2022-جىلعى كوكتەم مەرەكەسى قارساڭىندا، شاعانتوعاي اۋدانىمەن ىرگەلەس 161- تۋاننىڭ كوشەلەرىندە مەرەكەلىك ءتۇس العان ۇلكەندى-كىشىلى شىراقتار ىلىنىپ، مەرەكە شاتتىعىنا شومدى.

    1-ايدىڭ 20- كۇنى شاعانتوعاي اۋداندىق پارتكوم ۇگىت ءبولىم باس بولىپ، اۋداندىق مادەنيەت دەنە-تاربيە،راديو-تەلەۆەزيا جانە ساياحات مەكەمەسى، اۋداندىق شينحۋا كىتاپحاناسى بىرلىكتە «بيڭتۋان مەن جەرگىلىكتى ورىن قول ۇستاسا وتىرىپ، جاڭا جىلدى قارسى الۋ تىلەگىن بىرگە جەتكىزۋدى» نەگىزگى تاقىرىپ ەتكەن شاعان بوساعالىعىن بىرگە جازىپ، تىلەك ءبىلدىرۋ قيمىلىن وتكىزدى.

    قيمىل بارىسىندا اۋدانمەن كورشىلەس 161-تۋان حاتكەرلىك قوعامىنان ۇسىنىس ەتىلگەن 20 شەبەر جانە قاعاز ويما اۋەسكەرلەرى اۋداندىق شينحۋا كىتاپ دۇكەنىندە شاعاندىق بوساعالىق قاعازدارعا قالام تەربەپ، جۇرەك جاردى تىلەك سۇزدەرىن جازىپ، ءار مازمۇنداعى قاعاز ۇيما ويىپ، كىشكەنتاي وقۋشىلارعا جۇڭحۋا ۇلتىنىڭ ءداستۇرلى سالت-سانا مادەنەيتىن تۇسىندىردى.

سۋرەتتە: وسى رەتكى وزدىرىلعان قيمىلدان قيىقتار

    شاعانتوعاي اۋداندىق ادەبيەت–كوركومونەرشىلەر بىرلەستىگىنىڭ ورىنباسار تۇراعاسى لي گىبي ءتىلشىگە:- جۇڭحۋانىڭ ءداستۇرلى مادەنەيتىن جالعاستى ساۋلەلەندىرۋ ءۇشىن ءبىز بۇل قيمىلدى وزدىرىپ وتىرمىز. ءارى وسى رەتكى وزدىرلعان قيمىلدا باقىت تىلەگى جازىلعان 2000 نان استام شاعاندىق بوساعالىق پەن ادەمى قاعاز ويمالاردى اۋدانىمىزداعى ەرىكتىلەردى ۇيىمداسىترىپ، شاعان مەرەكەسىنەن بۇرىن حالىق بۇقاراسى ىشىندەگى قولعاناتى جوق قارتتارعا، ءمورال ۇلگىلەرىنە، ەڭبەك وزاتتارىنا جەتكىزىپ، پارتيامەن ۇكىمەتتىڭ قامقورلىعىن سان مىڭداعان وتباسىلارىنا سەزىندىرۋگە قۇلشىنامىز.

    قارابۋرا اۋىلى قوسقاباق قىستاعىنىڭ تۇرعىنى سۋگۇيچين:- ەرىكتىلەر اكەلگەن جاڭا جىلدىق تارتۋ شاعاندىق بوساعالىقتى تاپسىرىپ الىپ ەرەكشە تەبىرەندىم. وسى ورايدا ەلىمىز قوعامنىڭ جالعاستى ورنىقتى بولۋىن، وتان – انامىزدىڭ جىلدان – جىلعا كوركەيىپ، قۇدىرەتتەنۋىن، باياشاتتى دا باقىتتى زاماندا كوپشىلىكتىڭ بارىس جىلدارىنىڭ قۇتتى بولۋىن تىلەيمىن.