شي جينپيڭ مەملەكەتتى جالپى بەتتىك زاڭمەن باسقارۋ قىزمەتى جونىندە ماڭىزدى نۇسقاۋ بەرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، زاڭمەن باسقارىلاتىن جۇڭگو قۇرۋدا جاڭا جاعداي جاراتۋ كەرەك، -دەپ باسا دارىپتەدى، ورتالىقتىڭ مەملەكەتتى جالپى بەتتىك زاڭمەن باسقارۋ قىزمەتى ءماجىلىسى بەيجيڭدە اشىلدى، جاۋ لىجي ماجىلىسكە قاتىناستى ءارى ءسوز سويلەدى، ديڭ شۋەشياڭ ماجىلىسكە قاتىناستى

 

ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا مەملەكەتتى جالپى بەتتىك زاڭمەن باسقارۋ قىزمەتى جونىندە ماڭىزدى نۇسقاۋ بەرىپ، بىلاي دەپ انىق ايتتى: پارتيا 18-قۇرىلتايىنان بەرى، پارتيا ورتالىق كوميتەتى مەملەكەتتى جالپى بەتتىك زاڭمەن باسقارۋدى «ءتورتتى جالپى بەتتىك» ستراتەگيالىق ورنالاستىرۋىنا ەنگىزىپ، پارمەندى ىلگەرىلەتىپ، مەملەكەتتى جالپى بەتتىك زاڭمەن باسقارۋدىڭ جالپى تۇلعالىق جاعدايى نەگىزىنەن قالىپتاستى. جۇڭگوشا سوتسياليستىك زاڭمەن باسقارۋ جۇيەسى ۇزدىكسىز كەمەلدەنىپ، جۇڭگوشا سوتسياليستىك زاڭمەن باسقارۋ جولى بارعان سايىن كەڭەيدى.

 

شي جينپيڭ مىنالاردى باسا دارىپتەدى: جاڭا جورىقتا جاڭا داۋىردە جۇڭگوشا سوتسياليستىك زاڭمەن باسقارۋ يدەياسىن جالپى بەتتىك دايەكتەندىرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، نازاردى اناعۇرلىم كەمەلدى جۇڭگوشا سوتسياليستىك زاڭمەن باسقارۋ جۇيەسىن قۇرۋعا، اناعۇرلىم جوعارى دەڭگەيدەگى سوتسياليستىك زاڭمەن باسقارىلاتىن مەملەكەت قۇرۋعا شوعىرلاندىرىپ، زاڭمەن باسقارۋدا رەفورمانىڭ، دامۋدىڭ، ورنىقتىلىقتىڭ ءوزارا سايكەسۋىنە اناعۇرلىم ءمان بەرىپ، قوعامدىق  تەڭدىك پەن ادىلدىكتى قامتاماسىزداندىرۋعا جانە جەبەۋگە اناعۇرلىم ءمان بەرىپ، عىلمي زاڭ شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىقتىڭ زاڭعا بويسۇنۋىن جالپى بەتتىك ىلگەرىلەتىپ، مەملەكەتتىڭ ءار جاقتاعى قىزمەتتەرىن زاڭمەن باسقارۋدى جالپى بەتتىك ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى كوركەيتۋ ۇلى ءىسىن جالپى بەتتىك ىلگەرىلەتۋدى زاڭمەن باسقارۋ جاعىنان پارمەندى قامتاماسىز ەتۋ كەرەك.

 

شي جينپيڭ مىنالاردى باسا دارىپتەدى: ءار دارەجەلى پارتكومدار، پارتگرۋپپاسىنداعىلار تۇلعالىق جاۋاپكەرشىلىكتى ارقالاپ، زاڭمەن باسقارۋ سالاسىنداعى كەلەلى ورنالاستىرۋلاردى، ماڭىزدى مىندەتتەردى، ءتۇيىندى قىزمەتتەردى تياناقتاندىرۋدى مىقتى يگەرۋ كەرەك. زاڭمەن باسقارۋ قىزمەت تاراۋلارى مىندەتىن مۇقيات اتقارىپ، جاۋاپكەرشىلىگىن ادا ەتىپ، ىرىقتىلىقپەن جاۋاپكەرشىلىك ارقالاپ ناتيجە جاراتۋلارى؛ تاراۋلار، سالالار ءىستى زاڭ بويىنشا قاتاڭ ىستەپ، زاڭمەن باسقارىلاتىن جۇڭگو قۇرۋدا كۇش بىرىكتىرە جاڭا جاعداي جاراتۋ كەرەك.

