ينفورماتسيا اشكەرەلەۋ: mzjubao@cnr.cn

ۋنيۆەرسال

ۇيلەنۋدەن اجىراسۋدىڭ شارتتارى جونىندە

来源:جۇڭگو قازاق راديو تورابى     |责编:达吾力别克 |     发布日期: 2023-02-21 09:16
جالىن يماتاي ۇلى 
 
 قازىر حالىق سوت مەكەمەلەرىنىڭ دەلو تۇرعىزىپ قابىلداپ جاتقان دەلولارىنىڭ ىشىندە ۇيلەنۋدەن اجىراسۋ داۋ-شارىنىڭ ۇستايتىن سالىستىرماسى دا بىرشاما جوعارى ساندى يەلەپ كەلۋدە. ونداي بولسا ۇيلەنۋدەن اجىراسۋدىڭ شارتتارى جونىندە قاتستى زاڭداردىڭ تارماقتارىنا ۇڭىلىپ كورەلىك. 
 
«جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 1079-تارماعىندا بىلاي دەپ بەلگىلەنگەن: ەرلى-زايىپتىلاردىڭ ءبىر جاعى اجىراسۋدى تالاپ ەتسە، قاتستى ۇيىمداردىڭ جاراستىرۋىنا نەمەسە حالىق سوت مەكەمەسىنە اجىراسۋ جونىندە تىكەلەي ارىز-شاعىم بەرۋىنە بولادى. حالىق سوت مەكەمەسى اجىراسۋ دەلوسىن قاراعاندا، جاراستىرۋى كەرەك؛ ەگەر شىنىندا ءبىر-بىرىنەن سۋىنىپ، جاراستىرۋدان ناتيجە شىقپاسا، اجىراسۋعا رۇقسات ەتۋى كەرەك.
 
مىناداي جايتتەردىڭ ءبىرى كورىلىپ، جاراستىرۋدان ناتيجە شىقپاسا، اجىراسۋعا رۇقسات ەتۋى كەرەك.
 
 1) ۇيلەنۋ ۇستىنە ۇيلەنسە نەمەسە باسقالارمەن بىرگە تۇرسا؛
 
 2) وتباسىلىق زورەكەرلىك ىستەسە نەمەسە وتباسى مۇشەلەرىن جابىرلەسە، تاستاندى ەتسە؛
 
 3) قۇمار ويناۋ، ەسىرتكى تۇتىنۋ سياقتى جامان ادەتتەرىن قويماسا؛
 
 4) ارالارى سۋىنىپ بولەك تۇرعانىنا ەكى جىل تولسا؛
 
 5) ەرلى-زايىپتىلاردىڭ ءبىر-بىرىنەن سۋىنۋىنا سەبەپ بولعان باسقادا جايتتەر. 
 
ءبىر جاعى حابار-وشارسىز كەتتى دەپ جاريالانىپ، ەندى ءبىر جاعى اجىراسۋ ارىز-شاعىمىن بەرسە، اجىراسۋعا رۇقسات ەتۋى كەرەك. حالىق سوت مەكەمەسى اجىراسۋعا رۇقسات ەتپەۋ ۇكىمىن شىعارعاننان كەيىن، ەكى جاق تاعى دا ءبىر جىل بولەك تۇرىپ، ءبىر جاعى تاعى دا اجىراسۋ ارىز-شاعىمىن بەرسە، اجىراسۋعا رۇقسات ەتۋى كەرەك. جانە وسى زاڭنىڭ 1081-تارماعىندا، مىندەتتەگى اسكەري ادامنىڭ جۇبايى اجىراسۋدى تالاپ ەتسە، اسكەري ادامنىڭ ماقۇلداۋىن الۋى كەرەك. بىراق اسكەري ادام جاقتا اۋىر قاتەلىك بولعاندارى بۇعان كىرمەيدى. ال 1082-تارماعىندا، ايەلى جۇكتى كەزىندە، بوسانعاننان كەيىن ءبىر جىل ىشىندە نەمەسە بالا الدىرعاننان كەيىنگى التى اي ىشىندە كۇيەۋىنىڭ اجىراسۋدى تالاپ ەتۋىنە بولمايدى؛ ءبىراق ايەلىنىڭ اجىراسۋدى ءوزى تالاپ ەتۋى نەمەسە حالىق سوت مەكەمەسى كۇيەۋىنىڭ اجىراسۋ ءوتىنىشىن قابىلداۋ شىنىندا قاجەتتى دەپ قاراعاندارى بۇعان كىرمەيدى دەپ بەلگىلەنگەن. 
 
 
 قىزمەت ورنى: جەمەنەي اۋداندىق حالىق سوت مەكەمەسى 
 
 

中央广播电视总台 央广网 版权所有

ۇيلەنۋدەن اجىراسۋدىڭ شارتتارى جونىندە

قازىر حالىق سوت مەكەمەلەرىنىڭ دەلو تۇرعىزىپ قابىلداپ جاتقان دەلولارىنىڭ ىشىندە ۇيلەنۋدەن اجىراسۋ داۋ-شارىنىڭ ۇستايتىن سالىستىرماسى دا بىرشاما جوعارى ساندى يەلەپ كەلۋدە