ينفورماتسيا اشكەرەلەۋ: mzjubao@cnr.cn

ۋنيۆەرسال

جاياۋ ءجۇرۋ راك اۋرۋىنىڭ الدىن الادى

来源:تارباعاتاي گازەتى اۋدارما-رەداكسيا ءبولىمى     |责编:达吾力别克 |     发布日期: 2022-07-06 15:15
جاياۋ ءجۇرۋدىڭ دە پايداسى زور ەكەندىگىن بىلەسىز بە؟ بەيجيڭ دەنە تاربيە ۋنيۆەرسيتەتىنىڭ پروفەسسورى لۋ يفان ۇزاق ۋاقىت، ريتىمدى، سالىستىرمالى تۇردە ءبىرشاما تەز  ءجۇرۋدىڭ دەنساۋلىققا پايدالى ەكەندىگىن تومەندەگى بىرنەشە جاقتان ءتۇسىندىردى: جىلۋدى سارىپ ەتۋ ارقىلى دەنە سالماعىن مەڭگەرۋگە ءتيىمدى؛ اياق ۆەناسىنىڭ قان اينالىسىن جاقسارتىپ، جۇرەكتى قورعايدى؛ دەنەنىڭ سايكەسىمدىلىك قۋاتى مەن تەپە-تەڭدىكتى ساقتاۋ قۋاتىن ارتتىرىپ، قارتايۋدىڭ الدىن الادى؛ بۇلشىق ەت پەن سۇيەكتى ارەكەتكە كەلتىرىپ،   قان تامىردى ىركىلىسسىزدەندىرەدى؛ جۇرەك پەن وكپەنىڭ قىزمەتىن كۇشەيتىپ، قان اينالىسىن جاقسارتادى؛ شارشاعان ۇلكەن ميدى دەمالدىرىپ، رۋحتى سەرپىلتەدى. 
 
بەيجيڭ دەنە تاربيە ۋنيۆەرسيتەتى بيوحيميا زەرتتەۋ كەڭسەسىنىڭ مەڭگەرۋشىسى ساۋ جيانميڭ دۇرىس ءجۇرۋ بارىسندا دەنەدەگى 13 بۇلشىق ەت شوعىرى ءبىر ۋاقىتتا قيمىلداپ، دەنە قۋاتىن ارتتىرۋمەن بىرگە، يممۋنيتەتتىك قۋاتىن جوعارىلاتاتىندىعىن، بارىنەن دە ماڭىزدىسى، جاياۋ ءجۇرۋدىڭ ەڭ حاۋىپسىز سپورت ءتۇرى ەكەندىگىن، ۇلكەندەر مەن بالالاردىڭ بارلىعىنا ۇيلەسەتىندىگىن ايتتى.
 
جاياۋ ءجۇرۋدىڭ راك اۋرۋىنىڭ  الدىن الۋ ونىمدىلىگى كورنەكتى 
 
«جاياۋ ءجۇرۋ-راك اۋرۋىن ەمدەۋدەگى ءونىمدى ءدارى » تانىمىن ورتاعا قويعان ۇلى بريتانيانىڭ قايىر-ساحابات ۇيىمى سەرۋەندەۋشىلەر قوعامى مەن ماكميلان راك اۋرۋىنا شالدىققاندارعا كومەك بەرۋ ۇيىمى بىرلىكتە مالىمدەمە جاريالاپ، ءار كۇنى 20 مينۋت  ىشىندە 1.6 كيلومەتر جول ءجۇرۋ ومىراۋ راگى، قۋىق ءتۇبى بەزى راگى، ىشەك راگى سياقتىلاردى ەمدەۋدە ءونىمى كورنەكتى   بولىپ، ەڭ جوعارى بولعاندا ناۋقاس سەبەبىنەن ءولۋ سالىستىرماسىن 50 پايىز تومەندەتەتىندىگىن اتاپ كورسەتتى. 
وسى تۇردەگى زەرتتەۋدىڭ جاۋاپتىسى   بەنەديكت سوسۋس ۇلى بريتانيا ۇكىمەتىنىڭ ەرەسەكتەردىڭ اپتاسىنا 150 مينۋت جاياۋ   ءجۇرۋىن ۇسىنىس ەتكەندىگىن، الايدا، تىم از ساندى ادامدار عانا ورىنداي العاندىعىن، سونىمەن ول شيپاگەرلەردىڭ جاياۋ ءجۇرۋدى رەتسەپكە ەنگىزىپ، ءتىپتى دە كوپ راك اۋرۋىنا شالدىققاندار مەن دەنساۋلىعى ناشار  ادامداردىڭ دەنساۋلىعىن قالپىنا كەلتىرۋىنە  كومەكتەسۋىن ءۇمىت ەتكەن. 
 
