وسىدان كەيىن كxx توقتامداعى كەلىسىم بويىنشا ءوز بورىشىن ادا ەتىپ ءۇيدىڭ سوماسىنان ىلگەرىندى -كەيىن بولىپ 100مىڭ يۋاندى بەرىپ بولىپ، توقتامداعى ءۇيدى تاپسىرىپ بەرۋگە تاياپ قالعان كەزدە، گوxx ”ءۇي ساتىلمايتىن بولدى، ارامىزداعى توقتامدى كۇشىنەن قالدىرايىق، بەرگەن اقشاڭدى وزىڭە قايتارىپ بەرەيىن“- دەيدى، كxx وعان ”سەن توقتامعا قايشىلىق جاسادىڭ، توقتامعا جىعىندى بولۋ سوماسى ءۇشىن 60مىڭ يۋان قوسا بەرەسىڭ“- دەپ توقتامعا جىعىندى بولۋ سوما سانى جونىندە ءوزارا كەلىسە الماي، اقىرى كxx جەمەنەي اۋداندىق حالىق سوتى مەكەمەسىنە گوxxكە بەرگەن 100مىڭ يۋان اقشانى قايتارتىپ بەرۋمەن بىرگە، توقتامعا جىعىندى بولۋ سوماسى ءۇشىن 60مىڭ يۋان سومانى قوسا ءوندىرىپ الۋ ارىزىن بەرەدى.

    سوت مەكەمەسى سوت اشىپ تەكسەرۋ ارقىلى، تالاپكەر كxx پەن جاۋاپكەر گوxx اراسىندا جاسالعان «ءۇيدى ساتىپ بەرۋ-ساتىپ الۋ توقتامى» ءار ەكى جاقتىڭ شىنايى ويىن بەينەلەگەن ەرىكتى تۇردە جاساسقان توقتامى بولىپ، توقتام كۇشىنەن قالعاننان كەيىن جاۋاپكەر گوxx تالاپكەر كxxكە العان 100مىڭ يۋان ءۇي سوماسىن قايتارىپ بەرۋى كەرەك. جاۋاپكەر توقتامداعى كەلىسىم بويىنشا ءۇيدى تالاپكەرگە وتكەرىپ بەرۋ بورشىن وتەمەگەندىكتەن، توقتامدا كەلىسكەن قايشىلىق جاساۋ جاۋاپكەرلىگىن ۇستىنە الىپ تالاپكەرگە توقتامعا جىعىندى بولۋ سوماسىن بەرۋى كەرەك. ءار ەكى جاقتىڭ توقتام جاساعان ۋاقىتى، توقتامدى كۇشىنەن قالدىرعان ۋاقىتى، تالاپكەردىڭ سوت مەكەمەسىنە كەلىپ ۇقىعىن دارىپتەۋ ۋاقىتى مەنتالاپكەردىڭ تاپسىرعان ءۇي سوماسىنىڭ سانىن ەسكەرە وتىرىپ، زاڭ بويىنشا جاۋاپكەر گوxx تالاپكەر كxxكە ءۇيدىڭ سوماسىنان العان 100مىڭ يۋاندى قايتارىپ بەرسىن، ءارى 20مىڭ يۋان توقتامعا جىعىندى بولۋ سوماسىن بەرسىن دەپ ۇكىم شىعارادى.

    سوتشىنىڭ ەسكەرتەرى: زاڭدى جالپىلاستىرىپ ۇگىتتەۋ قىزمەتىنىڭ ىشكەرلەي ورىستەتىلۋىندە، بۇقارانىڭ زاڭدىق تانىمى كۇن سايىن جوعارىلادى، سولاي بولسادا ءتۇرلى توقتامدار جاساعان كەزدە توقتامعا جىعىندى بولۋ سوماسى جونىندە ەرەكشە كوڭىل بولگەنىمىز ءجون.

    «جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 585-تارماعىندا تاراپتار تاراپتاردىڭ ءبىر جاعى توقتامعا جىعىندى بولعاندا، توقتامعا جىعىندى بولۋ احۋالىنا قاراي قارسى جاققا بەلگىلى مولشەردە توقتامعا جىعىندى بولۋ سوماسىن تولەۋى كەرەك دەپ كەلىسسە، توقتامعا جىعىندى بولۋ سەبەبىنەن تۋىلعان زياننىڭ تولەم سوماسىن ەسەپتەۋ ءادىسى جونىندە كەلىسۋىنە دە بولادى.

    كەلىسىلگەن توقتامعا جىعىندى بولۋ سوماسى تۋىلعان زياننان تومەن بولسا، حالىق سوت مەكەمەسىنىڭ نەمەسە تورەلىك ايتۋ قۇرىلىمىنىڭ تاراپتاردىڭ تالابى بويىنشا ارتتىرۋىنا بولادى؛ كەلىسىلگەن توقتامعا جىعىندى بولۋ سوماسى تۋىلعان زياننانتىم جوعارى بولسا، حالىق سوت مەكەمەسىنىڭ نەمەسە تورەلىك ايتۋ قۇرىلىمىنىڭ تاراپتاردىڭ تالابى بويىنشا، لايىقتى كەمەيتۋىنە بولادى.

    تاراپتار كەلىسىلگەن توقتامعا جىعىندى بولۋ سوماسىن وتەۋدى كەشەۋىلدەتسە، توقتامعا جىعىندى بولعان جاق توقتاعا جىعىندى بولۋ سوماسىن تولەگەننەن كەيىن دە بەرەشەگىن وتەۋى كەرەك دەپ بەلگىلەنگەن.

    دەلونى جاۋاپتى ىستەۋشى سوتشى جوعارعى تارماقتا كورسەتىلگەن مازمۇنداردى نەگىزگە الا وتىرىپ، تالاپكەر مەن جاۋاپكەردىڭ توقتام جاساعان ۋاقىتى، توقتامدى كۇشىنەن قالدىرعان ۋاقىتى، تالاپكەردىڭ سوت مەكەمەسىنە كەلىپ ۇقىعىن دارىپتەگەن ۋاقىتى مەن تالاپكەردىڭ تاپسىرعان ءۇي سوماسى جاقتارىن جالپى بەتتىك ويلاستىرىپ، توقتامعا جىعىندى بولۋ سوماسىن دەلونىڭ ءىس جۇزىندىك جاعدايىنا قاراي وتىرىپ ازايتىپ، جاۋاپكەر 20 مىڭ يۋان توقتامعا جىعىندى بولۋ سوماسىن بەرسىن دەپ شەشىم جاساعان.

جەمەنەي اۋداندىق حالىق سوتى مەكەمەسى