الدىن الۋ شارالارى

    باقايىن جۋۋ

    توتيايىن، فورمالدەگيت ەرىتىندىسىمەن ايىر باقايدى جۋۋ ءادىسى ادەتتە كوپ قولدانىلادى.

 
    كەزەكتە ايىر باقاي بولعان سىيىردىڭ سىيراعىن بۇركىپ جۋۋ جۇيەسىنەن پايدالانىپ جۋۋداي جاڭاشا ەمدەۋ ءادىسى قولدانىلۋدا.

    جەم- ءشوبىن تەڭشەپ بەرۋ

    مۇندا سيىرلاردىڭ كۇندەلىكتى جەم-شوبىنە لايىقتى مولشەردە ۆيتامين مەن مينەرال ەلەمەنتتەردى قوسىپ بەرۋ ءتيىس.

    تۇياقتاۋ بەلگىلى مەرزىم ىشىندە سىيىرلاردىڭ ءوسىپ كەتكەن تۇياعىن الىپ، تابانىنىڭ اقاۋسىز بولۋىنا كەپىلدىك ەتۋ، مۇندا ساۋىن سىيىرلار سۋالاردان بۇرىن ءبىر رەت، تولدەگەننەن كەيىنگى 150—180 كۇندە ءبىر رەت تۇياعىن مايدالاپ الىپ تاستاۋ، سونىمەن بىرگە وسى بارىستا تابانىندا، باقايشىق اراسىندا اۋرۋ بەلگىسى بار جوقتىعىن قاداعالاۋ قاجەت.

    اتالىق مالداردى جاقسى تالداۋ سىيىرلاردا بولاتىن سارىپ ىندەتى تۇقىم قۋالاۋمەن بەلگىلى قاتناستا بولاتىندىقتان، تۇياعى اقاۋسىز، سارىپ ىندەتىنە شالدىقپاعان اتالىقتاردى تالداعان ءجون.

    ەمدەۋ شارالارى

    ىندەتكە شالدىققان جەرىنىڭ ءجۇنىن قىرقىپ تاستاپ، سابىندى سۋ نەمەسە بروماگرامين ەرىتىندىسىمەن جۋۋ.

    1. ىندەت بايقالعان باستاپقى مەزگىلدە جاراقاتتىڭ بازدانىپ كەتۋىنەن ساقتاپ، قارا قوتىرلانۋىن تەزدەتىپ، باسقا جەرلەرىنە جايىلىپ كەتۋىنىڭ، الدىن الاتىن دارىلەردى ىستەتۋ؛ مۇندا گەنتسيان ۆيولەت（龙胆素）، 1% تىك مارگانسوپ قويمالجىڭىن جاعۋ، جاڭاداب تۇسكەن جاراقاتقا يود تۇنباسىن جاعىپ تاڭىپ قويۋ قاجەت.

    2. ەگەردە ىرىڭدەپ كەتكەن بولسا، %3 تىك سۋتەگى اسقىن توتىعى نەمەسە %1 تىك مارگانسوپ، بروماگرامين ەرىتىندىسىمەن ابدەن تازالاپ جۋعاننان كەيىن، بازدانعان ۇلپالار مەن ىرىڭنەن بولعان بولىندىلەردى الىپ تاستاپ، وسى ورىنعا ەت جەتىلدىرەتىن سىقپا ءدارى جاعىپ، يود تۇنباسىنا شىلانعان داكىمەن وراپ تاڭىپ قويۋ قاجەت.

    3. ەگەردە جاراقات تۇسكەن ورىننىڭ ۇلپالارى بازدانىپ ىرىڭدەپ كەتسە، وسپە پايدا بولسا، الدىمەن بازدانعان ىرىڭدەرمەن وسپەلەردى قارىپ الىپ تاستاعاننان كەيىن، مارگانسوپ ۇنتاعى نەمەسە %10 تىك توتىيايىنمەن دارىلەۋ ؛ جاراقات ورنىن قىرعاندا قان اعىپ توقتاماسا، قارۋ ارقىلى قانىن توقتاتۋ قاجەت.