 

ورتالىقتىڭ مەملەكەتتى جالپى بەتتىك زاڭمەن باسقارۋ قىزمەت ءماجىلىسى 11-ايدىڭ 17-، 18-كۇندەرى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي ماجىلىسكە قاتىناستى ءارى ءسوز سويلەدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ماجىلىسكە قاتىناستى ءارى شي جينپيڭنىڭ ماڭىزدى نۇسقاۋىن جەتكىزدى.

 

جاۋ لىجي سوزىندە مىنالاردى انىق ايتتى: باس شۋجي شي جينپيڭنىڭ ماڭىزدى نۇسقاۋى بيىكتە تۇرىپ الىستى بولجاعان، يدەياسى تەرەڭ، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە بولىپ، جاڭا جورىقتا مەملەكەتتى جالپى بەتتىك زاڭمەن باسقارۋدى ىلگەرىلەتۋگە ايقىن العا باسۋ بەتالىسىن كورسەتتى، ىشكەرىلەي ۇيرەنۋ، ءتۇسىنۋ، باتىل دايەكتى تياناقتاندىرۋ كەرەك.

 

جاۋ لىجي مىنالاردى باسا دارىپتەدى: شي جينپيڭ زاڭمەن باسقارۋ يدەياسى جاڭا داۋىردە مەملەكەتتى جالپى بەتتىك زاڭمەن باسقارۋدا، ءسوز جوق، ۇزاق ۋاقىت تاباندى بولۋعا ءتيىستى جەتەكشى يدەيا. مەملەكەتتى جالپى بەتتىك زاڭمەن باسقارۋدىڭ تاريحي جەتىستىكتەرى شي جينپيڭ زاڭمەن باسقارۋ يدەياسىنىڭ اقيقات كۇشى مەن امالياتتىق ۇلى كۇشىن تولىق ايگىلەدى. شي جينپيڭ زاڭمەن باسقارۋ يدەياسىن ۇيرەنۋدى، ۇگىتتەۋدى، كادرلاردى تاربيەلەۋدى، زەرتتەۋدى، ءتۇسىندىرۋدى تەرەڭدەتىپ، دايەكتى تياناقتاندىرۋدى مىقتى يگەرىپ، ۇيرەنۋ جەتىستىكتەرىن زاڭمەن باسقارۋ قۇرىلىسىنىڭ امالياتىندا ايگىلەۋ كەرەك.

 

جاۋ لىجي مىنالاردى انىق ايتتى: پارتيانىڭ مەملەكەتتى جالپى بەتتىك زاڭمەن باسقارۋعا باسشىلىعىنا تاباندى بولىپ جانە كۇشەيتىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ەكىنى قورعاۋدى» باتىل ورىنداپ، جۇڭگوشا سوتسياليستىك زاڭمەن باسقارۋ جولىمەن بۇلجىماي ءجۇرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، پارتيا باسشىلىعىنىڭ مەملەكەتتى جالپى بەتتىك زاڭمەن باسقارۋدىڭ جالپى بارىسىندا جانە ءار قايسى جاقتارىندا دايەكتەنۋىنە شىنايى كەپىلدىك ەتۋ كەرەك.

 

جاۋ لىجي مىنالاردى باسا دارىپتەدى: پارتيا 20-كەزەكتى ورتالىق كوميتەتى ءتورتىنشى جالپى ماجىلىسىندەگى ستراتەگيالىق ورنالاستىرۋلاردى دايەكتى تياناقتاندىرۋدى توڭىرەكتەپ، تۋرا جولدان كوز جازباي جاڭالىق جاراتىپ، ورنىقتىلىق بارىسىندا ىلگەرىلەپ، مەملەكەتتى جالپى بەتتىك زاڭمەن باسقارۋ قىزمەتتەرىن ويداعىداي ىستەپ، زاڭمەن باسقارۋ ارقىلى ءتۇزىم باسىمدىعىن بەكەمدەپ جانە ايگىلەپ، جوعارى ساپالى دامۋدى زاڭمەن باسقارۋ جاعىنان قامتاماسىز ەتىپ، حالىقتىڭ ۇقىق-مۇددەسىن زاڭ بويىنشا قامتاماسىز ەتىپ، حالىقتىڭ ىرىسىن ارتتىرىپ، قوعامدىق تەڭدىك پەن ادىلدىكتى قامتاماسىزداندىرىپ جانە جەبەپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن قورعاۋ كەرەك. شەتەلگە ساياتىن زاڭمەن باسقارۋ جۇيەسى مەن قابىلەت قۇرىلىسىن كۇشەيتىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە كەپىلدىك ەتۋدى بەرىك زاڭمەن باسقارۋ كەپىلدىگىمەن قامداۋ كەرەك.

