شي جينپيڭ جۋ ليلۇننىڭ جۇڭگو گومينداڭ پارتياسىنىڭ ٴتوراعاسى بولىپ سايلانعانىن قۇتتىقتادى
ٴوز حابارىمىز. ج ك پ ورتالىق كوميتەتىنىڭ باس شۋجيى شي جينپيڭ 9-ايدىڭ 26-كۇنى جۋ ليلۇنعا تەلەگرامما جولداپ، ونىڭ جۇڭگو گومينداڭ پارتياسىنىڭ ٴتوراعاسى بولىپ سايلانعاندىعىن قۇتتىقتادى، شي جينپيڭ بىلاي دەپ انىق ايتتى: وتكەن ٴبىر مەزگىلدە ەكى پارتيا «92-جىلعى ورتاق تانىمعا» تاباندى بولۋ، «تايۋاندى دەربەستەندىرۋگە» قارسى تۇرۋ سىندى ورتاق ساياسي نەگىزدە ٴتيىمدى ىقپالداستىق جاساپ، ەكى جاعالاۋ قاتىناسىنىڭ بەيبىت دامۋىن ىلگەرىلەتىپ، ەكى جاعالاۋداعى باۋىرلاستارعا باقىت جاراتىپ، جۇرتقا ايان كورنەكتى ناتيجەگە قول جەتكىزدى. ەكى پارتيانىڭ بيىكتە تۇرىپ الىسقا كوز جىبەرىپ، ورتاق ساياسي نەگىزگە، ۇلتتىق ادىلەتتىلىككە تاباندى بولىپ، ٴبىر جاعادان باس، ٴبىر جەڭنەن قول شىعارىپ، باۋىرلاستاردىڭ باقىتىن، تايۋان بۇعازىنىڭ بەيبىتشىلىگىن، مەملەكەتتىڭ تۇتاستىعىن، ۇلتتىڭ كوركەيۋىن كوزدەۋىن ٴۇمىت ەتەمىن.
سول كۇنى جۇڭگو گومينداڭ پارتياسىنىڭ جاڭادان سايلانعان ٴتوراعاسى جۋ ليلۇن جاۋاپ تەلەگرامما جولداپ، باس شۋجي شي جينپيڭگە العىس ايتتى. ول بىلاي دەدى: ەكى جاعالاۋ حالقى يانحۋاڭ ۇرپاقتارى، بۇدان بىلاي ەكى پارتيانىڭ «92-جىلعى ورتاق تانىم»، «تايۋاندى دەربەستەندىرۋگە» قارسى تۇرۋ نەگىزىندە ٴوزارا سەنىمدىلىكتى، توعىسۋدى كۇشەيتىپ، اۋىس-كۇيىستى، سەلبەستىكتى بەكەمدەپ، ەكى جاعالاۋ قاتىناسىن بەيبىت دامىتىپ، ەكى جاعالاۋداعى بۇقاراعا ورتاق باقىت جاراتىپ، تايۋان بۇعازىنىڭ بەيبىتشىلىگى مەن ورنىقتىلىعىن جەبەۋىن ٴۇمىت ەتەمىن.
اۋدارعان: قاناتبەك جۇماباي ۇلى