شي جينپيڭ اراب بىرىككەن امىرلىگىنىڭ جاڭادان تاعايىندالعان پرەزيدەنتى مۇحاممەدكە قۇتتىقتاۋ تەلەگرامماسىن جولدادى
ٴوز حابارىمىز. مەملەكەت ٴتوراعاسى شي جينپيڭ 5-ايدىڭ 14-كۇنى اراب بىرىككەن امىرلىگىنىڭ جاڭادان تاعايىندالعان پرەزيدەنتى مۇحاممەدكە تەلەگرامما جولداپ، ونىڭ اراب بىرىككەن امىرلىگىنىڭ پرەيزدەنتى بولعاندىعىن قۇتتىقتادى.
شي جينپيڭ مىنالاردى اتاپ كورسەتتى: جۇڭگو مەن اراب بىرىككەن امىرلىگى ديپلوماتيالىق قاتىناس ورناتقاننان بەرى، ەكى ەل قاتىناسى جاپپاي ىشكەرىلەي دامىدى، ەكى جاق ٴبىر ـ ٴبىرىنىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە باستان ـ اياق ٴبىر ـ ٴبىرىن باتىل قولداپ، ٴار سالاداعى ناقتى سەلبەستىكتە سۇبەلى تابىستارعا كەنەلىپ، ىنەتكە تىزە قوسا قارسى تۇرۋدا كورنەكتى ونىمدىلىككە قول جەتكىزىپ، ەكى ەل حالقىنىڭ دوستىعى كۇن سايىن تەرەڭدەدى. مەن جۇڭگو مەن اراب بىرىككەن امىرلىگى قاتىناسىنىڭ دامۋىنا ايرىقشا ٴمان بەرەمىن، پرەزيدەنت مۇحاممەدپەن بىرگە قۇلشىنىپ، ەكى ەلدىڭ جان ـ جاقتى ستراتەگيالىق سەرىكتەستىك قارىم ـ قاتىناسىن تەرەڭدەتىپ، ەكى ەلگە جانە ەكى ەل حالقىنا باقىت جاراتۋدى قالايمىن.
اۋدارعان: نازار ٴارىپ ۇلى