 

جاۋ لىجي مىنالاردى انىق ايتتى: اناعۇرلىم كەمەلدى جۇڭگوشا سوتسياليستىك زاڭمەن باسقارۋ جۇيەسىن ورناتىپ، كەمەلدى زاڭ-ەرەجە جۇيەسىن جەدەل قالىپتاستىرىپ، زاڭمەن باسقارىلاتىن ۇكىمەت قۇرىلىسىن كۇش سالا ىلگەرىلەتىپ، ءادىليادا ءادىل بولۋدى جالپى بەتتىك ىلگەرىلەتىپ، زاڭمەن باسقارىلاتىن قوعام قۇرۋدى ىشكەرىلەي ىلگەرىلەتىپ، زاڭمەن باسقارۋ قىزمەت قوسىنى قۇرىلىسىن جانە زاڭمەن باسقارۋ دارىندىلارىن باۋلۋدى تەرەڭدەتىپ، اناعۇرلىم جوعارى دەڭگەيدەگى سوتسياليستىك زاڭمەن باسقارىلاتىن مەملەكەت قۇرۋعا بەرىك نەگىز قالاۋ كەرەك.

 

ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي-زاڭ كوميتەتىنىڭ شۋجيى چىن ۋىنچيڭ قورىتىندى سوزىندە بىلاي دەدى: باس شۋجي شي جينپيڭنىڭ ماڭىزدى نۇسقاۋىندا مەملەكەتتى جالپى بەتتىك زاڭمەن باسقارۋدىڭ ستراتەگيالىق، جالپى جاعدايلىق، باعىتتىق ماسەلەلەرى اناعۇرلىم ايقىندالىپ، سوتسياليستىك زاڭمەن باسقارۋ قۇرىلىسىنىڭ زاڭدىلىعى جونىندەگى تانىم تەرەڭدەتىلىپ، جاڭا جورىقتا مەملەكەتتى جالپى بەتتىك زاڭمەن باسقارۋدى ىلگەرىلەتۋگە ايقىن العا باسۋ بەتالىسى كورسەتىلدى. شي جينپيڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتەندىرىپ، ءماجىلىس رۋحىن ىشكەرىلەي ۇيرەنىپ، دايەكتەندىرىپ، عىلمي زاڭ شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىقتىڭ زاڭعا بويسۇنۋىن ءبىر تۇتاس ىلگەرىلەتىپ، زاڭدىق باقىلاۋدى كۇشەيتىپ، زاڭمەن باسقارىلاتىن جۇڭگو قۇرۋدا كۇش بىرىكتىرە جاڭا جاعداي جاراتۋ كەرەك.

 

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ-تەكسەرۋ كوميتەتى ورگانىنداعى، ورتالىق ۇيىمداستىرۋ بولىمىندەگى، مەملەكەتتىك كەڭەستىڭ مەملەكەت مەنشىگىندەگى مال-مۇلىكتى باقىلاۋ-باسقارۋ كوميتەتىندەگى، تيانجين قالاسىنداعى، جياڭسۋ ولكەسىنداعى، فۋجيان ولكەسىندەگى، چۇڭچيڭ قالاسىنداعى، گانسۋ ولكەسىندەگى جاۋاپتى جولداستار پىكىر اۋىستىرىپ، ءسوز سويلەدى.

 

شى تايفىڭ، لي شۋلەي، لي حۇڭجۇڭ، ليۋ جينگو، ۋاڭ شياۋحۇڭ، جاڭ شىڭمين، ۋ جىڭلۇڭ، جاڭ جۇن، يىڭ يۇڭدار ماجىلىسكە قاتىناستى.

 

ورتالىقتىڭ مەملەكەتتى جالپى بەتتىك زاڭمەن باسقارۋ كوميتەتىنىڭ مۇشەلەرى، ءارقايسى ولكە، اۆتونوميالى رايون، توتە قاراستى قالالار جانە جوسپارى بولەك جاسالاتىن قالالار، شينجياڭ ءوندىرىس-قۇرىلىس بيڭتۋانى پارتكومدارىنىڭ ولكە (اۆتونوميالى رايون، توتە قاراستى قالا، بيڭتۋاندى)  زاڭمەن باسقارۋ كوميتەتتەرىندەگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.