ومىراۋ راگىنىڭ الدىن الادى. فرانسيانىڭ 4 ميلليون ايەلگە جۇرگىزگەن ءبىر رەتكى تەكسەرۋىندە، ءارقانداي جاستاعى ايەلدەردىڭ كۇنىنە ءبىر ساعات جاياۋ ءجۇرۋى ومىراۋ راگىنا شالدىعۋ سالىستىرماسىن 12 پايىز تومەندەتەتىندىگى دالەلدەنگەن. تاعى ءبىر تۇردەگى تەكسەرۋ ناتيجەسىنە نەگىزدەلگەندە، اپتاسىنا 7 ساعات سەيىلدەيتىن ايەلدەردىڭ اپتاسىنا 3 ساعات سەيىلدەيتىن ايەلدەرگە قاراعاندا، ومىراۋ راگىنا شالدىعۋ سالىستىرماسى 14 پايىز تومەن بولادى ەكەن. 
 
ىشەك راگىنا شالدىعۋ حاۋپىن تومەندەتەدى. ا ق ش حارۆارد ۋنيۆەرسيتەتى الەۋمەتتىك دەنساۋلىق ساقتاۋ ينستيتۋتىنىڭ 70 مىڭ ادامعا جۇرگىزگەن تەكسەرۋىنە نەگىزدەلگەندە، ءار كۇنى ءبىر ساعات جاياۋ جۇرگەندە ىشەك راگىنا شالدىعۋ حاۋپىنىڭ تەڭ جارتىسىن جوعالتۋعا بولادى ەكەن. ماماندار بۇل جاياۋ ءجۇرۋدىڭ قارسىلىق قۋاتتى ارتتىرۋىمەن قاتىستى بولۋى مۇمكىن دەپ قاراۋدا. 
 
ۇيقى بەزى راگىنا شالدىعۋدىڭ الدىن الادى.  ا ق ش – تىڭ « وقىرمان ورەسى » جۋرنالىندا جاريالانعان ءبىر رەتكى زەرتتەۋ ماقالاسىندا ءار كۇنى تاماقتان كەيىن 30 مينۋت سەيىلدەۋدىڭ ۇيقى بەزى راگىنا شالدىعۋ   حاۋپىن 50 پايىز تومەندەتەتىندىگى ايتىلعان. زەرتتەرمەندەر ۇيقى بەزى راگى كوبىنەسە جىلۋدىڭ ارتىپ كەتۋىمەن قاتىستى ەكەندىگىن، ال جاياۋ ءجۇرۋ كوپ مولشەردەگى جىلۋدى سارىپ ەتەتىندىگىن اتاپ كورسەتتى. 
 
قۋىق ءتۇبى بەزى راگىنىڭ الدىن الادى.\  ا ق ش كاليفورنيا ۋنيۆەرسيتەتى قۋىق ءتۇبى بەزى راگىنا شالدىققان ءبىر مىڭ 455 ناۋقاسقا ۇزاق ۋاقىت تەكسەرۋ جۇرگىزۋ ارقىلى جىلدام ءجۇرۋدىڭ قۋىق ءتۇبى بەزى راگىنىڭ اسقىنۋىنىڭ الدىن الاتىندىعىن، اپتاسىنا 3 ساعات جىلدام جۇرگەندە راك اۋرۋىنىڭ اسقىنۋ    سالىستىرماسى ارەكەت جاساماعاندارعا قاراعاندا 57 پايىز تومەن بولاتىندىعىن، مۇنداعى سەبەپ، جاياۋ ءجۇرۋ ىشكى سەكراتسيانى جاقسارتىپ، گورموندى تەڭشەيتىندىگىن بايقاعان. 
ۇلى بريتانيانىڭ لابراۋ ۋنيۆەرسيتەتى زەرتتەۋ جۇرگىزۋ ارقىلى ءار كۇنى جىلدام ءجۇرۋ ارقىلى دەنەنىڭ قارسىلىق قۋاتىن   جوعارىلاتىپ، تۇماۋعا شالدىعۋ سالىستىرماسىن 30 پايىز تومەندەتەتىندىگىن؛ جۇگىرۋمەن سالىستىرعاندا ءجۇرۋدىڭ بۋىندارعا بولعان زاردابى تومەن بولىپ، بۋىن قۋاتى السىرەۋىنىڭ الدىن الاتىندىعىن؛ ءار كۇنى جىلدام    ءجۇرۋدى تاباندىلىقپەن جالعاستىرۋدىڭ قانتتى نەسەپ اۋرۋى، تىنىس الۋ جۇيەسى اۋرۋى، جۇرەك-مي قان تامىر اۋرۋى جانە تانۋ قۋاتى كەدەرگىگە ۇشىراۋ سياقتى ناۋقاستاردان    ءونىمدى ساقتانۋعا بولاتىندىعىن دالەلدەدى. 
 
