ينفورماتسيا اشكەرەلەۋ: mzjubao@cnr.cn

ۋنيۆەرسال

دالا سەرۋەنىندە نەلەرگە كوڭىل ءبولۋ كەرەك

来源:جۇڭگو قازاق راديو تورابى     |责编:阿依娜古丽|     发布日期: 2020-05-22 15:38

 
    اۋدارعان سەرىك يمانقان ۇلى


    جادىراپ جاز ايى كەلىسىمەن، كوپتەگەن ادامدار قالا ماڭىندا سەيىلدەۋ جوسپارىن جاساۋعا قارمانادى، وسىعان سايكەس بىزدە كوپشىلىككە ءبىر ازىق-تۇلىك باعدارلاماسىن دايىنداپ بەردىك.


    نەنى اۋجال قىلۋ


    ءبىرىنشى، سۋ. وسى كەزدە اۋا رايى وتە قۇرعاق، جەل كوپ سوعادى دا، ادام دەنەسىندەگى سۋ قۇرامىنىڭ زايا بولۋىن تەزدەتەدى، سوندىقتان سۋ دالا سەرۋەنىندە كەم بولسا بولمايتىن قاجەتتى نارسە. ەگەردە تاۋعا شىعۋ سياقتى دەنە قۋاتىن سارىپ ەتەتىن قيمىلدار وتكىزبەكشى بولساڭىز، ەنەرگيا ءتيپتى سۋسىندىق نەمەسە بەلوك قۇرامى مول ءسۇت ونىمدەرىن الا ءجۇرۋدى ۇمىتپاڭىز، ول ءسىزدىڭ دەنەڭىزدەگى سۋ قۇرامىن تولىقتاۋمەن بىرگە قانداعى قانىتتى ساقتاۋڭىزعا سەپتىگىن تيگىزەدى.


    ەكىنشى، جەمىس. ساياحاتتاپ شىققاندا شارت-جاعدايدىڭ شەكتەمەسىنە ۇشىراۋ سەبەبىنەن كوپتەگەن ادامداردىڭ ازىق-تۇلىك قۇرامىنداعى كوكونىستەردى قابىلداۋ مولشەرى بارىنشا ازايادى، ال جەمستەردە مول ۆيتامين c، كالي قاتارلى ەلەمەنتتەر كوكونىستەردىڭ قابىلدانۋىنىڭ ازايۋىنان بولاتىن قورەكتىكتىڭ كەمدىگىن تولىقتايدى.


    ءۇشىنشى، بەلوك قۇرامى مول ازىق-تۇلىكتەر. جۇمىرتقا، سيىر ەتى، بالىق ەتى سياقتى بەلوك قۇرامى مول تاعامدار. بۇل تاعامدار ءبىرى قارىن تويعىزادى، ەندى بىردە ادام دەنەسىنە قاجەتتى قورەكتىكتەردى تولىقتايدى.


    ءتورتىنشى، نەگىزگى اس. دالا سەرۋەنىندە ويىنعا بىردەن قۇمارتقاندا، دەنە قۋاتىنىڭ سارىپ بولۋى دا بارىنشا ارتادى. دەنە قۋاتىن ساقتاۋ ءۇشىن نەگىزگى تاعامداردى تويىپ جەۋدەن تىس بۋنان، كەسپە كوجە سياقتى جۇمساق، وڭاي قورىتىلاتىن تاعامداردى دا تاڭداپ تۇتىنۋ كەرەك.


    دالا سەرۋەنىندە نەلەرگە كوڭىل ءبولۋ كەرەك


    ەڭ اۋەلى، قازىر ءالى دە جۇقپالى اۋرۋ تارالعان مەزگىلدە تۇر، حاۋىپسىزدىك قورعانۋ شارالارىن، ءسوزجوق، ويداعىداي ىستەۋ كەرەك. ماسكى تاعۋ، ادامدار ءجيى قوىنستانعان رايونداردان اۋلاق بولۋ سياقتىلاردان سىرت، تاماقتانۋدان بۇرىن، ءسوزجوق، قولدى تازا ۇستاۋىمىز قاجەت. ەگەر شارت-جاعداي بولسا، قول جۋاتىن سۇيىقتىقتى نەمەسە سابىن ىستەتىپ، جەتى باسقىش قول جۋۋ ءادىسى بويىنشا قولدى ادا- كۇدە جۋىپ-تازالاۋ كەرەك. ەگەر جاعداي جار بەرمەگەن احۋال استىندا، قولدى دەزينفەكسيالاۋ سۇيىقتىعىن الا جۇرىپ تاماقتانۋدان بۇرىن ىستەتۋگە بولادى.


    ونان قالسا، دالاداعى جابايى الما سياقتى جەمىس-جيدەكتەردى بەتالدى تۇتىنۋعا بولمايدى، بۇنىڭ زاردابى جەڭىل بولسا اۋرۋحاناعا جاتادى، اۋىر بولسا ومىرگە حاۋىپ توندىرەدى.


    ەڭ سوڭىندا، وڭاي بۇزىلاتىن تاعامداردى الۋعا بولمايدى. مىسالى، پىسقان ەت، كىلەگەي، گامبۋرگ قاتارلى تاعامدار، ساياحات بارىسىندا كۇننىڭ قاپىرىق ىستىعىنان تاعامدار وڭاي بۇزىلاتىن بولادى، ەگەر اسقازان- ىشەك جولىندا اقاۋ بولسا، اس قورىتۋى ناشارلاۋ نەمەسە قۇسۋعا اپارىپ سوعادى.

中央广播电视总台 央广网 版权所有

دالا سەرۋەنىندە نەلەرگە كوڭىل ءبولۋ كەرەك

جادىراپ جاز ايى كەلىسىمەن، كوپتەگەن ادامدار قالا ماڭىندا سەيىلدەۋ جوسپارىن جاساۋعا قارمانادى، وسىعان سايكەس بىزدە كوپشىلىككە ءبىر ازىق- تۇلىك باعدارلاماسىن دايىنداپ بەردىك.