ءوز حابارىمىز. مەملەكەت ءتوراعاسى شي جينپيڭ 11-ايدىڭ 24-كۇنى كەشتە ا ق ش-نىڭ زۇڭتۇڭى ترامپپەن تەلەفوندا سويلەستى.

شي جينپيڭ مىنالاردى انىق ايتتى: وتكەن ايدا ءبىز حانگونىڭ فۋشان قالاسىندا ءساتتى كەڭەس وتكىزدىك، كوپتەگەن ماڭىزدى ورتاق تانىمعا كەلىپ، جۇڭگو-ا ق ش قاتىناسى سىندى الىپ كەمەنىڭ ورنىقتى العا باسۋىنا باعدار بەلگىلەنىپ، قوزعاۋشى كۇش قوسىلدى، سونداي-اق دۇنيە جۇزىنە بەلسەندى اڭىس بەرىلدى. فۋشانداعى كەزدەسۋدەن بەرى، جۇڭگو-ا ق ش قاتىناسى جالپى تۇلعالىق جاقتان ورنىقتى جاقسارىپ، ەكى ەلدىڭ جانە حالىقارالىق قوعامنىڭ جالپى بەتتىك قارسى الۋىنا يە بولدى، اماليات مىنانى تاعى بىر رەت ءتۇسىندىردى: جۇڭگو مەن ا ق ش «سەلبەسسە ەكى جاققا دا ءتيىمدى بولاتىندىعى، بەلدەسسە ەكى جاققا دا زيان جەتكىزەتىندىگى» امالياتتىڭ كوپ قايتالاي دالەلدەۋىنەن وتكەن قاراپايىم ساۋات، جۇڭگو مەن ا ق ش-نىڭ «ءوزارا تابىسقا جەتۋى، بىرلىكتە كوركەيۋى» انىق كورۋگە، ايقىن سەزىنۋگە بولاتىن ناقتى بولمىس. ەكى جاق وسى بەتالىستى ساقتاپ، دۇرىس باعىتقا تاباندى بولىپ، تەڭدىك، قۇرمەت ەتۋ، ءوزارا تيىمدىلىك جاساۋ پوزيتسياسىن ۇستانىپ، سەلبەستىك مازمۇنىن مولايتىپ، ماسەلە مازمۇنىن ازايتىپ، اناعۇرلىم كوپ بەلسەندى ىلگەرىلەۋشىلىكتەرگە قول جەتكىزىپ، جۇڭگو-ا ق ش قاتىناسىنا جاڭا سەلبەستىك ءورىس اشىپ، ەكى ەل حالقى مەن دۇنيە ءجۇزى حالقىنا ءتىپتى دە زور باقىت جاراتۋ كەرەك.

شي جينپيڭ جۇڭگونىڭ تايۋان ماسەلەسىندەگى پرينسيپتىك مايدانىن بايىمداپ، بىلاي دەپ باسا دارىپتەدى: تايۋاننىڭ جۇڭگوعا ورالۋى سوعىستان كەيىنگى حالىقارالىق ءتارتىپتىڭ ماڭىزدى قۇرامداس بولەگى. جۇڭگو مەن ا ق ش فاشيزمگە جانە ميليتاريزمگە تىزە قوسا سوققى بەرگەن بولاتىن، قازىر دۇنيە جۇزىلىك ەكىنشى سوعىستىڭ جەڭىس جەتىستىكتەرىن ءتىپتى دە ورتاق كۇش سالا قورعاۋى كەرەك.

ترامپ بىلاي دەدى: ءتوراعا شي جينپيڭ ۇلى باسشى. ءتوراعا شي جينپيڭ ەكەۋىمىزدىڭ فۋشانداعى كەزدەسۋىمىز توتەنشە كوڭىلدى بولدى. ءسىزدىڭ ەكى ەل قاتىناسى جونىندەگى كوزقاراسىڭىزدى بۇكىلدەي قۇپتايمىن. ەكى جاق فۋشان كەزدەسۋىندە كەلىسكەن ماڭىزدى ورتاق تانىمدى جالپى بەتتىك تياناقتاندىرۋدا. جۇڭگو سوناۋ جىلدارى ەكىنشى رەتكى دۇنيە جۇزىلىك سوعىستىڭ جەڭىسكە جەتۋى ءۇشىن ماڭىزدى رول اتقاردى، ا ق ش تايۋان ماسەلەسىنىڭ جۇڭگو جونىندەگى ماڭىزدىلىعىن تۇسىنەدى.

ەكى ەل باسشىلارى ۋكراينا داعدارىسىن دا تىلگە تيەك ەتتى. شي جينپيڭ مىنالاردى باسا دارىپتەدى: جۇڭگو بەيبىتشىلىككە كۇش سالاتىن بارلىق قۇلشىنىستاردى قولدايدى، ءار قايسى جاقتاردىڭ الاۋىزدىقتاردى ۇزدىكسىز ازايتىپ، ءادىل، باياندى، تەجەۋ كۇشىنە يە بەيبىتشىلىك كەلىسىمىن ەرتەرەك جاساسىپ، وسى داعدارىستى تۇبىرىنەن شەشۋىن ءۇمىت ەتەدى.