دۇرىس جۇرە بىلسەڭىز، ءونىمى ءتىپتى دە جوعارى بولادى 
 
جاياۋ ءجۇرۋدىڭ پايداسى ەرەكشە كوپ، الايدا، ناقتىلى ونىمدىلىككە قول جەتكىزۋ ءۇشىن، تومەندەگى تۇيىندەرگە كوڭىل ءبولۋ كەرەك. 
 
دەنەنى تىم بوس ۇستاۋعا بولمايدى 
 
دۇرىس ءجۇرۋ ءادىسى باستى كوتەرىپ، كەۋدەنى كەرىپ، الدىعا ءتۇزۋ قاراپ، قول-اياقتى تابيعي تۇزۋ سەرمەۋ؛ قۇرساقتى تارتىپ، دەنەنىڭ سالماعىن ءسال الدىعا     ءتۇسىرۋ؛ قول مەن اياقتىڭ ارەكەتى ءوزارا سايكەسىمدى، ادىمنىڭ ارالىعى قالىپتى، اياق الىس ريتىمدى بولۋى كەرەك. 
 
سەكۋندىنا ەكى ادىم ىلگەرىلەۋ 
 
شي-ان دەنە تاربيە ينستيتۋتى سپورت مەديتسينا عىلىمىن زەرتتەۋ كەڭسەسىنىڭ ورىنباسار پروفەسسورى گوۋ بو ءار رەت جىلدام جۇرگەندە 40 تا 60 مينۋت جالعاستىرۋعا  كەپىلدىك ەتۋ كەرەك. كوپتەگەن ەلدىڭ ءار كۇنى كەمىندە 6 مىڭ دا 10 مىڭ ادىم جاياۋ ءجۇرۋدى دارىپتەۋىنىڭ ءوزى دەنە شىنىقتىرۋ ۋاقىتىن ولشەمدەستىرۋ بولىپ، شامامەن سەكۋندىنا 2 ادىمنان تۋرا كەلەتىندىگىن ايتتى. 
 
دەنە شىنىقتىرۋعا العاش ات سالىسقاندار باستابىندا اۋەلى جارىم ساعات ءجۇرىپ، بىرتىندەپ ۋاقىتىن ۇزارتقانى ءجون. تەز جۇرگەندە جۇرەكتىڭ سوعۋ جيىلىگى مينۋتىنا 120 دا 140 رەت اينالاسىندا بولىپ، دەنەدەن ءسال تەر شىقسا بولعانى. دەنساۋلىعى ءبىرشاما جاقسى ورتا جاستاعىلار مەن قارتتار تەز ءجۇرۋ ارقىلى تەر شىعارۋ ونىمدىلىگىنە جەتە الماۋى مۇمكىن، مۇنداي جاعدايدا قوسىمشا باياۋ جۇگىرۋ ارقىلى ءجۇرۋ مەن جۇگىرۋدى ءوزارا ۇشتاستىرىپ، دەنە شىنىقتىرۋ ونىمدىلىگىنە قول جەتكىزۋگە بولادى. 

تۇستەن كەيىنگى ساعات 4 تەن كەيىن جۇرگەن جاقسى 
 
كوپ ادام تاڭەرتەڭ دەنە شىنىقتىرۋدى   ۇناتادى، الايدا، لۋ يفان تاڭەرتەڭ اۋانىڭ دىمقىلدىعى كۇشتى بولىپ، لاس زاتتاردىڭ سيرەپ جوعالۋىنا ءتيىمسىز بولعاندىقتان،    اۋانىڭ ساپاسى جاقسى بولمايدى. جۇرەك-مي قان تامىر اۋرۋى بارلار تاڭەرتەڭ دەنە شىنىقتىرسا، ناۋقاسىن قايتا قوزدىرۋى مۇمكىن دەپ قارادى. 
 
