ءوز حابارىمىز. بۇكىل ارمياداعى جوعارى دارەجەلى كادرلاردى تاربيەلەۋ كۋرسى 4-ايدىڭ 8-كۇنى تۇستەن بۇرىن مەملەكەت قورعانىسى داشۋەسىندە باستالدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىنا قاتىناستى ءارى ماڭىزدى ءسوز سويلەدى. ول مىنالاردى باسا دارىپتەدى: جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، يدەيالىق ستيل دۇرىستاۋدى ورىستەتىپ، ساياسي رەتتەۋ-جاتتىعۋدى تەرەڭدەتىپ، ارميامىزدىڭ كادرلار قوسىنىنىڭ توڭكەرىستىك شىڭدالۋىن كۇشەيتىپ، حالىق ارمياسىنىڭ كىرشىكسىزدىگىن، داڭقىن باستان-اياق ساقتاپ، ارميا قۇرىلعاندىعىنىڭ 100 جىلدىعىن شىت جاڭا ساياسي بەينەمەن قارسى الۋ كەرەك.

شي جينپيڭ مىنالاردى اتاپ كورسەتتى: پارتيامىز بەن ارميامىز مۇرات-سەنىم ارقىلى ۇيىسقان، وسى پارتياعا، وسى ارمياعا كىرۋدە ماركسيزمگە شىن سەنۋ، پارتيانىڭ سەنىمىنە، پارتيا ۇيىمىنا، پارتيا ىستەرىنە ادال بولۋ كەرەك. پارتيانىڭ جاڭالىق جاراتۋ نازارياسىن مۇقيات ۇيرەنىپ، وعان سىڭىرىلگەن ماركستىك مايدان، كوزقاراس، ادىستەردى يگەرىپ، نازاريالىق جاقتاعى سەرگەكتىك ارقىلى ساياسي جاقتاعى تاباندىلىققا كەپىلدىك ەتۋ كەرەك.ارمياداعى باسشى كادرلار، اسىرەسە، جوعارى دارەجەلى كادرلار پارتيا ىشىندەگى ساياسي تۇرمىستى باستاماشىلدىقپەن قاتايتىپ، شىن سويلەۋدىڭ ۇلگىسى بولىپ، كەڭ پەيىل بولىپ، ناقتى جاعدايدى ايتۋ، اقىل-كەڭەس بەرۋ، باتىلدىقپەن كۇرەس جۇرگىزۋ سىندى قويۋ راي قالىپتاستىرۋ كەرەك.

شي جينپيڭ مىنالاردى باسا دارىپتەدى: پارتيامىز باستان-اياق ەڭ قالىڭ حالىقتىڭ ءتۇبىرلى مۇددەسىنە ۋاكىلدىك ەتەتىن ماركستىك ساياسي پارتيا، ءوزىنىڭ ەشقانداي ەرەكشە مۇددەسى جوق، ءارقانداي باس پايداعا سالىناتىن شىرىكتەسۋ يدەياسى مەن ارەكەتى پارتيانىڭ سيپاتى، ماقساتىمەن وتاسپايدى. ارمياداعى ءار دارەجەلى كادرلار وزدەرىن سانالى تۇردە دۇرىس ورىنعا قويىپ، بۇقارالىق مايداندا بەرىك تۇرىپ، بۇقارادان قول ۇزەتىن جەكە باسىن كۇيتتەيتىن بارلىق يدەيادان ارىلۋى كەرەك. جوعارى دارەجەلى كادرلار پارتيامىز بەن ارميامىزدىڭ تاڭداۋلى ءداستۇرىن باستاماشىلدىقپەن قالپىنا كەلتىرىپ جانە ساۋلەلەندىرىپ، ۇلىقسىنۋدان اۋلاق بولىپ، توڭكەرىستىك اسكەريلەردىڭ قاسيەتىنە قايتا ورالىپ، جاڭا ستيل، دۇرىس سالتتىڭ اسكەري بولىمدەردە اناعۇرلىم تولىسۋىنا مۇمكىندىك جاساۋ كەرەك. زاڭ-ءتارتىپتى ءبىلۋ، قاعيدانى تۇسىنۋ، يمەنە ءبىلۋ ءتيىس، زاڭ-ەرەجە ءتۇزىمى الدىندا بارلىق ادامنىڭ تەرەزەسى تەڭ بولۋ، زاڭ-ەرەجە تۇزىمىنە بويسۇنۋدا ەرەكشە بولماۋ، زاڭ-ەرەجە ءتۇزىمىن اتقارۋدا ەرەكشەلەنبەۋ كەرەك.

شي جينپيڭ مىنالاردى اتاپ كورسەتتى: پارتيامىز بەن ارميامىز ءتۇرلى قاتە يدەيالىق ستيلدەرگە قارسى كۇرەس بارىسىندا ۇزدىكسىز دامىپ، زورايدى. جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، حالىق ارمياسىنىڭ، ءسوز جوق، جاڭا تاريحي شارت-جاعدايدا بۇرىن بولىپ كورىلمەگەن دارەجەدە ىنتىماقتاسىپ، بىرلىككە كەلىپ، توڭكەرىستىك اعا بۋىندارعا، 100 جىلدىق نەگىزگە، ۇلى داۋىرگە لايىق ارميانى قۇدىرەتتەندىرۋدىڭ، ارميانى كوركەيتۋدىڭ تىڭ داستانىن جازاتىندىعىنا سەنەمىن.

ورتالىق اسكەري ىستەر كوميتەتىنىڭ ورىنباسار ءتوراعاسى جاڭ شىڭمين وقۋ باستاۋ سالتىن باسقاردى. بۇكىل ارميانىڭ 1-كەزەكتى جوعارى دارەجەلى كادرلار كۋرسىنىڭ كۋرسانتتارى، اسكەري ىستەر كوميتەتى ورگانىنداعى تاراۋلاردىڭ، ارميانىڭ بەيجيڭدە تۇراتىن قاتىستى ورىندارىنىڭ نەگىزگى جاۋاپتى جولداستارى قاتارلىلار قاتىناستى. وقۋ باستاۋ سالتى تەلەۆيزور-تەلەفون ءماجىلىسى فورماسىندا ۇيىمداستىرىلىپ، بۇكىل ارمياداعى قاتىستى جۇن دارەجەلىدەن جوعارى ورىنداردا بولىمشە ءماجىلىس الاڭى قۇرىلدى.