ينفورماتسيا اشكەرەلەۋ: mzjubao@cnr.cn

ۋنيۆەرسال

ۇيلەنۋ وڭاي ۇيلەسۋ قيىن

来源:جۇڭگو قازاق راديو تورابى     |责编:达吾力别克 |     发布日期: 2023-02-21 09:16
جالىن يماتاي ۇلى 
 
 تالاپكەر جxx پەن جۋاپكەر قxx ۇيلەنگەندەرىنە 15جىل بولعان بولىپ، ارالارىندا ەكى بالالارى بولادى. سەميالانعان العاشقى جىلدارى ەكەۋىنىڭ ىنتىماقتارى جاراسىپ، ۋاقىتتىڭ وتۋىمەن ءبىر-بىرىمەن ءوزارا ۇرىسىپ-قاجاساتىن جايتتەر كەلىپ شىعىپ، تۇسىنىسۋلەرىنىڭ جەتەرسىز، اياۋشىلىق سەزىمدەرىنىڭ كەمشىل بولۋىنان سەمياداعى قاقتىعىستارى كۇننەن-كۇنگە ۇلعايىپ، ءوزارا قول تيگزۋدەي ارەكتەتتەر الىپ بارادى. اقىرى تالاپكەر سوت مەكەمەسىنە جاۋاپكەردىڭ ۇستىنەن ۇيلەنۋدەن اجىراسۋ ارىزىن بەرەدى. 
 
 دەلونى جاۋاپتى ىستەۋشى سوتشى بۇل دەلونى قاراۋ بارسىندا، تالاپكەر مەن جاۋاپكەردىڭ اراسىنداعى قايشىلىق ونداي كۇردەلى بولماي، ەرلى-زايىپتىلاردىڭ كۇندەلىكتى تۇرمىستا كوپ جاقتان سىرلاسىپ كەتە الماي توماعا-تۇيىق كۇيدە ءجۇرىپ، جاۋاپكەردىڭ سەميا اۋىرتپالىعىنان مىنەزدىك جاقتا وزگەرىپ ايەلىنە بولعان قامقورلىعى ازايىپ، وسىدان تالاپكەردىڭ جاۋاپكەرگە بولعان سۇيسپەنشىلىگىنىڭ سۋىنىپ ارالارىنا سالقىندىق تۇسكەنىن انىقتايدى. 
 
 سوتشى ەكى جاقتىڭ پىكىرىن تولىعىمەن تىڭداعاننان كەيىن، جۇڭحۋا حالىق رەسپۋبليكاسىنىڭ ازاماتتىق زاڭناماسىنداعى ۇيلەنۋ جانە وت باسىنا قاتستى زاڭ-تارماقتارىنان جۇيەلى تۇسىنىكتەر جاساپ، ۇيلەنۋدەن اجىراسۋدىڭ الىپ كەلەر زاردابى مەن ۇرپاقتاردىڭ ءوسىپ-ەرجەتۋىنە كورسەتەر ءتاسىرىن اتاپ ءوتىپ، ولاردى قايتا ءبىر سەميا بولىپ كەلسىپ جاراسۋعا جەتەلەيدى. سوتشىنىڭ وسىنداي سابىرلىقپەن قىزمەت الىپ بارۋىنىڭ ناتيجەسىندە، تالاپكەر مەن جاۋاپكەر ءوز باستارىنان وتكەن كەمشىلىك-قاتەلىكتەرىن تانىپ جەتىپ، جاۋاپكەر ءوزىنىڭ وتاعاسىلىق بورىشىن ادا ەتە الماعان اعاتتىعىنان تالاپكەردەن كەشىرىم ءوتىنىپ، قول ۇستاسىپ سوت مەكەمەسىنىڭ قاقپاسىنان كەتە باردى. 
 
 سەميا-قوعامنىڭ ءبىر بولشەگى، تۇتاس قوعامنىڭ ايىرىلماس ءبىر بولەگى. وت باسىنىڭ بەرەكە-بىرلىگى مەن تىنىشتىعى قوعام اماندىعى مەن جاراسىمدىلىقتى جەبەۋدىڭ ەڭ نەگىزگى تياناعى. سوندىقتان دا سەميانىڭ تىرەگى، وت باسىنىڭ قامقورى بولىپ وتىرعان ەرلى-زايىپتى ەكى جاق ءوزارا بورىشتارىن تولىعىمەن وتەپ، تاتۋ-ءتاتتى تۇرمىس كەشىپ، ءبىر-بىرىنە كەشىرمىشىل، مەيىرىمدى، قامقور بولا ءبىلىپ، ساتسىزدىكتەرگە جولىققاندا ءوزارا دەمەۋ بەرىپ، جولىققان قيىنشىلقتاردى ورتاق قۇلشىنىپ شەشە السا، ماحابباتتارى ماڭگىلىك جاراسىپ، ومىردىڭ جۇگىن تەڭ ارقالاپ، ءبىر ءومىر باي-باقىتتى تۇرمىس كەشە الاتىن بولادى. 
 
 قىزمەت ورنى: جەمەنەي اۋداندىق حالىق سوت مەكەمەسى 
 
 
 
 

中央广播电视总台 央广网 版权所有

ۇيلەنۋ وڭاي ۇيلەسۋ قيىن

دەلونى جاۋاپتى ىستەۋشى سوتشى بۇل دەلونى قاراۋ بارسىندا، تالاپكەر مەن جاۋاپكەردىڭ اراسىنداعى قايشىلىق ونداي كۇردەلى بولماي، ەرلى-زايىپتىلاردىڭ كۇندەلىكتى تۇرمىستا كوپ جاقتان سىرلاسىپ كەتە الماي توماعا-تۇيىق كۇيدە ءجۇرىپ