ا ق ش-نىڭ زەرتتەۋشىلەرىنىڭ ٴءبىر زەرتتەۋىنە قاراعاندا، تەمەكى تارتۋ ۇلكەن مي تكاندارىن ازايتادى ەكەن، تەمەكىدەن تيىلۋ مۇنداي زاقىمدالۋدى توسقانىمەن، زاقىمدالعان مي تكاندارىن قالپىنا كەلتىرە المايدى ەكەن. بۇل زەرتتەۋ ا ق ش-نىڭ بيولوگيالىق رۋحاني اۋرۋلار عىلىمى: بۇكىل جەر شارىنداعى اشىق عىلىم جۋرنالىندا جاريالاندى. ا ق ش-نىڭ سان-لۋيس ۆاشينگتون ۋنيۆەرسيتەتى مەديتسينا ينستيتۋتى سياقتى قۇرىلىمداردىڭ زەرتتەۋشىلەرى ديسسەرتاتسياسىندا بىلاي دەدى: ەجەلدەن بەرى زەرتتەۋشىلەر تەمەكى تارتۋدىڭ جۇرەك پەن وكپەنى زاقىمداۋىنا عانا نازار اۋدارىپ، ۇلكەن ميدى زاقىمداۋعا نەمقۇرايدى قارادى، جاڭا زەرتتەۋلەر تەمەكى تارتۋ ارەكەتى مەن ميدىڭ زاقىمدالۋىنىڭ تىكەلەي بايلانىسىن بايقادى، بۇل تەمەكى تارتاتىنداردىڭ جاسپەن قاتىستى تانىمنىڭ ازعىنداۋى مەن التسگەيمەر اۋرۋىنىڭ حاۋىپ-قاتەرى ٴءتىپتى دە جوعارى ەكەنىن تۇسىندىرۋگە سەپتىگىن تيگىزەدى.

 

 قازىر ۇلكەن ميدىڭ سيىمدىلىعى مەن تەمەكى تارتۋ ارەكەتى گەنمەن قاتىستى ەكەندىگى بەلگىلى بولىپ وتىر. گەن، ۇلكەن مي جانە ارەكەت اراسىنداعى قاتىناستى ايقىنداۋ ٴءۇشىن، زەرتتەۋشىلەر ۇلى بريتانيانىڭ بيولوگيالىق مەديتسينا ساندى مالىمەت قامباسىنداعى 30 مىڭنان استام ادامنىڭ مي سيىمدىلىعىنا، كۇندەلىكتى تەمەكى تارتۋ ارەكەتىنە جانە تەمەكى تارتۋعا قاتىستى گەندەرگە تالداۋ جاسادى ٴءارى وسى ٴءۇش ٴءتۇرلى ساندى مالىمەتتى ەكى-ەكىدەن گرۋپپالارعا ٴبولىپ زەرتتەدى.

 

 ناتيجەدە ٴاربىر جۇپ فاكتوردىڭ بايلانىسى بار ەكەندىگى دالەلدەندى. كۇندەلىكتى تەمەكى تارتۋ ارەكەتى مەن مي سيىمدىلىعى اراسىنداعى بايلانىس تەمەكى تارتۋ مولشەرىنە بايلانىستى بولادى، ياعني ٴءبىر ادامنىڭ ٴار كۇنى تەمەكى تارتۋى قانشالىق كوپ بولسا، ونىڭ مي سيىمدىلىعى سونشالىق كىشى بولادى.

 

 ەڭ سوڭىندا، زەرتتەۋشىلەر تەمەكى تارتۋعا قاتىستى گەندى الىپ ٴجۇرۋ ادامدى ٴءتىپتى دە وڭاي تەمەكى تارتقىزادى، ال تەمەكى تارتۋ قانشالىق كوپ بولسا، ادامنىڭ مي سيىمدىلىعى سونشالىق كىشى بولادى دەگەن قورىتىندى شىعارادى. زەرتتەۋشىلەر تەمەكى تارتۋ مەن جاستىڭ ۇلعايۋى ميدىڭ سولۋىن كەلتىرىپ شىعاراتىن ەكى ۇلكەن باستى فاكتور دەپ قارايدى، ونىڭ ۇستىنە مۇنداي زاقىمدالۋ كەرى قايتپايدى، تەمەكىدەن تيىلۋ مي سيىمدىلىعىنىڭ ونان ارى ازايۋىنان ساقتانىپ، التسگەيمەر اۋرۋىنا شالدىعۋ جانە تانىمنىڭ ازعىنداۋ قاتەرىن تومەندەتەدى.

 

来源：老年健康报

翻译：赛力克·依玛汗

单位：福海县机关事务服务中心