلىپ، جىلىنا 150 ميلليارد يۋان اۋىرتپالىق جەڭىلدەتىلەدى. پان گۇڭشىڭ بىلاي دەدى: ساۋدا بانكەلەرى ىركىندى ءۇي قارىزىنىڭ ءوسىم مولشەرىن جاڭادان تاراتىلعان قارىز اقشانىڭ ءوسىم مولشەرىنىڭ ماڭىنا تۇسىرۋگە جەتەكتەلەدى، مەجەمەن ورتاشا تومەندەۋ مولشەرى شامامەن 0.5 پايىز اينالاسىندا بولادى. بۇكىل ەل كولەمىندەگى ەكىنشى ءۇي قارىز اقشاسىنىڭ ەڭ تومەنگى العاشقى تولەۋ سالىستىرماسى قازىرگى %25 تەن %15 كە تومەندەتىلەدى.

بۇدان سىرت، جارنا بازارىن ورنىقتىرۋ، سەنىمدى سەرپىلتۋ ماقساتىندا، ورتالىق بانكە تۇڭعىش رەت كاپيتال بازارىن قولدايتىن جاڭا قۇرىلىمدىق اقشا ساياساتى قۇرالىن العا قويدى. ول اكتسيا، قور، قامسىزداندىرۋ سەرىكتىكتەرىنىڭ ءوزارا اۋىستىرۋ قولايلىلىعىن، سونداي-اق جارنا بەلەتىن قايتا ساتىپ الىپ، ارناۋلى قايتالاي قارىز اقشا الۋدى قامتيدى. پان گۇڭ شىن بىلاي دەدى: ءوزارا ىقپالداستىققا قولايلى العاشقى قارجى كولەمى 500 ميلليارد يۋان توڭىرەگىندە بولادى، بولاشاقتا جاعدايعا قاراي كولەمى ۇلعايتىلادى. وسى قۇرال ارقىلى يە بولعان قارجى تەك جارنا بازارىنا قارجى قوسۋعا عانا جۇمسالادى.

 

اكتسيانى باقىلاۋ-باسقارۋ كوميتەتى بازارعا شىعارىلعان سەرىكتىكتەردىڭ تيجارات ونىمدىلىگىن جاقسارتۋىنا بەلسەنە قولداۋ كورسەتىپ، پايدا تابۋ قابىلەتىن جوعارىلاتادى. جۇڭگو اكتسيانى باقىلاۋ-باسقارۋ كوميتەتىنىڭ ءتوراعاسى ۋ چيڭ بىلاي دەدى: قازىر ءبىز قاتىستى مينيسترلىك مەن كوميتەتتەرمەن بىرگە بازارعا شىعارىلعان سەرىكتىكتەردىڭ بازار قۇنىن باسقارۋعا قاتىستى نۇسقاۋلاردى زەرتتەپ جاسادىق، تەز ارادا وسى نۇسقاۋدى الىپ شىعىپ پىكىر الىپ، بازارعا شىعارىلعان سەرىكتىكتەردەن زاڭ بويىنشا بازار قۇنىن باسقارۋدى ويداعىداي ىستەۋدى تالاپ ەتەمىز.

 

مەملەكەتتىك فينانس باقىلاۋ-باسقارۋ باس مەكەمەسىنىڭ باستىعى لي يۇنزى اقپارات جاريالاۋ ماجىلىسىندە بىلاي دەدى: زەرتتەۋ ارقىلى مەملەكەت 6 ءىرى ساۋدا بانكەسىنە وزەكتى 1-دارەجەلى كاپيتالدى كوبەيتۋدى جوسپارلادى، بۇل شارا «ءبىر تۇتاس ىلگەرىلەتۋ، مەرزىمگە، توپقا ءبولۋ، ءبىر جولدا ءبىر شارا قولدانۋ» وي جەلىسى بويىنشا ءتارتىپتى اتقارىلادى. ورنىقتى، جاريا، مەجەلەۋگە بولاتىن باقىلاۋ-باسقارۋ ساياساتتىق ورتاسى قالىپتاستىرىلادى.