ٴوز حابارىمىز. 5 ـ رەتكى «جۇڭگو شارۋالار مول ٴونىم مەرەكەسى» قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ شارۋالاردى جانە اۋىل شارۋاشىلىعى، اۋىل ـ قىستاق ، شارۋالار قىزمەت شەبىندە قىزمەت ىستەپ جاتقان جولداستاردى مەرەكە بايلانىسىمەن قۇتتىقتادى جانە شىنايى حال سۇرادى. 

 

شي جينپيڭ مىنالاردى انىق ايتتى: بيىل ٴبىز بىلتىر سولتۇستىكتە سيرەك كەزدەسەتىن كۇزگى جاڭبىر جانە كۇزگى تاسقىن، كۇزدىك دۇمبە ٴبيداي كەڭ كولەمدە كەش ەگىلۋ، ٴىشىنارا جەرلەردە جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنىڭ ىقپالىنا ۇشىراۋ سياقتى كوپتەگەن قيىنشىلىقتاردى جەڭىپ ، وڭتۇستىكتەگى ٴىشىنارا ورىنداردا جوعارى تەمپەراتۋرا ، قۋاڭشىلىق سەكىلدى اۋىر سىندارعا توتەپ بەرىپ، جازعى استىق جانە ەرتە پىساتىن كۇرىش ٴونىمىن ارتتىردىق ، استىق وندىرىسىندە تاعى دا مول ٴونىم الىنباقشى. 

 

شي جينپيڭ مىنالاردى باسا دارىپتەدى : ٴار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ اۋىل شارۋاشىلىعى، اۋىل ـ قىستاق شارۋالار قىزمەتى جونىندەگى كەلەلى باعىت ـ ساياساتتارى مەن شەشىم-ورنالاستىرۋلارىن ىشكەرىلەي دايەكتەندىرىپ، استىق حاۋىپسىزدىگىن قامتاماسىز ەتۋدى كۇشەيتىپ، اۋىل شارۋاشىلىعىنىڭ جالپى جاعدايىن ورنىقتىرۋ؛ كەدەيلىكتەن قۇتىلدىرۋدان قامال الۋ جەتىستىكتەرىن بەكەمدەۋ جانە زورايتۋ؛ اۋىل ـ قىستاقتى كوركەيتۋدى تىڭعىلىقتى ىلگەرىلەتىپ، اۋىل ـ قىستاقتىڭ اناعۇرلىم بايۋىن ، اۋىل-قىستاق تۇرمىسىنىڭ اناعۇرلىم باقىتتى بولۋىن ، اۋىل ـ قىستاق ورتاسىنىڭ اناعۇرلىم كوركەم بولۋىن جۇزەگە اسىرۋدى ىلگەرىلەتۋ كەرەك. بۇكىل ەلدەگى قالىڭ شارۋالار اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن جەدەلدەتۋ ٴامالياتىنا بەلسەنە ات سالىسىپ، تۇرمىستارىن بارعان سايىن جاقسارتۋ، ٴتىپتى دە شالقىتا ٴتۇسۋ كەرەك.

 

اۋدارعان: قاناتبەك جۇماباي ۇلى