ءوز حابارىمىز. مەملەكەت ءتوراعاسى شي جينپيڭ 1-ايدىڭ 23-كۇنى يوۋەري مۋسەۆەنيگە تەلەگرامما جولداپ، ونىڭ ۋگاندا رەسپۋبليكاسىنىڭ زۇڭتۇڭى بولىپ جالعاستى سايلانعاندىعىن قۇتتىقتادى.

شي جينپيڭ مىنالاردى انىق ايتتى: جۇڭگو ۋگاندامەن بايىرعى دوس. سوڭعى جىلدارى ەكى جاق ءبىر-ءبىرىنىڭ وزەكتى مۇددەسىنە جانە كوكەيتەستى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا باتىل قولداپ، ءار سالاداعى ناقتى سەلبەستىكتە سۇبەلى تابىستارعا قول جەتكىزىپ، حالىقارالىق جانە وڭىرلىك ىستەردى سايكەستىرۋدە، سەلبەسۋدە كورنەكتى ونىمدىلىك جاراتتى. مۋسەۆەني زۇڭتۇڭ جۇڭگو حالقىنىڭ كونە دوسى، ەكى ەل قاتىناسىنىڭ دامۋىن ىلگەرىلەتۋگە ۇزاق ۋاقىت كۇش سالدى، جۇڭگو مۇنى ايرىقشا القايدى. مەن جۇڭگو-ۋگاندا قاتىناسىن دامىتۋعا وسكەلەڭ ءمان بەرەمىن، مۋسەۆەني زۇڭتۇڭمەن بىرگە قۇلشىنىپ، ساياسي ءوزارا سەنىمدىلىكتى تەرەڭدەتىپ، ءداستۇرلى دوستىقتى جالعاستىرىپ، جۇڭگو-افريكا سەلبەستىك تالقىسىنىڭ بەيجيڭ باسشىلار ءماجىلىسىنىڭ جەتىستىكتەرىن ويداعىداي تياناقتاندىرىپ، جۇڭگو مەن ۋگاندانىڭ جالپى بەتتىك ستراتەگيالىق سەلبەستىك-سەرىكتەستىك قاتىناسىنىڭ ىشكەرىلەي دامۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.