تۇستەن كەيىنگى ساعات 4 تەن كەيىن جانە كەشكى ۋاقىت دەنە شىنىقتىرۋدىڭ تاپتىرماس كەزەڭى بولىپ، بۇل كەزدە بۋىن يكەمدى بولىپ، دەنە قۋاتى مەن قول-اياقتىڭ سايكەسىمدىلىگى ەڭ جاقسى، جۇرەك سوعۋ مەن قان قىسمى ءبىرشاما تۇراقتى بولادى. مۇندا ەسكەرۋگە ءتيىستىسى، كەشكى استان كەيىن جۇرۋگە تۋرا كەلگەندە تاماقتانعاننان جارىم ساعاتتان كەيىن نەمەسە ۇيىقتاۋدان ەكى ساعات بۇرىن بولعانى ابزال. 
 
جۇرەتىن جول تەگىس، اۋا تازا بولۋ 
 
بەيجيڭ دەنە تاربيە ۋنيۆەرسيتەتى وقۋ-  اعارتۋ ينستيتۋتىنىڭ ورىنباسار پروفەسسورى   ۋ ۋىنچياڭ تاس جول شەتىندە ءجۇرۋ ۇيلەسىمدى بولمايتىندىعىن، ويتكەنى تاس جولدا اۆتوكولىك كوپ بولعاندىقتان، اۋاسى دا تازا بولمايتىندىعىن، ونىڭ ۇستىنە اسفالت جول تىم قاتتى بولعاندىقتان، تىزە مەن توبىققا بولعان قىسىم كۇشى دە جوعارى بولاتىندىعىن باسا دارىپتەدى. 
 
بۇعان قاراعاندا توپىراق جول نەمەسە    پلاستماسسالى دەنە تاربيە الاڭىندا جۇرگەن جاقسى. سونىمەن بىرگە، جاياۋ جۇرگەندە قۇرىلىس جۇرگىزگەن ورىنداردان الىس ءجۇرۋ نەمەسە ورتاسى كۇردەلى بولعان جولدا جۇرۋگە بولمايدى. بەيجيڭ انجىن شيپاحاناسىنىڭ   جۇرەك ىشكى اۋرۋلار ءبولىمىنىڭ مەڭگەرۋشىسى ما چاڭشىڭ باقشا سياقتى اۋا ساپاسى جاقسى ورىنداردا ءجۇرۋدى ۇسىنىس ەتەدى، بىلاي ىستەۋ تىنىس جولى جۇيەسىن قورعاۋعا پايدالى ەكەن. 
 
جايلى اياق كيىم كيىپ، دايىندىق ارەكەتىن تولىق ىستەۋ 
 
دايىندىق قىزمەتى دە بارىنشا ماڭىزدى، اياققا جايلى، تابانى جۇمساق اياق كيىم جول ءجۇرۋ بارىسىنداعى تابانعا تۇسەتىن قىسىمدى جەڭىلدەتەدى ءارى توبىقتىڭ زاقىمدالۋىنان ساقتايدى؛ كەڭ دە جانعا جايلى سپورت كيىمى مەن اۋا وتكىزگىشتىگى جاقسى بايپاق ءسىزدىڭ دەنە شىنىقتىرۋىڭىزعا ءتىپتى دە قولايلىلىق جاراتادى؛ ءبىر قۇمىرا سۋ الا جۇرسەڭىز، قالاعان ۋاقىتتا سۋ ءىشىپ، دەنەدەگى سۋدى تولىقتاۋعا پايدالى؛ قانتتى نەسەپ اۋرۋىنا شالدىققاندار قانت الا ءجۇرىپ، قانداعى قانت قۇرامىنىڭ تومەندەپ كەتۋىنەن ساقتانعانى ءجون. 
 
دەنە شىنىقتىرۋ بارىسىندا جارالانىپ قالۋدان ساقتانۋ ءۇشىن، جۇرۋدەن بۇرىن قول –   اياقتى جازىپ، دەنە قىزدىرۋ ارەكەتىن جاساپ، ءسىڭىر تارتىلىپ قالۋ سياقتى ويلاماعان جاعدايلاردىڭ تۋىلۋىنان ساقتانعان ءجون. 
 
اۋدارعان: احات سانياز ۇلى
 
 
 
 

中央广播电视总台 央广网 版权所有

جاياۋ ءجۇرۋ راك اۋرۋىنىڭ الدىن الادى

جاياۋ ءجۇرۋدىڭ دە پايداسى زور ەكەندىگىن بىلەسىز بە؟ بەيجيڭ دەنە تاربيە ۋنيۆەرسيتەتىنىڭ پروفەسسورى لۋ يفان ۇزاق ۋاقىت، ريتىمدى، سالىستىرمالى تۇردە ءبىرشاما تەز ءجۇرۋدىڭ دەنساۋلىققا پايدالى ەكەندىگىن تومەندەگى بىرنەشە جاقتان ءتۇسىندىردى: