ٴوز حابارىمىز. پارتيانىڭ 20 ـ قۇرىلتايى اشىلۋ الدىندا تۇر. جەر ـ جەر ەمدەۋ، دەنساۋلىق ساقتاۋ بايلىقتارىن بەلسەنە تومەنگە ٴتۇسىرىپ، بۇقارانىڭ ەمدەلۋى قيىن بولۋ ماسەلەلەرىن قۇلشىنا شەشىپ، دەنساۋلىقتارىنا كوڭىل ٴبولدى. 

 

 شينجياڭ الاتاۋ قالاسىنىڭ تۇرعىنى شۇي في تاڭەرتەڭ ەرتە حۋبەيدەن شينجياڭعا كومەككە بارعان دوحتىر، الاتاۋ قالالىق حالىق دوحتىرحاناسى رەنتىگەن ٴبولىمىنىڭ ورىنباسار مەڭگەرۋشىسى ليۋ جينپيڭگە سيلىق جالاۋشاسىن ۇسىندى. بيىل 4 ـ ايدا الاتاۋ قالاسىنداعى تۇرعىنداردىڭ دەنساۋلىعىن جالپى بەتتىك تەگىن تەكسەرۋ بارىسىندا، ليۋ جينپيڭ ودا قالقانشا بەز ىراگىنىڭ باستاپقى اۋرۋ بەلگىسى بار ەكەنىن بايقايدى. شۇي في ۇسىنىسقا قۇلاق اسىپ، دەر كەزىندە ەمدەلىپ، اۋرۋ جاعدايى ٴونىمدى تىزگىندەلدى. 

 

 ەمدەۋ دارىندىلارىنىڭ « ۇيىرمە بويىنشا» شينجياڭعا كومەكتەسۋ قىزمەتى 2016 ـ جىلدان باستاپ اتقارىلىپ، شينجياڭداعى كومەك قابىلداعان دوحتىرحانالاردىڭ ەمدەۋ قىزمەتىن وتەۋ دەڭگەيى ٴونىمدى جوعارىلادى. شينجياڭداعى كومەككە يە بولعان 8 دوحتىرحانادا ٴبىر سىپىرا ماڭىزدى ارناۋلى بولىمدەر تىڭنان قۇرىلىپ، ەمدەۋ ورەسى بارعان سايىن ساپالانا ٴتۇستى. 332 ٴتۇرلى شۇعىل، قاتەرلى، سالماقتى اۋرۋلاردى شينجياڭنان سىرت جەرگە جوتكەمەي، 1914 ٴتۇرلى ۇنەمى كەزدەسەتىن اۋرۋ ايماق، وبلىس، قالانىڭ وزىندە ەمدەلەتىن بولدى. ليۋ جينپيڭ بىلاي دەدى: جەرگىلىكتى ورىنعا تامىر تارتاتىن ەمدەۋ دارىندىلار قوسىنىن قۇلشىنا قۇرۋ-مەنىڭ جانە شينجياڭعا كومەككە كەلگەن باسقا دا كاسىپتەستەرىمنىڭ ورتاق نىساناسى. 

 

 جياڭشي ولكەسى گانجوۋ قالاسى گانشيان رايونى ماۋديان قالاشىعى شيپاحاناسىنداعى پارتيا ياچەيكاسىنىڭ شۋجيى شيۇڭ يۇڭسى تۇرعىنداردىڭ ۇيلەرىنە بارىپ ولاردىڭ دەنساۋلىق جاعدايىن ۇعىسىپ تۇردى. پارتيانىڭ 18 ـ قۇرىلتايىنان بەرى، جياڭشي ولكەسىنىڭ گانجوۋ قالاسى نەگىزگى ساتى ەمدەۋ قىزمەت وتەۋىن ٴبىر تۇلعالاندىرىپ باسقارۋدى كۇش سالا اتقارىپ، نەگىزگى ساتى ەمدەۋ-دەنساۋلىق ساقتاۋ قۇرىلىمدارىندا « الەۋمەتتىك يگىلىك 1 ـ دارەجەلى قامتاماسىزداندىرۋ، الەۋمەتتىك يگىلىك 2 ـ دارەجەلى باسقارۋ » سياقتى جەلىلەس شارالاردى اتقاردى. قازىر گانجوۋ قالاسىندا 37 تىعىز ەمدەۋ بىرىككەن تۇلعاسى، تۇرعىنداردىڭ وتباسىلارىنا بارىپ ەمدەۋ قىزمەتىن وتەيتىن 3000 شيپاگەرلەر توبى قۇرىلىپ، ەمدەۋ قۇرىلىمدارىنان 593 ى قامتىلىپ، بۇقارانىڭ ەمدەلۋى ٴتىپتى دە قولايلى بولىپ، اقشالارى ۇنەمدەلدى. 

 

 داجوۋ ورتالىق شيپاحاناسىنىڭ ورىنباسار باستىعى ۋ ۋيرۇڭ بىلاي دەدى: قازىر شيپاحانامىزداعى ٴدارى ـ دارمەكتەرگە باعا قوسىلعان جوق، ٴدارى ـ دارمەكتەر مەن دياگنوز قويۋ-ەمدەۋ قاراجاتىن تۇگەلدەي ەمدەۋ قامسىزداندىرۋى بويىنشا ەسەپتەپ جابۋعا بولادى، بۇقارانىڭ ەمدەلۋى قىمبات بولۋ ماسەلەسى شەشىلدى. 

 

اۋدارعان:امانتاي مۇسايىپ ۇلى