ءوز حابارىمىز. مەملەكەت ءتوراعاسى شي جينپيڭ 7-ايدىڭ 5-كۇنى الجيريا دەموكراتيالىق حالىق رەسپۋبليكاسىنىڭ زۇڭتۇڭى تەپىنگە تەلەگرامما جولداپ، الجيريا تاۋەلسىزدىك توڭكەرىسى جەڭىسكە جەتكەندىگىنىڭ 60 جىلدىعىن قۇتتىقتادى. 

 

شي جينپيڭ مىنالاردى انىق ايتتى: 60 جىلدىڭ الدىندا الجيريا حالقى جاپالى كۇرەس جۇرگىزۋ ارقىلى مەملەكەتتىڭ تاۋەلسىزدىگى مەن ۇلتتىڭ ازاتتىعىن جۇزەگە اسىرىپ، اراب ەلدەرى جانە افريكا ەلدەرى ۇلت ازاتتىق قوزعالىسىندا شۇعىلالى داستان جازدى. جۇڭگو ۇكىمەتى مەن حالقى الجيريانىڭ تاۋەلسىزدىك توڭكەرىسىنە قولداۋ كورسەتتى جانە كومەكتەستى، ەكى ەل مەن ەكى ەل حالقى كۇرەس بارىسىندا تەرەڭ دوستىق ورناتتى. تاياۋ جىلداردان بەرى ەكى ەلدىڭ ساياسي سەنىمدىلىگى بارعان سايىن كۇشەيىپ، ناقتى سەلبەستىكتە قوماقتى تابىسقا قول جەتىپ، جۇڭگو مەن الجىريانىڭ جالپى بەتتىك ستراتەگيالىق سەرىكتەستىك قاتىناسى ۇزدىكسىز تىڭ ساتىعا كوتەرىلدى. مەن جۇڭگو-الجىريا قاتىناسىن دامىتۋعا ايرىقشا ءمان بەرەمىن، زۇڭتۇڭمەن بىرگە قۇلشىنىپ، ەكى ەلدىڭ «ءبىر بەلدەۋ، ءبىر جولدى» ورتاق قۇرۋ اياسىنداعى ءار سالاداعى اۋىس-كۇيىسىن، سەلبەستىگىن ىلگەرىلەتىپ، ەكى ەلگە جانە ەكى ەل حالقىنا باقىت جاراتۋدى قالايمىن. 

 

سول كۇنى مەملەكەتتىك كەڭەستىڭ زۇڭليى لي كىچياڭ الجيريانىڭ زۇڭليى ابدۇراحمانعا قۇتتىقتاۋ تەلەگرامما جولدادى. لي كىچياڭ بىلاي دەدى: ەكى ەل ديپلوماتيالىق قاتىناس ورناتقان 64 جىلدان بەرى ەكى جاقتى قاتىناس اقاۋسىز، ورنىقتى دامىدى. مەن ابدۇرحمان زۇڭليمەن قول ۇستاسا قۇلشىنىپ، ەكى ەلدىڭ ءار سالاداعى ءوزارا ءتيىمدى سەلبەستىگىن كەڭەيتىپ، تەرەڭدەتىپ، جۇڭگو مەن الجىريانىڭ جالپى بەتتىك ستراتەگيالىق سەرىكتەستىك قاتىناسىنىڭ مازمۇنىن بايىتىپ، ەكى ەل حالقىنىڭ ىرىس-قۇتىن ۇزدىكسىز ارتتىرۋدى قالايمىن.

 

اۋدارعان: قاناتبەك جۇماباي ۇلى