ءوز حابارىمىز. مەملەكەت ءتوراعاسى شي جينپيڭ 7-ايدىڭ 16-كۇنى نيگەريانىڭ بۇرىنعى زۇڭتۇڭى بۋحاريدىڭ قايتىس بولعاندىعى جونىندە نيگەريانىڭ زۇڭتۇڭى تينۋبۋعا كوڭىل ايتۋ تەلەگرامماسىن جولداپ، جۇڭگو ۇكىمەتى مەن جۇڭگو حالقى اتىنان قايعىلى ازا ءبىلدىرىپ، بۋحاريدىڭ تۋىس-تۋعاندارىنان، نيگەريا ۇكىمەتى مەن حالقىنان شىنايى حال سۇرادى.

شي جينپيڭ بىلاي دەپ انىق ايتتى: بۇرىنعى زۇڭتۇڭ بۋحاري نيگەريانىڭ ماڭىزدى باسشىسى، نيگەريانىڭ مەملەكەت جاعدايىنا ۇيلەسەتىن دامۋ جولىن قاراستىرۋعا كۇش سالىپ، مەملەكەتتىڭ ىنتىماعىنا، العا باسۋىنا كورنەكتى ۇلەس قوسىپ، حالىقارالىق قوعامدا بەدەلگە يە بولدى. ول كوزى تىرىسىندە جۇڭگومەن دوستىققا تاباندى بولىپ، جۇڭگو-نيگەريا دوستىعىن جانە جۇڭگو-افريكا دوستىق سەلبەستىگىن بەلسەنە جەبەدى. ونىڭ قايتىس بولۋى نيگەريا حالقى ءۇشىن وراسان زور جوعالتۋ بولدى، جۇڭگو حالقى دا ءبىر جاقسى دوسىنان ايرىلدى. جۇڭگو جاق جۇڭگو-نيگەريا قاتىناسىن دامىتۋعا وسكەلەڭ ءمان بەرەدى، نيگەريا جاقپەن بىرلىكتە قۇلشىنىپ ەكى ەلدىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز العا دامۋىن ىلگەرىلەتۋدى قالايدى.