ٴوز حابارىمىز. جۇڭگو ساۋدانى جەبەۋ قوعامىنىڭ زەرتتەۋ ورنى تاياۋدا جاريالاعان «2022-جىلعى جۇڭگو ەلەكتروندى ساۋداسىنىڭ دامۋ بەتالىسى جونىندەگى مالىمەتتىڭ ەكونوميكانىڭ جوعارى ساپالى دامۋىنداعى ەلەكتروندى ساۋدانىڭ ماڭىزدى رولى» دەگەن بولەگىندە كورسەتىلۋىنشە، تىكە تاراتۋ تۇرىندەگى ەلەكتروندى ساۋدانى ۋاكىل ەتكەن ەلەكتروندى ساۋدانىڭ جاڭا ۇلگىسى ۇزدىكسىز جاڭالانىپ، شەكارا اتتاعان ەلەكتروندى ساۋدا ساياساتتىڭ قولداۋىندا سىرتقى ساۋدانى ورنىقتىرۋدىڭ، تۇتىنۋدى جەبەۋدىڭ ماڭىزدى تۇتقاسىنا اينالدى.

 

 «مالىمەتتە» كورسەتىلۋىنشە، جاڭا تيپتى ايدارشا ۆيرۋس وكپە قابىنۋ ىندەتى تارالعاننان بەرى ەلەكتروندى ساۋدانىڭ تىكە بەرىلىمى ارقىلى توۆار ساتىپ الۋ تۇتىنۋشىلاردىڭ ۇدايى قولداناتىن تاسىلىنە اينالعان، ەلەكتروندى ساۋدانىڭ تىكە بەرىلىمىندەگى بىلىقپالىقتاردى جونگە سالۋعا قاتىستى ساياساتتاردىڭ ۇزدىكسىز تياناقتانۋىنا بايلانىستى، ەلەكتروندى ساۋدانىڭ تىكە بەرىلىمى دۇرىس جولدان تايماي، جاڭالىق جاراتۋ بارىسىندا تەز دامىدى. جۇڭگو ساۋدانى جەبەۋ قوعامى زەرتتەۋ ورنىنىڭ ورىنباسار باستىعى جاۋ پيڭ تانىستىرىپ بىلاي دەدى: 2022-جىلى 6-ايعا دەيىن ەلىمىزدىڭ ەلەكتروندى ساۋدا تىكە بەرىلىمىندەگى تۇتىنۋشىلار سانى 469 ميلليونعا جەتىپ، 2020-جىلى 3-ايداعىدان 204 ميلليون ارتىپ، جالپى توراپ ابونتتارىنىڭ %44.6 ىن يەلەدى. 

 

 «مالىمەتتە» بىلاي دەپ قارالدى: 2022-جىلى قىم-قۋىت كۇردەلى ەل ٴىشى-سىرتى جاعدايى مەن مەجەدەن تىس قات-قابات فاكتورلاردىڭ ىقپالىندا شەكارا اتتاعان ەلەكتروندىق ساۋدانىڭ جەلىدەگى ساۋداسى، جاناسپاعان تۇردە زات تاپسىرۋ، ساۋدا تىزبەگى قىسقا بولۋ سياقتى ابزالدىلىقتارىنا سۇيەنە وتىرىپ سىرتقى ساۋدانى ورنىقتىرۋ بارىسىندا ماڭىزدى رول اتقاردى. شەكارا اتتاعان ەلەكتروندىق ساۋدا يمپورتى ەلىمىز تۇتىنۋشىلارىنىڭ تۇتىنۋ دارەجەسىن جوعارىلاتۋداعى جاڭا تاسىلى بولىپ شىقتى. 

 

اۋدارعان: امانتاي مۇسايىپ ۇلى